മൈലാഞ്ചിയും മതവിധിയും

ഒരു സപുഷ്പിയായ സസ്യമാണ് മൈലാഞ്ചി അഥവാ ഹെന്ന. ഏഷ്യയുടെയും ആഫ്രിക്കയുടെയു ഉഷ്ണമേഖലാ, ഉപോഷ്ണമേഖലാ പ്രദേശങ്ങളിൽ ധാരാളമായി കണ്ടുവരുന്നു. സൗന്ദര്യവർദ്ധക ഔഷധിയായ ഇത് ചില ത്വക്ക് രോഗങ്ങളെ ശമിപ്പിക്കുവാനും ഉപയോഗിച്ചുവരുന്നു.

ഹിന്ദിയിൽ ഹെന്ന എന്നും मेहेंदी (മേഹേംദി) എന്നും ആറിയപ്പെടുന്നു. തമിഴിൽ ഇത് மருதாணி (മരുതാണി) மருதோன்றி (മരുതോണ്ടി) എന്നും അറിയപ്പെടുന്നു. ഇംഗ്ലീഷിൽ Henna tree എന്നും സംസ്കൃതത്തിൽ രാഗാംഗി, രക്തഗർഭ, മദയന്തികാ, മേന്ധി, എന്നും അറിയപ്പെടുന്നു.

മൈലാഞ്ചി അല്ലാഹുവിന് ഏറ്റവും ഇഷ്ടപ്പെട്ട ചെടിയാണെന്ന് നബി  (സ) തങ്ങൾ പറഞ്ഞിട്ടുണ്ട് ഇമാം ബുഖാരി  (റ)യുടെ കിത്താബുത്താരീഖ് എന്ന ഗ്രന്ഥത്തിൽ ഈ ഹദീസ് കാണാം നബിതങ്ങൾ ഇടക്കിടെ മൈലാഞ്ചി കൊണ്ട് താടി മീശകളിൽ ചായം പൂശിയിരുന്നു അങ്ങനെ ചെയ്യൽ സുന്നത്താണെന്ന് മഹാന്മാർ പഠിപ്പിച്ചിട്ടുണ്ട് ഉമ്മു സലമ (റ) പറയുന്നു;  ഞാൻ അല്ലാഹുവിന്റെ ദൂതരെ ഒരു തലമുടി പറിച്ചെടുത്തു അത് മൈലാഞ്ചി കൊണ്ട് ചായം പൂശിയിരുന്നു (ബുഖാരി) 

മൈലാഞ്ചി നല്ലൊരു ഔഷധമാണ് നബി  (സ) മൈലാഞ്ചി കൊണ്ട് ചികിത്സിച്ചിരുന്നു വല്ല മുറിവോ മറ്റോ ഉണ്ടായാൽ അതിന്മേൽ മൈലാഞ്ചി വെക്കാൻ നബി  (സ) കൽപിച്ചിരുന്നു (അൽ ഇൻസാനുൽ കാമിൽ) 

നബി  (സ) ഒരിക്കൽ തലവേദനയുണ്ടായപ്പോൾ മൈലാഞ്ചി അരച്ച് നെറ്റിയിൽ പൂശുകയും അല്ലാഹുവിനെ സാക്ഷിയാക്കി ഇത് (മൈലാഞ്ചി)  നിശ്ചയമായും ഫലം ചെയ്യുമെന്നും പറഞ്ഞതായി ഇബ്നുൽ ഹജറുൽ ഹൈതമി ( റ) റിപ്പോർട്ട് ചെയ്തിട്ടുണ്ട് .

നബി  (സ) പറയുന്നു:  മൈലാഞ്ചി ഇടിച്ചു പൊടിയാക്കി നെറ്റിയിൽ പുരട്ടിയാൽ തലവേദനക്ക് ശാന്തി ലഭിക്കും അത് നാഡികൾക്ക് നന്നായി ബലമേകും  തലവേദനക്ക് മാത്രമല്ല കൈകാലുകളിലെ വേദനക്കും അതു നല്ലതാണ് പൊള്ളിയ സ്ഥലത്ത് അത് പുരട്ടി ഒരു തുണികൊണ്ട് വെച്ച് കെട്ടിയാൽ ശമനം ലഭിക്കും  (ഇബ്നു ഖയ്യിം )

റസൂല് കരീം(സ) പറഞ്ഞു: നാലു കാര്യങ്ങള് പ്രവാചകന്മാരുടെമാര്ഗങ്ങളില് പെട്ടതാണ്. മൈലാഞ്ചി, സുഗന്ധ പ്രയോഗം , വാ ശുദ്ധീകരണം, വിവാഹം. 

