സംശയവും മറുപടിയും - അനന്തരാവകാശം

 

അനന്തര സ്വത്ത് ലഭിക്കാനുള്ള കാരണങ്ങൾ?

മൂന്നു കാരണങ്ങളുണ്ട് കുടുംബബന്ധം, വിവാഹബന്ധം, ഇസ്ലാമിക ബന്ധം ഇവകളാണവ അടിമയെ മോചിപ്പിച്ചവൻ എന്ന ഒരു കാരണംകൂടി ഉണ്ടെങ്കിലും ഇന്നു നമ്മുടെ നാട്ടിൽ അതു നിലവിലില്ലല്ലോ 

ഇസ്ലാമിക ബന്ധംകൊണ്ട് അനന്തരം എങ്ങനെ?

അവകാശികൾ ആരുമില്ലെങ്കിൽ മുസ്ലിംകളുടെ അവകാശം എന്ന നിലയ്ക്ക് പൊതു ഖജനാവിലേക്ക് അനന്തര സ്വത്ത് തിരിക്കപ്പെടും ഇസ്ലാമിക ബന്ധാമാണിവിടെ പരിഗണിച്ചത് ഇന്ന് ഇസ്ലാമിക പൊതുഖജനാവ് നിലവിലില്ല അതിനാൽ മുസ്ലിംകളുടെ പൊതുനന്മയിലേക്ക് സ്വത്ത് തിരിക്കണം 

അനന്തര സ്വത്ത് ലഭിക്കാത്തവർ?

രണ്ടു മതക്കാർ തമ്മിൽ അവകാശം ലഭ്യമല്ല മുസ്ലിം അമുസ്ലിമിനെയോ അമുസ്ലിം മുസ്ലിംമിനെയോ അവകാശം എടുക്കില്ല രണ്ടു മതത്തിന്റെ ആളുകൾ തമ്മിൽ അനന്തര സ്വത്തിൽ അവകാശം ഇല്ല 

കൊലയാളിക്കു അവകാശമില്ലെന്നു കേൾക്കുന്നു വസ്തുതയെന്ത്?

കൊന്നവനു കൊല്ലപ്പെട്ടവന്റെ സ്വത്തിൽ അവകാശമില്ല ഉദാ: മകൻ ഉപ്പയെ കൊന്നാൽ ഉപ്പയുടെ സമ്പത്തിൽ കൊന്ന മകനു അവകാശമില്ല 

ഒരാൾ മരണപ്പെട്ടപ്പോൾ തന്റെ മകൻ ഗർഭസ്ഥശിശുവാണെങ്കിലോ?

ഗർസ്ഥശിശുവിനും അനന്തര സ്വത്തിൽ അവകാശമുണ്ട് 

അനന്തരം ലഭ്യമാകാനുള്ള നിബന്ധനകൾ?

അവകാശി, അവകാശമാക്കപ്പെട്ടവൻ, അനന്തര സ്വത്ത് എന്നിവ 

പരസ്പരം അവകാശം എടുക്കുന്നവർ ഒരുമിച്ചു മരിച്ചാലോ?

അവർ (ഉദാ: ഭർത്താവ്, ഭാര്യ) ഒരുമിച്ച് മരിക്കുകയും ആരാണു ആദ്യം മരണപ്പെട്ടതെന്ന് അറിയാതിരിക്കുകയും ചെയ്താൽ രണ്ടുപേർക്കും അവകാശം ലഭിക്കില്ല രണ്ടുപേരുടെയും സ്വത്തുക്കൾ മറ്റു അവകാശികളിലേക്ക് തിരിക്കണം 

നാടുവിട്ടവന്റെ സ്വത്ത് എന്തു ചെയ്യണം?

ഒരാൾ നാടുവിടുകയും അവനെക്കുറിച്ച് ഒരു വിവരവും ഇല്ലാതിരിക്കുകയും ചെയ്താൽ അവന്റെ സമ്പത്ത് മാറ്റിവെക്കപ്പെടണം മരിച്ചുവെന്നു തെളിവുസഹിതം വിവരം കിട്ടിയാലും മരിക്കാൻ സാധ്യതയുള്ള കാലാവധിക്കു ശേഷം മരിച്ചുവെന്നു ഖാസി വിധിപ്രഖ്യാപിച്ചാലും അവന്റെ അനന്തര സ്വത്ത് ഓഹരി ചെയ്യാം 

ഭർത്താവിനു ഭാര്യയുടെ സമ്പത്തിലെ ഓഹരി?

ഭാര്യക്ക് മക്കളില്ലെങ്കിൽ (ഒന്നോ അതിലധികമോ) ആകെ സ്വത്തിന്റെ പകുതി  മക്കളുണ്ടെങ്കിൽ നാലിൽ ഒന്ന് 

ഭാര്യയുടെ ഓഹരിയെത്ര?

