നാം കൊറോണ കാലഘട്ടത്തിലൂടെയാണ് കടന്നു പൊയ്ക്കൊണ്ടിരുന്നത്. വല്ലാത്തൊരു പരീക്ഷണ കാലഘട്ടം എന്ന് തന്നെ പറയേണ്ടി വരും. ഏകദേശം 41 ലക്ഷം ആളുകളാണ് ഇതുവരെ ഈ അസുഖം കാരണം ജീവൻ നഷ്ടപ്പെട്ടത് എന്ന് ഔദ്യോദിക കണക്കുകൾ സൂചിപ്പിക്കുന്നത്. 20 കോടിയിലധികം ആൾക്കാർക്ക് ഈ രോഗം പിടിപെടുകയും ചെയ്തത്. കണക്കിൽ എണ്ണപ്പെടാത്ത റിപ്പോർട്ടുകൾ എത്രയായിരിക്കും.
നമ്മുടെ വിഷയം ഇതുമായി ബന്ധിപ്പിക്കാൻ കാരണം , ഈ കാലയളവിൽ ലക്ഷക്കണക്കിനാളുകൾ തൊഴിൽ രഹിതരായി. ഇതിൽ കൂടുതൽ പേരും സ്റ്റോക്ക് മാർക്കറ്റിലേക്ക് ഒരു തയ്യാറെടുപ്പുമില്ലാതെ ഇറങ്ങിപ്പുറപ്പെട്ടു. പലർക്കും നല്ല തുകകൾ നഷ്ടമായി. മുന്നൊരുക്കമില്ലാതെ ഇറങ്ങിപ്പുറപ്പെട്ടതിന്റെ ഫലം എന്ന് വേണമെങ്കിൽ പറയാം.
സ്റ്റോക്ക് മാർക്കെറ്റിനെപ്പറ്റി പഠിക്കാൻ ഇന്ന് ധാരാളം മാർഗങ്ങളുണ്ട് . യുട്യൂബിൽ നോക്കിയാൽ ആയിരക്കണക്കിന് മലയാളത്തിൽ തന്നെ വീഡിയോകൾ കാണാൻ കഴിയും. നമ്മൾ ഇവിടെ ചർച്ച ചെയ്യുന്നത് ഇസ്ലാമികപരമായി , ശരീഅത്ത് അനുശാസിക്കുന്ന രീതിയിൽ എങ്ങനെ പണം ഇൻവെസ്റ്റ് ചെയ്യാം എന്നാണ്.
ഇന്ന് പല സെക്ടറുകളിൽ ഉള്ള സ്റ്റോക്കുകൾ നമുക്ക് നമ്മുടെ ഡീ-മാറ്റ് അക്കൗണ്ടുകളിൽ കാണാൻ കഴിയും. ഇന്ത്യൻ മാർക്കറ്റുകളിൽ പ്രധാനമായി രണ്ടു സ്റ്റോക്ക് എക്സ്ചേഞ്ചുകളാണുള്ളത്- BSE & NSE (ബോംബേ ഓഹരി വിപണിയും, നാഷണൽ ഓഹരി വിപണിയും) ഇതിൽ ലിസ്റ്റ് ചെയ്യപ്പെട്ട കമ്പനികളുടെ ഓഹരികളാണ് നാം വാങ്ങിക്കുന്നത്.ഓഹരികൾ വാങ്ങുവാനും വിൽക്കുവാനും വളരെ എളുപ്പമാണ്. ഒരു ഡീമാറ്റ് അക്കൗണ്ടും (Demat Account) ഇൻറർനെറ്റ് കണക്ഷനും (Internet Connection) ഉണ്ടെങ്കിൽ ഒരു മിനിറ്റിനുള്ളിൽ ഒരു ഓഹരി വാങ്ങുവാനും അത് മറിച്ചു വിൽക്കാനും കഴിയും.
ഓഹരി വിപണിയിലെ ഒഴിവാക്കുകപ്പെടേണ്ടുന്ന സെക്ടറുകൾ
പലിശ ഇടപാടുകൾ ഇസ്ലാമിൽ ഹറാമാണെന്ന് പറയേണ്ടതില്ലല്ലോ . പലിശയുമായി നേരിട്ട് ബന്ധമുള്ള ഒരു സെക്ടറാണ് ബാങ്ക് . അതുപോലെ ഇൻഷുറൻസ് കമ്പനികളുടെ ഷെയറുകൾ , NBFC (നോൺ ബാങ്കിങ് ഫിനാൻഷ്യൽ കമ്പനി) ഷെയറുകൾ ഇതെല്ലം ശരീഅ അനുവദിക്കപ്പെടാത്ത ഷെയറുകളാണ്.
