ഇക്കാലത്ത് വകതിരിവാകാത്ത ചെറിയ കുട്ടികളെ കൈയും പിടിച്ച് മുതിർന്നവർ പള്ളിയിൽ വരുന്നതു കാണാം. പള്ളികളിൽ പശ തേച്ച് ഒട്ടിക്കുന്ന കാർപ്പെറ്റുകളാണല്ലോ ഇന്നധികവും കാണുന്നത്. അതിൽ കുട്ടികൾ മൂത്രമൊഴിച്ചു നജസായാൽ എന്തു ചെയ്യും? കഴുകിയാലും നനഞ്ഞാലും അവ കേടു വരുന്നതും സാമ്പത്തിക നഷ്ടമുണ്ടാകുന്നതുമാണല്ലോ. ഇത്തരം കാർപ്പെറ്റുകൾ നജസായാൽ കഴുകൽ നിർബ്ബന്ധമുണ്ടോ?
നിർബ്ബന്ധമാണ്. കഴുകിയാലും നനഞ്ഞാലും സാമ്പത്തിക നഷ്ടം വരുമെങ്കിലും അവ കഴുകി ശുദ്ധിയാക്കാതെ നിർവ്വാഹമില്ല. (ഫതാവൽ കുബ്റാ 1-39 നോക്കുക.)
ഇങ്ങനെ നജസാക്കലും വൃത്തികേടാക്കലും സാധാരണമായി വരുമ്പോൾ വകതിരിവാകാത്ത കുട്ടികളെയും ഭ്രാന്തന്മാരെയും കന്നുകാലികളെയും പള്ളിയിൽ പ്രവേശിക്കാൻ സൗകര്യം ചെയ്തുകൊടുക്കൽ നിഷിദ്ധമാണ്. ഇനി വൃത്തികേടാക്കൽ സാധാരണമല്ലെങ്കിലും വകതിരിവില്ലാത്ത കുട്ടികളെ പള്ളിയിലേക്കു കൊണ്ടുവരലും ഇരുത്തലും തെറ്റും കറാഹത്തുമാണ്. (ശർവാനി 2-168.)
