ഒരു ഹലാലായ കാര്യം ഹാസിലാവാൻ വേണ്ടി 13 ദിവസം തുടർച്ചയായി ളുഹാ നിസ്കരിക്കാമെന്ന് ഞാൻ നേർച്ചയാക്കി. എന്നാൽ 13 ദിവസത്തിനിടയിൽ ഞാൻ ഹൈള് കാരി ആവുകയും നിർവഹിക്കാൻ കഴിയാതെ വരികയും ചെയ്തു. എന്നാൽ എങ്ങനെയാണ് ഈ നേർച്ച വീടുക?

 

ഏതെങ്കിലും ഒരു നിസ്കാരം നിശ്ചിത സമയത്ത് നിർവ്വഹിക്കാമെന്ന് നേർച്ച നേർന്നാൽ ആ സമയത്ത് തന്നെ അത് നിർവഹിക്കൽ നിർബന്ധമാണ്. അതിന് സാധിക്കാതെ നഷ്ടപ്പെട്ട് പോയാൽ ഖളാഅ് വീട്ടൽ നിർബന്ധമാണ്. (അൽ ബഹ്റുർറാഇഖ് 4/142). അതനുസരിച്ച് മാസമുറ നിമിത്തം എത്ര ദിവസത്തെ ളുഹാ നിസ്കാരമാണോ നഷ്ടപ്പെട്ടത് അത് പിന്നീട് ഖളാഅ് വീട്ടേണ്ടതാണ്.