ഒഴിവാക്കേണ്ടുന്ന മറ്റൊരു സെക്ടറാണ് മയക്കുമരുന്നുമായി (നാർക്കോട്ടിക്) ബന്ധപ്പെട്ടവ . അതായത് മദ്യം വിൽക്കുന്ന കമ്പനികൾ , പുകയില (ടുബാക്കോ) പ്രൊമോട്ട് ചെയ്യുന്ന കമ്പനികൾ ഇതുമായി ബന്ധമുള്ള മറ്റു വസ്തു വകകളും ഒഴിവാക്കപ്പെടേണ്ടതാണ്.
ശരീഅ അനുവദിക്കാത്ത മറ്റൊരു സെക്ടറാണ് എന്റർടൈൻമെന്റ് ഫീൽഡിലുള്ള ഷെയറുകൾ. ഉദാഹരണം, സിനിമകളിൽ നിന്നും വരുമാനമുണ്ടാക്കുന്ന ഷെയറുകൾ സ്റ്റോക്ക് മാർക്കെറ്റിൽ നമുക്ക് ലഭിക്കും. അത് ഒഴിവാക്കപ്പെടേണ്ടതാണ്. ഗാംബ്ലിങ് (ചൂതാട്ടം) വഴി പൈസയുണ്ടാക്കുന്ന ഷെയറുകളും വാങ്ങാൻ പാടില്ല.
പ്രാധാനപ്പെട്ട മറ്റൊരു സെക്ടറാണ് FMCG (Fast-moving consumer goods ) ആഹാരം സപ്ലൈ ചെയ്യുന്ന അല്ലെങ്കിൽ അതുമായി ബന്ധപ്പെട്ട കാര്യങ്ങളുമായി മുന്നോട്ട് പോകുന്ന ഓഹരികളുടെ ഷെയറുകൾ. ഈ സെക്ടറിൽ നിന്നും നമുക്ക് വാങ്ങാം. ഇതിൽ അനുവദിക്കപ്പെട്ട ധാരാളം ഷെയറുകളുണ്ട് . പക്ഷെ ഹലാൽ അല്ലാത്ത ആഹാരങ്ങളുടെ വിപണനം കൈകാര്യം ചെയ്യുന്ന കമ്പനികളുടെ ഓഹരികൾ ഇതിൽ ഉൾപ്പെടുന്നുണ്ട്. അപ്പോൾ അത് മനസ്സിലാക്കി ആ ഷെയറുകൾ തിരഞ്ഞെടുക്കാതിരിക്കൽ ഒരു മുസ്ലിമിനെ സംബന്ധിച്ച് അഭികാമ്യമായ കാര്യമാണ് . ഉദാഹരണമായി പന്നി ഇറച്ചിയുടെ വ്യാപാരവുമായി ബന്ധമുള്ള കമ്പനികൾ FMCG സെക്ടറിൽ രജിസ്റ്റർ ചെയ്യപ്പെട്ടിട്ടുണ്ട്. ഇങ്ങനെയുള്ള കമ്പനികളുടെ ഷെയറുകൾ മനസ്സിലാക്കി ഒഴിവാക്കണമെന്നു സാരം .
മറ്റൊരു സെക്ടറാണ് ആയുധങ്ങൾ വിപണനം നടത്തുന്ന കമ്പനികളുടെ ഷെയറുകൾ . ഇതും ശരീഅ അനുവദിക്കാത്ത ഷെയറുകളിൽ പെട്ടതാണ്. ഒരു പക്ഷെ രാജ്യത്തിനെതിരായോ , തീവ്രവാദത്തിനു വേണ്ടിയോ ഈ ആയുധങ്ങൾ ഉപയോഗിക്കാം .
മുകളിൽ സൂചിപ്പിച്ചതു കൂടാതെ ധാരാളം മറ്റുള്ള സെക്ടറിലുള്ള സ്റ്റോക്കുകളും നമുക്ക് പോർട്ഫോളിയോയിൽ കാണാൻ കഴിയും. പ്രധാനപ്പെട്ട ചില സെക്ടേഴ്സ് ആണ്.
