നമസ്കാരത്തിൽ സഹ്‌വിന്റെ സുജൂദ് ചെയ്യുന്നയാൾ അതു പ്രത്യേകം കരുതി ചെയ്യേണ്ടതുണ്ടോ? അതോ കരുത്തില്ലാതെ ചെയ്താൽ മതിയാകുമോ? നമസ്കാരത്തിന്റെ കരുത്തിൽ അതു പെടുകയില്ലേ?
ഇല്ല. സഹ്‌വിന്റെ സുജൂദിന് കാരണമാവുന്നത് നമസ്കാരത്തിൽ തേടപ്പെട്ട കാര്യമല്ലല്ലോ. വിരോധിക്കപ്പെട്ട കാര്യമാണ്. അതിനാൽ പ്രാരംഭത്തിലെ കരുത്തിൽ അതുൾപ്പെടുകയില്ല. തന്മൂലം സഹ്‌വിന്റെ സുജൂദിന് പ്രത്യേകം കരുത്ത് നിർബന്ധമാണ്. പക്ഷേ, തനിച്ചു നമസ്കരിക്കുന്നയാൾക്കും ഇമാമിനും മാത്രമേ ഇതു ബാധകമാവുകയുള്ളൂ. മഅ്മൂമിന് കരുത്തു നിർബന്ധമില്ല. അയാൾ ഇമാമിനോട് യോജിക്കൽ നിർബന്ധമാണല്ലോ. തന്മൂലം അയാളുടെ പ്രവൃത്തികൾ ഇമാമിനെ അനുഗമിക്കുന്നതിലേക്കു തിരിയും. ഇതിനു പ്രത്യേകം നിയ്യത്ത് വേണ്ടതില്ല. തുഹ്ഫ 2-199,200.
ബുൽബുൽ മാസിക 2020 ഡിസംബർ.
No comments:
Post a Comment