മൈലാഞ്ചി എന്നതിനു പകരം ലജ്ജ എന്നും ഒരു റിപ്പോര്ട്ടില് കാണുന്നു. (ഇമാം തിർമുദി റ)

മൈലാഞ്ചി അണിയൽ ആർക്കാണ് സുന്നത്ത്.?

മൈലാഞ്ചിയിടൽ വിവാഹിതകൾക്ക് സുന്നത്താണ് അവിവാഹിതർക്ക് കറാഹത്തും ഭർത്താവ് മരിച്ച് ഇദ്ദയിൽ ഇരിക്കുന്നവൾക്ക് ഹറാമും പുരുഷന്മാർക്ക് ചികിത്സാർത്ഥം കയ്യിലും കാലിലും മൈലാഞ്ചിയിടൽ അനുവദനീയമാണ്  (അൽഗുററു വദ്ദുറർ) 

ഇബ്നുഹജർ(റ) പറയുന്നു:

ويسن لغير المحرمة أيضا إن كانت حليلة وإلا كره ولا يسن لها نقش وتسويد وتطريف

وتحمير وجنة بل يحرم واحد من هذه على خلية ومن لم يأذن لها حليلها

ഇഹ്റാം ചെയ്യാത്ത സ്ത്രീകൾക്ക് വിവാഹിതരാണെങ്കിൽ മൈലാഞ്ചി അണിയൽ സുന്നത്താണ് അവിവാഹിതകൾക്ക് കറാഹത്തുമാണ്.

(തുഹ്ഫ)

ഇന്ന് കൂടുതലും കണ്ട് വരുന്നത് അവിവാഹിതർ മൈലാഞ്ചി അണിയുന്നതാണ്. എന്നാൽ വിവാഹിതരായ സ്ത്രീകൾ അതിൽ നിന്ന് മാറി നിൽക്കുന്നു.

പുരുഷന്മാർക്കും ഇദ്ദയിരിക്കുന്ന സ്ത്രീകൾക്കും കൈകാലുകലിൽ മൈലാഞ്ചി അണിയൽ ഹറാമാണ്.

എന്നാൽ ചൊറി പോലുള്ള രോഗത്തിന് വേണ്ടി പുരുഷൻ മരുന്നായി മൈലാഞ്ചി ഉപയോഗിക്കുന്നത് അനുവദനീയമാണ്.

ഇമാം ശർവാനി(റ) പറയുന്നു:

قال السيوطي في الحاوي للفتاوي (1/ 85): خضاب الشعر من الرأس واللحية بالحناء جائز للرجل، بل سنة صرح به النووي في شرح المهذب نقلا عن اتفاق أصحابنا لما ورد فيه من الأحاديث الصحيحة

ഇമാം സുയൂത്തി(റ) തന്റെ ഫതാവയിൽ പറയുന്നു പരുഷന് നരച്ച തലമുടിയിലും താടി രോമങ്ഹളിലും മൈലാഞ്ചി അണിയൽ സുന്നത്താണ്. നവവി ഇമാം ഇത് വെക്തമാക്കിയാതണ്. രണ്ട് കൈ കാലുകളിൽ മൈലാഞ്ചി അണിയൽ വിവാഹിതരായ സ്ത്രീകൾക്ക് സുന്നത്താണ്. പുരുഷന് ഹറാമുമാണ്.( ശർവാനി).

ചുരുക്കത്തിൽ മൈലാഞ്ചിയുടെ ഇസ്ലാമിക വിധി ഇങ്ങനെ കുറിക്കാം.