നിഫ്റ്റി ഓട്ടോ ഇൻഡക്സ് (Nifty Auto Index ) : കാറുകളുടെയും മോട്ടോർ സൈക്കിളുകളുടെയും നിർമ്മാതാക്കൾ, ഹെവി വാഹനങ്ങൾ, ഓട്ടോ അനുബന്ധങ്ങൾ, ടയറുകൾ മുതലായവ ഉൾപ്പെടുന്ന ഓട്ടോമൊബൈൽ മേഖലയുടെ സ്വഭാവവും പ്രകടനവും പ്രതിഫലിപ്പിക്കുന്നതിനാണ് നിഫ്റ്റി ഓട്ടോ സൂചിക രൂപകൽപ്പന ചെയ്തിരിക്കുന്നത്. (ഇതിൽ ശരീഅ അനുവദിച്ച സ്റ്റോക്കുകളൂം ഉണ്ട് വിലക്കിയതും ഉണ്ട്)
നിഫ്റ്റി ഐ റ്റി (Information Technology (Nifty IT) : ഇന്ത്യൻ സമ്പദ്വ്യവസ്ഥയിൽ ഇൻഫർമേഷൻ ടെക്നോളജി (ഐടി) വ്യവസായം വലിയ പങ്കുവഹിച്ചിട്ടുണ്ട്. ഇന്ത്യൻ ഐടി മേഖലയുടെ നല്ല മാനദണ്ഡം കൈവരിക്കുന്നതിനായി എൻഎസ്ഇ സൂചികകൾ നിഫ്റ്റി ഐടി മേഖല സൂചിക വികസിപ്പിച്ചെടുത്തു.ഐടി ഇൻഫ്രാസ്ട്രക്ചർ, ഐടി വിദ്യാഭ്യാസം, സോഫ്റ്റ് വെയർ പരിശീലനം, ടെലികമ്മ്യൂണിക്കേഷൻ സേവനങ്ങൾ, നെറ്റ്വർക്കിംഗ് ഇൻഫ്രാസ്ട്രക്ചർ, സോഫ്റ്റ് വെയർ ഡെവലപ്മെന്റ്, ഹാർഡ്വെയർ നിർമ്മാതാക്കൾ, വെൻഡിംഗ്, പിന്തുണ, പരിപാലനം തുടങ്ങിയ ഐടി അനുബന്ധ പ്രവർത്തനങ്ങളിൽ നിന്ന് 50% ത്തിലധികം വിറ്റുവരവുള്ള കമ്പനികളാണ് ഈ സൂചികയിലെ കമ്പനികൾ. (ഇതിൽ ശരീഅ അനുവദിച്ച സ്റ്റോക്കുകളൂം ഉണ്ട് വിലക്കിയതും ഉണ്ട്)
നിഫ്റ്റി മീഡിയ (Nifty Media ) :- അച്ചടി, പ്രസിദ്ധീകരണം എന്നിവയുൾപ്പെടെയുള്ള മാധ്യമ, വിനോദ മേഖലയുടെ സ്വഭാവവും പ്രകടനവും പ്രതിഫലിപ്പിക്കുന്നതിനാണ് നിഫ്റ്റി മീഡിയ സൂചിക രൂപകൽപ്പന ചെയ്തിരിക്കുന്നത്. ദേശീയ സ്റ്റോക്ക് എക്സ്ചേഞ്ചിൽ (എൻഎസ്ഇ) ലിസ്റ്റുചെയ്തിരിക്കുന്ന സ്റ്റോക്കുകൾ ഉൾപ്പെടുന്നതാണ് നിഫ്റ്റി മീഡിയ സൂചിക. (ഇതിൽ ശരീഅ അനുവദിച്ച സ്റ്റോക്കുകളൂം ഉണ്ട് വിലക്കിയതും ഉണ്ട്)
നിഫ്റ്റി മെറ്റൽ (Nifty Metal) : - ഖനനം ഉൾപ്പെടെയുള്ള ലോഹ മേഖലയുടെ സ്വഭാവവും പ്രകടനവും പ്രതിഫലിപ്പിക്കുന്നതിനാണ് നിഫ്റ്റി മെറ്റൽ സൂചിക രൂപകൽപ്പന ചെയ്തിരിക്കുന്നത്. (ഇതിൽ ശരീഅ അനുവദിച്ച സ്റ്റോക്കുകളൂം ഉണ്ട് വിലക്കിയതും ഉണ്ട്)