ഭർത്താവിനു മക്കളില്ലെങ്കിൽ നാലിൽ ഒന്ന് മക്കളുണ്ടെങ്കിൽ എട്ടിൽ ഒന്ന് 

ഭാര്യയുടെയും ഭർത്താവിന്റെയും മക്കൾ എന്നതിൽ മകന്റെ മക്കൾ പെടുമോ?

അതേ, മകന്റെ മക്കളും ഉൾപ്പെടും 

ഒരു സ്ത്രീ മരണപ്പെട്ടു ഉപ്പയും മകനും ഭർത്താവും ജീവിച്ചിരിക്കുന്നു അവരുടെ ഓഹരി?

ഉപ്പാക്ക് ആറിൽ ഒന്ന്, ഭർത്താവിനു നാലിൽ ഒന്ന്, ബാക്കി മകന് 12 ഓഹരി വെച്ചാൽ മതി ഉപ്പാക്ക് 2, ഭർത്താവിനു മൂന്ന്, മകന് ഏഴ് ഓഹരി 

ഒരാൾ മരണപ്പെട്ടപ്പോൾ മകൾ, മകന്റെ മകൾ, ഉപ്പ, ഭാര്യ, ഉമ്മയും ഉപ്പയും ഒത്ത സഹോദരി എന്നിവർ അവകാശികളാണെങ്കിൽ ഓഹരിയെത്ര?

മകൾക്ക് പകുതി,  മകന്റെ മകൾക്ക് ആറിൽ ഒന്ന്, ഉമ്മാക്ക് ആറിൽ ഒന്ന്, ഭാര്യക്ക് എട്ടിൽ ഒന്ന്, ബാക്കിയുള്ളതു സഹോദരിക്ക് 24 ഓഹരിവെച്ചാൽ മതി 

ഉമ്മാക്കും ഉപ്പാക്കും തുല്യ അവകാശം കിട്ടുമോ?

കിട്ടുന്ന അവസരങ്ങളുണ്ട് ഒരാൾ മരിച്ചപ്പോൾ ഉമ്മയും ഉപ്പയും മകനും മകളും ഭാര്യയും അവകാശികളായി ഉണ്ടെങ്കിൽ ഉമ്മാക്കും ഉപ്പാക്കും ആറിലുന്നു വീതമാണ് കിട്ടുക (മഹല്ലി) 

ഉമ്മയുടെ സ്വത്തിനു  ആൺമക്കളും പെൺമക്കളും തുല്യ അവകാശികളാണോ?

അല്ല ഉപ്പയുടെ സമ്പത്തിലും ഉമ്മയുടെ സമ്പത്തിലും അനന്തരവകാശത്തിൽ ആൺമക്കളുടെ പകുതിയാണ് സ്ത്രീ മക്കൾക്കുണ്ടാവുക 

അവകാശിയായി മകൾ മാത്രമാണെങ്കിലോ?

അവകാശം എന്ന  നിലക്ക് പകുതി സ്വത്തും  മറ്റാരും ഇല്ലാത്തതുകൊണ്ട് മറ്റേ പകുതി സ്വത്തും മകൾക്കു തന്നെ ലഭിക്കും (മഹല്ലി: 3/138) 

ഉമ്മയൊത്ത സഹോദര സഹോദരിമാർക്കു തുല്യ ഓഹരിയാണോ?

അതേ, മൂന്നിലൊന്നാണവരുടെ ഓഹരി സഹോദരനും സഹോദരിക്കും തുല്യമായി ഓഹരി വെക്കണം (വിശുദ്ധ ഖുർആൻ) 

ജീവിതകാലത്ത് രക്ഷിതാക്കൾ മക്കൾക്ക് സ്വത്ത് നൽകുകയാണെങ്കിൽ ആൺമക്കൾക്കും പെൺമക്കൾക്കും തുല്യമായി കൊടുക്കണോ?

അതാണു നല്ലത് അതിനെതിർ ചെയ്യൽ കറാഹത്താണ് (തുഹ്ഫ: 6/308) 

മതത്തിൽ നിന്നു പുറത്തുപോയവനു അനന്തരം കിട്ടുമോ?

ഇല്ല അവന്റെ സ്വത്തിലും ആർക്കും അവകാശമുണ്ടാകില്ല അവന്റെ ധനം 'ബൈതുൽ മാലി' ലേക്കാണ് ഇന്ന് അതില്ലാത്തതിനാൽ മുസ്ലിംകളുടെ പൊതുനന്മയിലേക്ക് ചെലവഴിക്കണം 

ഒരാൾ മരണപ്പെട്ടപ്പോൾ ഒരു മകളും ഉമ്മയും മാതാപിതാക്കളൊത്ത രണ്ടു സഹോദരങ്ങളും രണ്ടു സഹോദരികളുമുണ്ടെങ്കിലോ?

മകൾക്കു പകുതി, ഉമ്മാക്ക് ആറിൽ ഒന്ന്,  ബാക്കി സഹോദര സഹോദരിമാർക്ക്, പെണ്ണിന്റെ ഇരട്ടി ആണിനു എന്ന നിലയിൽ 18 ഓഹരി വെച്ചാൽ മതി 

ബുദ്ധിയില്ലാത്ത മക്കൾക്ക് സ്വത്തവകാശമുണ്ടോ?