വിവാഹിതരായ സ്ത്രീകൾക്ക്- സുന്നത്ത്

നരച്ച തല-താടി രോമങ്ങളിൽ പുരുഷന്-സുന്നത്ത്

അവിവാഹിതരായ സ്ത്രീകൾക്ക്- കറാഹത്ത്

ഇദ്ദയിലിലിരിക്കുന്ന സ്ത്രീകൾക്ക്- ഹറാം

അകാരണമായി കൈകാലുകളിൽ പുരുഷന്- ഹറാം

ഇഹ്റാം ചെയ്ത സ്ത്രീകൾക്ക്-ഹറാം

ഇഹ്റാമിന് മുന്നോടിയായി വിവാഹിത-അവിവാഹിത സ്ത്രീകൾക്ക്- സുന്നത്ത്.

 

ട്യൂബ് മൈലാഞ്ചി

ഇന്ന് കടകളിന്ന് നിന്ന് വാഹ്ങുന്ന പല മൈലാഞ്ചി ട്യൂബുകളും കെമിക്കൽ ഉപയോഗിച്ച് നിർമിക്കുന്നതായതിനാൽ മൈലാഞ്ചി ധരിച്ച സുന്നത്ത് ലഭിക്കാതെ പോകുന്നു.

മാത്രമല്ല അത് വൂളൂഇന്റെ വെള്ളത്തെ തടയുകയും ചെയ്യുന്നു. ഈ വിഷയം ശ്രദ്ധിക്കേണ്ടതാണ്.

സിങ്ക് പോലുള്ള ട്യൂബുകള്‍ ഉപയോഗിച്ച് മൈലാഞ്ചി ഇടാമോ? വുളു ശരിയാവുമോ?

മൈലാഞ്ചി ഏതായിരുന്നാലും, വുളുവിന്‍റെ അവയവത്തിലേക്ക് വെള്ളം ചേരാത്ത വിധം തടിയുള്ള വല്ല സാധനവും ആവുന്നുണ്ടോ എന്നതാണ് മാനദണ്ഡം. സാധാരണ ഗതിയിലൊക്കെ മൈലാഞ്ചിയുടെ നിറം മാത്രമാണ് കൈവെള്ളയിലേക്ക് പതിയുന്നത്. അത്തരത്തില്‍ കേവലം നിറം പകരുന്നതെല്ലാം അത് പതുക്കെ ആ നിറം മാഞ്ഞുപോവുകയെന്നല്ലാതെ അതില്‍നിന്ന് ഒന്നും പറിഞ്ഞുപോരാറില്ല. പറിഞ്ഞുപോരുന്ന പക്ഷം, അവിടെ വെള്ളം ചേരലിനെ തടയുന്ന തടി അവിടെ ഉണ്ടെന്ന് മനസ്സിലാക്കാം. വുളു ശരിയാവുമോ ഇല്ലേ എന്നറിയാനുള്ള മാനദണ്ഡം ഇതാണ്.

പുരുഷൻ മൈലാഞ്ചി ഇടുന്നതിന്റെ വിധി എന്ത് ?

ചികിത്സ പോലുള്ള കാരണങ്ങളില്ലാതെ പുരുഷൻ കൈ കാലുകളിൽ മൈലാഞ്ചിയിടുന്നത് ഹറാമാണ്.

( കുർദി 2/309, ശർവാനി 9/375, തുഹ്ഫ4/59, ഫത്ഹുൽമുഈൻ 319)

കൈകാലുകളില്‍ സ്ത്രീകള്‍ മൈലാഞ്ചി അണിയുന്നതിന്‍റെ വിധിയെന്ത്‌? അത് വുളുവിന്‍റെ വെള്ളത്തെ തടയുമോ?