നിഫ്റ്റി ഓയിൽ ആൻഡ് ഗ്യാസ് (Nifty Oil & Gas) : - ഓയിൽ, ഗ്യാസ്, പെട്രോളിയം വ്യവസായ മേഖലയിലെ ഓഹരികളുടെ പ്രകടനം പ്രതിഫലിപ്പിക്കുന്നതിനാണ് നിഫ്റ്റി ഓയിൽ ആൻഡ് ഗ്യാസ് സൂചിക രൂപകൽപ്പന ചെയ്തിരിക്കുന്നത്. (ഇതിൽ ശരീഅ അനുവദിച്ച സ്റ്റോക്കുകളൂം ഉണ്ട് വിലക്കിയതും ഉണ്ട്)
നിഫ്റ്റി ഫാർമ (Nifty Pharma) : - സോഫ്റ്റ്വെയറിനു പുറമെ ഇന്ത്യൻ കമ്പനികൾ സ്വയം ആഗോള ബ്രാൻഡ് സൃഷ്ടിച്ച പ്രധാന മേഖലകളിലൊന്നാണ് ഫാർമസ്യൂട്ടിക്കൽസ് മേഖല. ഇന്ത്യൻ കമ്പനികൾ പാശ്ചാത്യ രാജ്യങ്ങളിലെ നിയന്ത്രിത ജനറിക്സ് വിപണിയിലെ അവസരങ്ങൾ പ്രയോജനപ്പെടുത്തുകയും പ്രത്യേകിച്ച് വിലകൂടിയ മരുന്നുകൾക്ക് കുറഞ്ഞ വിലയ്ക്ക് തുല്യമായ തുക നൽകുന്നതിൽ ആഴത്തിലുള്ള കടന്നുകയറ്റം നടത്തുകയും ചെയ്തു.കൂടാതെ, ബയോടെക്നോളജിയുടെ അന്തർലീനമായ സാധ്യതയും നിരവധി പുതിയ കമ്പനികളെ ആകർഷിച്ചു, ഇത് ഇന്ത്യൻ കമ്പനികളുടെ പ്രധാന വളർച്ചാ മേഖല കൂടിയാണ്. ഈ മേഖലയിലെ കമ്പനികളുടെ പ്രകടനം മനസ്സിലാക്കുന്നതിനായി എൻഎസ്ഇ സൂചികകൾ നിഫ്റ്റി ഫാർമ സൂചിക വികസിപ്പിച്ചെടുത്തു.(ഇതിൽ ശരീഅ അനുവദിച്ച സ്റ്റോക്കുകളൂം ഉണ്ട് വിലക്കിയതും ഉണ്ട്)
നിഫ്റ്റി റിയൽറ്റി (Nifty Realty) : - ഇന്ത്യയിലെ റിയൽ എസ്റ്റേറ്റ് മേഖല ഗണ്യമായ വളർച്ചയാണ് കാണുന്നത്. റിയൽ എസ്റ്റേറ്റ് കമ്പനികളിലുടനീളം സമ്പത്ത് സൃഷ്ടിക്കാനുള്ള അവസരത്തെ വിപണിയുടെ സമീപകാല ചലനാത്മകത പ്രതിഫലിപ്പിച്ചു, റിയൽ എസ്റ്റേറ്റ് കമ്പനികളുടെ സമീപകാല പട്ടികപ്പെടുത്തലുകൾ തെളിയിച്ചത് പൊതു ഫണ്ടുകളിലും സ്വകാര്യ ഇക്വിറ്റികളിലും പ്രകടമായ വളർച്ചയ്ക്ക് കാരണമായി. (ഇതിൽ ശരീഅ അനുവദിച്ച സ്റ്റോക്കുകളൂം ഉണ്ട് വിലക്കിയതും ഉണ്ട്)
ചുരുക്കം ചില സെക്ടറുകളെക്കുറിച്ചാണ് ഇവിടെ സൂചിപ്പിച്ചത്. ഇത്തരത്തിലുള്ള ധാരാളം സെക്ടേഴ്സ് വേറെയുമുണ്ട് .