മാതാപിതാക്കളുടെ അനന്തര സ്വത്തിൽ മക്കൾക്ക് അവകാശമുണ്ട് അതിനു ബുദ്ധി വേണമെന്നില്ല 

ജീവിതകാലത്ത് പിതാവ് ഒരു മകന് സ്വത്ത് കൊടുത്താൽ പിന്നെ അവന് അവകാശമുണ്ടോ?

ഉണ്ട് ഒരാൾക്കു മാത്രം സ്വത്ത് കൊടുക്കൽ കറാഹത്താണ് ജീവിതകാലത്ത് കിട്ടിയിട്ടുണ്ടെങ്കിലും പിതാവ് മരിച്ചശേഷം മറ്റു മക്കളെപ്പോലെ അധികാരമുണ്ടാകും 

ആൺമക്കളെ പകുതി പെൺമക്കൾക്ക് കിട്ടാനുള്ള കാരണം?

സ്ത്രീകൾക്കു താരതമ്യേന സാമ്പത്തിക ബാധ്യതകൾ കുറവാണ് അതുകൊണ്ടാണ് സ്ത്രീക്ക് പുരുഷന്റെ പകുതി അവകാശമായത് വിവിധ ഘട്ടങ്ങളിലായി സ്ത്രീയുടെ സൗരക്ഷണം ഇസ്ലാം പുരുഷനെ ഏൽപിച്ചിട്ടുണ്ട് സ്ത്രീകൾക്ക് തീരെ സ്വത്തിനു അവകാശമില്ലെന്നു വാധിച്ചിരുന്ന കാലത്താണ് പെൺമക്കൾക്ക് അവകാശമുണ്ടെന്നു ഇസ്ലാം പ്രഖ്യാപിച്ചത് (റാസി: 9/512) 

അനാഥ പൗത്രനു അവകാശമുണ്ടോ?

നേരെ മക്കളുണ്ടായിരിക്കേ മക്കളെ മക്കൾക്ക് സ്വത്തവകാശം ഉണ്ടാവില്ല അതു അനാഥ പൗത്രനാണെങ്കിലും ശരി പൗത്രനു പിതാമഹന്റെ (പിതാമഹിയുടെയും) സ്വത്തിൽ അവകാശമില്ലാതെ പോയത് 

പൗത്രന് സാമ്പത്തിക വിഷമമില്ലാതിരിക്കാൻ ചില മാർഗങ്ങൾ ഇസ്ലാം നിർദ്ദേശിച്ചിട്ടുണ്ട് അതു ചെയ്താൽ മതി  

അനാഥ പൗത്രനു സ്വത്ത്  വസ്വിയ്യത്ത് ചെയ്യാം അങ്ങനെ ചെയ്തുകൊണ്ട് പിതാമഹനു പൗത്രന്റെ സാമ്പത്തിക ഞെരുക്കം ഇല്ലാതാക്കാം 

അനന്തര സ്വത്തിൽ ആവശ്യമല്ല പരിഗണന അടുപ്പമാണ് അടുത്ത അവകാശികളുണ്ടാകുമ്പോൾ അകന്നവർക്ക് കിട്ടില്ല അതാണു പിതാവ് ജീവിച്ചിരിക്കുമ്പോൾ പിതാമഹനും പുത്രൻ ജീവിച്ചിരിക്കുമ്പോൾ പൗത്രനും മാതാവ് ജീവിച്ചിരിക്കുമ്പോൾ മാതാമഹിക്കും അവകാശം ലഭിക്കാത്ത് 

ഷണ്ഡന്മാർക്ക് എങ്ങനെ ഭാഗിച്ചു കൊടുക്കും?

അനന്തരാവകാശികളായ മക്കളിൽ ആണോ പെണ്ണോ എന്നു തിരിച്ചറിയാത്തവരുണ്ടെങ്കിൽ പെണ്ണിന്റെ ഓഹരി നൽകുകയും പുരുഷനായി സങ്കൽപിക്കുമ്പോൾ ഉണ്ടാവുന്ന ഓഹരിയിൽ നിന്നു മേൽ ഓഹരി കഴിച്ച് ബാക്കിവരുന്ന അംശം അവന്റെ സ്ഥിതി വ്യക്തമാകുംവരെ ഒന്നും ചെയ്യപ്പെടാതെ നിർത്തപ്പെടണം (തുഹ്ഫ: 6/425) 

ആണോ പെണ്ണോ എന്ന് തിരിച്ചറിയാതെ മരണപ്പെട്ടാൽ ബാക്കിയുള്ള അവകാശികൾ സുൽഹിലൂടെ (സന്ധിയിൽ) സ്വത്ത് കൈകാര്യം ചെയ്യണം 

അലി അഷ്‌കർ : 95267 65555