ഭര്‍ത്താവുള്ള സ്ത്രീക്ക് മൈലാഞ്ചി ഇടല്‍ സുന്നതാണ്. ഭര്‍ത്താവില്ലാത്തവര്‍ക്ക് അനുവദനീയമാണ്. പുരുഷന് മൈലാഞ്ചി ഇടല്‍ ഹറാമാണെന്നാണ് പ്രബലാഭിപ്രായം. ശക്തമായ കറാഹതാണ് എന്ന് പറയുന്ന പണ്ഡിതരും ഉണ്ട്. മൈലാഞ്ചി ഏതായിരുന്നാലും, വുളുവിന്‍റെ അവയവത്തിലേക്ക് വെള്ളം ചേരാത്ത വിധം തടിയുള്ള വല്ല സാധനവും ആവുന്നുണ്ടോ എന്നതാണ് നോക്കേണ്ടത്. സാധാരണ ഗതിയിലൊക്കെ മൈലാഞ്ചിയുടെ നിറം മാത്രമാണ് കൈവെള്ളയിലേക്ക് പതിയുന്നത്. അത്തരത്തില്‍ കേവലം നിറം പകരുന്നതെല്ലാം അത് പതുക്കെ ആ നിറം മാഞ്ഞുപോവുകയെന്നല്ലാതെ അതില്‍നിന്ന് ഒന്നും പറിഞ്ഞുപോരാറില്ല. പറിഞ്ഞുപോരുന്ന പക്ഷം, അവിടെ വെള്ളം ചേരലിനെ തടയുന്ന തടി അവിടെ ഉണ്ടെന്ന് മനസ്സിലാക്കാം. വുളു ശരിയാവുമോ ഇല്ലേ എന്നറിയാനുള്ള മാനദണ്ഡം ഇതാണ്. 

നരച്ച മുടി, താടി ചുവക്കാന്‍ വേണ്ടി എന്ന ഉദ്ദേശത്തില്‍ മാത്രം (സുന്നത് എന്ന ലക്ഷ്യമില്ലാത) മൈലാഞ്ചി ഇട്ടാല്‍ ഹറാം ആകുമോ?

നരച്ച മുടിക്ക് കറുത്ത ചായം കൊടുക്കലാണ് ഹറാം.അതേസമയം മൈലാഞ്ചി ഇട്ട് ചുവപ്പിക്കല്‍ സുന്നതാണ്. ഇത് ചെയ്യുമ്പോള്‍ സുന്നത് എടുക്കുന്നു എന്ന കരുത്ത് ഉണ്ടെങ്കില്‍ സുന്നതിന്‍റെ പ്രതിഫലം ലഭിക്കും, ആ കരുത്തില്ലെങ്കില്‍ സുന്നതിന്‍റെ കൂലി ലഭിക്കില്ല, പക്ഷേ, അത് കൊണ്ട് മാത്രം അത് ഹറാം ആവുകയില്ല.

കല്യാണം കഴിക്കാത്ത സ്ത്രീകള്ക്ക് മൈലാഞ്ചി ഇടാൻ പാടുണ്ടോ ?

ഭര്‍തൃമതികളായ സ്ത്രീകള്‍ക്ക് അവരുടെ ഇണകളെ സന്തോഷിപ്പിക്കാന്‍ വേണ്ടി കൈകാലുകളില്‍ മൈലാഞ്ചി ഇടല്‍ സുന്നതാണ്. ഹജ്ജിനു ഇഹ്റാം ചെയ്യുന്നതിനു മുമ്പായി ഇദ്ദയിലല്ലാത്ത എല്ലാ സ്ത്രീകള്‍ക്കും മൈലാഞ്ചി ഇടല്‍ സുന്നതാണ്. അവര്‍ ഭര്‍തൃമതികളല്ലെങ്കിലും അവര്‍ യുവതികളാണെങ്കിലും ഇഹ്റാമിനു വേണ്ടി അവര്‍ക്കത് സുന്നത് തന്നെയാണ്. പക്ഷേ, ഇഹ്റാമിനു വേണ്ടി മൈലാഞ്ചി ഇടേണ്ടത് മുന്‍കൈ മണിബന്ധത്തോടൊപ്പം മുഴുവനായിട്ടാണ്. അതു പോലെ മുഖത്തും മൈലാഞ്ചി കൊണ്ട് ഛായം ചെയ്യല്‍ ഇഹ്റാം ചെയ്യുന്ന സ്ത്രീക്കു സുന്നതാണ്. എന്നാല്‍ ഇഹ്റാമിനു ശേഷം ഇങ്ങനെ ഛായം ചെയ്യല്‍ കറാഹത്താണ്. ഭര്‍ത്താവില്ലാത്ത സ്ത്രീകള്‍ ഇഹ്റാമിനല്ലാതെ മൈലാഞ്ചി കൊണ്ട് മേല്പറഞ്ഞ പ്രകാരം നിറം നല്‍കല്‍ കറാഹതാണ്. എന്നാല്‍ മൈലാഞ്ചി ഉപയോഗിച്ച് ചിത്രപണികള്‍ ചെയ്യുന്നതും നഖങ്ങള്‍ക്ക് നിറം നല്‍കി ഭംഗിയാക്കുന്നതും ഭാര്‍ത്താവില്ലാത്തവര്‍ക്കും ഭര്‍ത്താവിന്‍റെ സമ്മതം കിട്ടാത്തവര്‍ക്കും നിഷിദ്ധമാണ്. ഏതവസരത്തിലും ചികിത്സാര്‍ഥം മൈലാഞ്ചി ഉപയോഗിക്കുന്നത് കറാഹതോ ഹറാമോ അല്ല.