എന്താണ് ശരീഅത്ത് - കംപ്ലയിന്റ് ഇക്വിറ്റി നിക്ഷേപങ്ങൾ :
ഇക്വിറ്റി സ്റ്റോക്കുകളിൽ നടത്തുന്ന നിക്ഷേപങ്ങളെ ശരീഅത്ത് സൂപ്പർവൈസറി ബോർഡിന്റെ മാർഗ്ഗനിർദ്ദേശങ്ങൾ പ്രകാരം ശരീഅത്ത് തത്വങ്ങൾക്കനുസൃതമായി സ്ക്രീനിംഗ് ചെയ്യുന്നത് ശരീഅത്ത് - കംപ്ലയിന്റ് ഇക്വിറ്റി നിക്ഷേപങ്ങൾ എന്ന് വിളിക്കുന്നു.
നിക്ഷേപം നടത്താൻ ശരീഅത്ത് അനുവദനീയമായ സ്റ്റോക്കുകളുടെ ഒരു ലിസ്റ്റ് തിരിച്ചറിയാൻ ഇസ്ലാമിക് ഇക്വിറ്റി ഫണ്ട് മാനേജർമാർ അത്തരം ശരീഅത്ത് ഇക്വിറ്റി സ്ക്രീനിംഗ് ഉപയോഗിക്കുന്നു,
സെക്ടർ അധിഷ്ഠിത ശരീഅ ഒഴിവാക്കലുകളിൽ മറ്റ് ചിലത് ഇവയാണ്:മദ്യം, പന്നിയിറച്ചി, പുകയില, ചൂതാട്ടം, അശ്ലീലസാഹിത്യം, പരമ്പരാഗത ധനകാര്യ സേവനങ്ങൾ, പരമ്പരാഗത ഇൻഷുറൻസ്, മാറ്റിവച്ച പണത്തിന്റെ അടിസ്ഥാനത്തിൽ സ്വർണ്ണത്തിന്റെയും വെള്ളിയുടെയും വ്യാപാരം എന്നിവയിൽ നിന്നുള്ള വരുമാനം.
ശരീഅ സ്റ്റോക്കുകൾ എങ്ങനെ മനസ്സിലാക്കാം
മുകളിൽ കുറിച്ച വിവരങ്ങൾ സ്റ്റോക്ക് മാർക്കെട്ടിൽ ഇറങ്ങിയവർക്കും , തുടക്കകാർക്കും ഏറെക്കുറെ അറിയാവുന്ന വിഷയമാണ്. ഇനി നമ്മൾ ഒരു സ്റ്റോക്ക് ശരീഅ അനുവദനീയമാണോ എന്ന് എങ്ങനെ മനസ്സിലാക്കി എടുക്കും.
അതറിയാൻ ഓൺലൈനിൽ തന്നെ സംവിധാനങ്ങൾ ഉണ്ട്. സ്റ്റോക്കുകൾ ഹലാൽ ആണോ എന്ന് പരിശോധിക്കാൻ അൻസാർ ഡോട്ട് ഇൻ എന്ന ഫ്രീ വെബ്സൈറ്റ് നമുക്ക് മുന്നിലുണ്ട്. പക്ഷെ ഈ ഫ്രീ സൈറ്റിൽ ധാരാളം വൈരുധ്യങ്ങൾ ഇതിനെക്കുറിച്ച് പഠിച്ചവർക്ക് കാണാൻ സാധിക്കും.ചില സ്റ്റോക്കുകൾ നമ്മൾ സ്വയമായി വിലയിരുത്തൽ നടത്തിയാൽ ഈ സൈറ്റിൽ ശരീഅ അനുവദനീയം എന്ന് പറഞ്ഞിരിക്കുന്ന സ്റ്റോക്കുകൾ ഹലാൽ അല്ല എന്ന് വ്യക്തമാകും . നേരെ മറിച്ചും കാണാൻ സാധിക്കും. ഈ സൈറ്റ് ഫ്രീ ആയതിനാൽ കുറെ ആൾക്കാർ ഇത് ഫോളോ ചെയ്തു പോകുന്നുണ്ട്. ഇതിന്റെ വിശ്വാസ്യത എത്രത്തോളമുണ്ടെന്ന് നമുക്ക് പറയാൻ സാധിക്കില്ല.
ശരീഅ സ്റ്റോക്കുകൾ മനസ്സിലാക്കാനുള്ള മറ്റൊരു ഫ്രീ സൈറ്റാണിത്. ഇതിൽ NSE യിലും BSE യിലും ലിസ്റ്റ് ചെയ്യപ്പെട്ടിരിക്കുന്ന പ്രാധാനപ്പെട്ട കമ്പനികളുടെ പേരുകൾ ഉണ്ട്. ഇതിൽ നിന്നും ശരീഅ അനുവദിച്ച സ്റ്റോക്കിന്റെ ഇടതു വശത്തായി പച്ച നിറത്തിലുള്ള ഒരു ശരി മാർക്ക് കാണാൻ സാധിക്കും. ഇതിലും നമുക്കറിയേണ്ടുന്ന സ്റ്റോക്കുകൾ സെർച്ച് ചെയ്തു കണ്ടു പിടിക്കാനുള്ള ഓപ്ഷൻസ് നൽകിയിട്ടുണ്ട്. ഇതിന്റെ വിശ്വാസ്യതയും എത്രത്തോളമുണ്ടന്ന് പഠിച്ചിട്ടില്ല.
ശരീഅ സ്റ്റോക്കുകൾ കണ്ടെത്തനുള്ള മറ്റൊരു മാർഗമാണ് (Taqwaa Advisory and Shariah Investment Solutions (TASIS) Pvt Ltd) . ഈ സൈറ്റുകളൊക്കെ ഓപ്പൺ ആയി വരാൻ താമസമുള്ളതാണ്.
മറ്റൊരു സൈറ്റാണ് ഫിനിസ്പിയ (finispia) : ഇതിൽ ലോഗിൻ ചെയ്താൽ ഒരു മാസം മൂന്നു സ്റ്റോക്കുകൾ ഫ്രീ ആയി നോക്കാം . പിന്നീട് ആ മാസം മറ്റു സ്റ്റോക്കുകളെപ്പറ്റി മനസ്സിലാക്കണമെങ്കിൽ ഈ ആപ് പൈസ കൊടുത്ത് സബ്സ്ക്രൈബ് ചെയ്യണം . മൊബൈലിൽ ഉപയോഗിക്കാനായി ഇതിന്റെ ആൻഡ്രോയിഡ് വേർഷൻ പ്ലേ സ്റ്റോറിൽ ലഭ്യമാണ്.
മറ്റൊരു ആപ്ലികേഷനാണ് സോയ
ഇനി കൂടുതൽ ആളുകൾ ഉപയോഗിക്കുന്നതും വിശ്വാസ യോഗ്യമാണെന്നു ഏറെക്കുറെ ഉറപ്പുള്ളതുമായ ഒരു പെയ്ഡ് സൈറ്റ് ആണ് ഇസ്ലാമിക്കലി (Islamically) . ഇതിന്റെ ആൻഡ്രോയിഡ് , ഐഒഎസ് വേർഷനുകൾ ആപ് സ്റ്റോറിൽ ലഭ്യമാണ്.
ഇത് സബ്സ്ക്രൈബ് ചെയ്താൽ വളരെ എളുപ്പത്തിൽ തന്നെ നമ്മൾ ഉപയോഗിക്കുന്ന സ്റ്റോക്കുകൾ ശരീഅ അനുവദനീയമാണോ എന്ന് കണ്ടെത്താൻ സാധിക്കും. അതിനുള്ള കാരണങ്ങളും അതിൽ വിവരിച്ചിട്ടുണ്ടാകും. കൂടാതെ എന്ത് കൊണ്ട് ഒരു സ്റ്റോക്ക് ശരീഅ അനുവദനീയമായി, ഇത് എങ്ങനെ കണക്കാക്കുന്നു , ഇതിന്റെ മാനദണ്ഡങ്ങൾ എന്തൊക്കെയാണ് എന്ന് കമ്മന്റിലൂടെയോ , പേർസണൽ ചാറ്റിങ്ങിലൂടെയോ അവരോടു ചോദിച്ചാൽ മറുപടിയും ലഭിക്കും. അതിലൂടെ നമ്മുടെ സംശയങ്ങൾ ദൂരീകരിക്കാനും കൂടുതൽ വിശ്വാസ്യതയോടെ ഉപയോഗിക്കാനും സാധിക്കും. (മറ്റു പെയ്ഡ് ആപ്പ്ളിക്കേഷനിലും ഈ സൗകര്യങ്ങൾ അവർ ഒരുക്കിയിട്ടുണ്ടാകും)
ഇതിൽ ശരീഅ സ്റ്റോക്കുകൾ നമുക്ക് മുന്നിൽ കണ്ടെത്തിത്തരുന്നവരുടെ ചെറിയൊരു പ്രൊഫൈൽ നൽകിയിട്ടുണ്ട് . ഒന്നാമതായി
1) Sheikh Dr. Mohammed Ali Elgari -
Sheikh Dr. Mohammed Ali Elgari is a graduate from the University of California. He holds a PhD in Economics. He is an Associate Professor of Shari’a Compliant Economics and the former Director of the Centre for Research in Islamic Economics at King Abdul Aziz University in the Kingdom of Saudi Arabia.