വിവാഹ ദിവസം പുരുഷന്മാര്‍ മൈലാഞ്ചി ഉപയോഗിക്കല്‍ ഹറാം ആണോ?

പുരുഷന്മാര്‍ കൈകാലുകളില്‍ മൈലാഞ്ചി ഇടുന്നത് ഹറാം ആണെന്നാണ് ഫത്ഹുല്‍മുഈന്‍ അടക്കമുള്ള പല കര്‍മ്മശാസ്ത്ര ഗ്രന്ഥങ്ങളും പറയുന്നത്. എന്നാല്‍ ഹറാം അല്ലെന്നും ശക്തമായ കറാഹത് ആണെന്നും അഭിപ്രായപ്പെടുന്ന പണ്ഡിതരും ഉണ്ട്. വിവാഹ സുദിനത്തിലും മറ്റു ദിനങ്ങളിലുമൊക്കെ ഇതുതന്നെയാണ് വിധി. വിവാഹ ദിനം എന്നത് ഏറെ പവിത്രമാണെന്നും ആ ദിനത്തിലും ചടങ്ങിലും ഇത്തരം കാര്യങ്ങളൊന്നും കടന്നുവരാതിരിക്കാന്‍ പ്രത്യേകം ശ്രദ്ധിക്കണമെന്ന് കൂടി ഓര്‍ക്കേണ്ടതാണ്. 

മയ്യിത്തിന്റെ കൂടെ അത്തറിനൊപ്പം മൈലാഞ്ചിയും കഫന്‍ പുടവയില്‍ ഇടുന്നത് കാണുന്നുണ്ട് , ഇതിന്റെ ഇസ്ലാമിക അടിസ്ഥാനം എന്ത്?

കഫന്‍ പുടവയില്‍ മൈലാഞ്ചി വിതറുന്നത് സുന്നതാണെന്ന് അറിയിക്കുന്ന ഹദീസുകളോ കിതാബിന്റെ ഉദ്ധരണികളോ ഇല്ല. കഫനില്‍ സുഗന്ധം പുരട്ടുന്നതും പുകപ്പിക്കുന്നതും പോലെ മയ്യിതില്‍ നിന്നുണ്ടായേക്കാവുന്ന ദുര്‍ഗന്ധം തടയാന്‍ മൈലാഞ്ചി സഹായകമാണെന്നത് കൊണ്ടാവാം കഫനില്‍ അത് വിതറുന്നത്. അങ്ങനെ സുഗന്ധത്തിന് പകരമായി മൈലാഞ്ചി മതിയാവുമെങ്കില്‍ കഫനില്‍ മൈലാഞ്ചി വിതറുന്നത് സുന്നത് തന്നെയാണ്. കാരണം കഫന്‍ ചെയ്യാനുപയോഗിക്കുന്ന ഓരോ തുണിയിലും ഹനൂത് വിതറല്‍ സുന്നതാണ്. ഹനൂത് എന്നാല്‍ സുഗന്ധത്തിന് വേണ്ടി ഉപയോഗിക്കുന്ന എല്ലാമെന്ന് പണ്ഡിതര്‍ അര്‍ത്ഥം നല്‍കിയിട്ടുണ്ട്.