Dr. Mohammed serves as a member of the Islamic Fiqh Academy as well as the Islamic Accounting and Auditing Organization for Islamic Financial Institution (AAOIFI). He is an Advisor on the Shari’a board of the Dow Jones Islamic index in addition to several Islamic financial institutions across the world.
2) DR. MUHAMMAD AMIN ALI QATTAN: -
Dr. Qattan is a highly regarded Shariah Scholar and is currently the Director of Islamic Economics Unit, Centre of Excellence in Management at Kuwait University.
Not only is he an accredited trainer in Islamic Economics, he is also a lecturer as well as a prolific author of texts and articles on Islamic economics and finance.
He also serves as the Shariah advisor to many reputable institutions such as Ratings Intelligence, Standard & Poors Shariah Indices, Al Fajer Retakaful amongst others.
Education : Ph.D. Islamic Banking, Birmingham University, UK
B.A. Islamic Economics, Al-Imam University, Riyadh, Saudi Arabia
3) Sheikh Dr. Nazih Hammad :-
Holder of Bachelors in Shari'ah from Damascus University (1967), a Master from Baghdad University, Iraq (1970), and a Doctorate with the 1st honor from Dar al-Ulum Faculty of Cairo University, Egypt (1973), with the specialization in “Contracts and Financial Transactions in Comparative Islamic Jurisprudence”.
His thesis was: “The Provisions of Possession in Contracts in Islamic Jurisprudence”.
Retired professor of Islamic Jurisprudence & its fundamentals from Faculty of Shariah, Umm al-Qura University, Mecca (1973 - 1990).
Author of more than 25 books, more than 50 research papers, and has supervised more than 25 master's and doctoral thesis in Islamic Jurisprudence and its fundamentals, and Islamic economics.
Permanent member of the International Islamic Fiqh Academy of the Organization of Islamic Cooperation (OIC) in Jeddah, a designated member of the Islamic Fiqh Council of the Muslim World League in Mecca, and a keynote speaker at the seminars of Future of Business Islamic Bank organized annually by the National Commercial Bank of Saudi Arabia in Jeddah, Saudi Arabia.
Head of Shari’ah Board of Citi Islamic Investment Bank in Bahrain, the Islamic Investment Fund Limited of Credit Suisse in Guernsey, Channel Islands & Minhaj Advisory in Dubai.
Member of Shari’ah Board in many institutions such as FWU Takaful GmbH in Dubai, Ratings Intelligence in United Kingdom, Citi Islamic Global Equity Fund in Luxembourg, the Islamic Fund “Oasis” in United Kingdom, Al Fanar Fund Group (Permal Investment Management Ltd) in United Kingdom, and Islamic Leasing Fund (Australia & New Zealand Bank) in United Kingdom.
ഇതുപോലെയുള്ള പ്രഗത്ഭരാണ് ഇസ്ലാമിക്കലി കൈകാര്യം ചെയ്യുന്നത് . അതുകൊണ്ട് നമ്മെ പോലുള്ളവർക്ക് വിശ്വസിച്ച് ഇതിലുള്ള ശരീഅ സ്റ്റോക്കുകൾ ധൈര്യമായി എടുക്കാം.
ഞാൻ പറഞ്ഞു വരുന്നത് ഇസ്ലാമിക്കലി മാത്രമാണ് ശെരി എന്നല്ല . ഓരോ ശരീഅ സൈറ്റ് പ്രൊവൈഡ് ചെയ്യുന്നവരും വിലയിരത്തലുകൾക്ക് ശേഷമാണ് ശരീഅ സ്റ്റോക്കുകൾ അവർ അപ്ഡേറ്റ് ചെയ്യുന്നത്.
പക്ഷെ അൻസാറിൽ ശരീഅ അനുവദനീയം എന്ന് പറഞ്ഞിരിക്കുന്ന പല സ്റ്റോക്കുകളും ഇസ്ലാമിക്കലിയിൽ എടുക്കാൻ അനുവാദം ഇല്ലാത്തതാണ് . അതുപോലെ ശരീഅ അനുവദിക്കപ്പെടാത്തത് എന്നവകാശപ്പെടുന്ന ചില സ്റ്റോക്കുകൾ ഇസ്ലാമിക്കലിയിൽ അനുവാദം തരുന്നുമുണ്ട് . അതിന്റെ കാര്യ കാരണങ്ങളും അതിൽ വിവരിച്ചിട്ടുണ്ട് .
ഇസ്ലാമിക്കലിയിൽ എന്തൊക്കെ മാനദണ്ഡങ്ങളാണ് ശരീഅ സ്റ്റോക്കുകൾ തിരഞ്ഞെടുക്കുന്നതിന് ഉപയോഗിക്കുന്നത് എന്ന് ഈ ലിങ്കിൽ നിന്നും വായിക്കുക
മറ്റൊരു കാര്യം ഉണർത്തതാണുള്ളത് നമ്മൾ എടുത്ത ഒരു സ്റ്റോക്ക് എടുക്കുന്ന സമയത്ത് ഒരു പക്ഷെ ശരീഅ അനുവദനീയമായിരിക്കാം . പക്ഷെ ആ സ്റ്റോക്കിനെപ്പറ്റി നമ്മൾ ശരീഅ അനുവദനീയമാണോ എന്ന് ദിനേന പരിശോധിക്കേണ്ടതായുണ്ട്. സാമ്പത്തികമായി തിരിമറി നടന്നുവെങ്കിൽ അല്ലെങ്കിൽ ആ കമ്പനി പലിശ എടുത്തുവെങ്കിൽ അല്ലെങ്കിൽ ശരീഅ അനുവദിക്കാത്ത മറ്റു മാർഗ്ഗങ്ങൾ വഴി കമ്പനി ബിസിനസ് മുന്നോട്ടു കൊണ്ട് പോകുന്നുവെങ്കിൽ ആ കമ്പനി ശരീഅ അനുവദിക്കാത്ത സ്റ്റോക്കിലേക്ക് മാറ്റപ്പെടും. നേരെ മറിച്ചു ശരീഅ അനുവാദമില്ലാത്ത സ്റ്റോക്കുകൾ ശരീഅ അനുവാദമുള്ള സ്റ്റോക്കുകളായി മാറാറുമുണ്ട് . ഇതെല്ലം നാം ദിനേന പരിശോധിക്കേണ്ടതുണ്ട്.
ചെറിയൊരു കാര്യ കൂടി സൂചിപ്പിക്കുന്നു. ഈ സൈറ്റുകളിൽ കയറിയാൽ ശരീഅ കംപ്ലൈൻസ് (അനുവദിക്കപ്പെട്ട സ്റ്റോക്കുകൾക്ക്) എന്നാണ് കാണാൻ സാധിക്കുക . ചിലർക്ക് സംശയം ഉണ്ടാകാം കംപ്ലൈന്റ് എന്നാൽ മോശമായതല്ലേ ഉപയോഗിക്കാൻ പറ്റാത്തത് എന്നല്ലേ എന്ന്. അതിന്റെ സ്പെല്ലിങ് കൂടി മനസിലാക്കുക.
Compliance - സമ്മതമുള്ളത്, അനുവാദമുള്ളത്
Complaint - പരാതിയുള്ളത്
Sharee-a Compliance എന്നാണുള്ളത്
മുകളിൽ സൂചിപ്പിച്ചതിൽ നിന്നും എന്താണ് ശരീഅ അനുവദനീയ സ്റ്റോക്കുകൾ എന്ന് ബോധ്യമായെന്ന് വിശ്വസിക്കുന്നു. പടച്ചവൻ നമുക്ക് ഹലാൽ ആയ രീതിയിൽ സമ്പത്തുകൾ കൈകാര്യം ചെയ്യാനും , നമ്മളിലേക്ക് ഹലാലായ രീതിയിൽ സമ്പത്തുകൾ വന്നെത്താനും അനുഗ്രഹിക്കട്ടെ.
അബ്ദുൽ ഫത്താഹ് കോന്നി : നന്മയുടെ പൂക്കൾ ബ്ലോഗ് സ്പോട്
Mob : 8113885252 (ഒരു സ്റ്റോക്ക് ശരീഅ അനുവദനീയമാണോ എന്നറിയാൻ വാട്സ് അപ് മെസ്സേജ് അയക്കുക)
