ജോലിസ്ഥലത്ത് ഒരു മുസ്ലിമിന്റെ കൂടെ താമസിക്കുന്ന ആളുകൾ അമുസ്ലീങ്ങളാണ്. ഭക്ഷണം പാകം ചെയ്യുന്നതിന് കോമൺ ആയ പാത്രങ്ങളാണ് ഉള്ളത്. അവർ ചിലപ്പോൾ പന്നിയിറച്ചി ഉണ്ടാക്കാറുണ്ട്. കോമൺ ആയിട്ടുള്ള ഗ്ലാസിൽ മദ്യം ഒഴിച്ച് കുടിക്കാറുണ്ട്. ഈ പാത്രങ്ങളിൽ ഉണ്ടാക്കുന്ന മറ്റു ഭക്ഷണവും, ഗ്ലാസും ഉപയോഗിക്കൽ അനുവദനീയമാണോ

അമുസ്ലിംകളുടെ പാത്രങ്ങൾ ഉപയോഗിക്കൽ അനുവദനീയമാണ്. എന്നാൽ അതിൽ മദ്യം, പന്നിയിറച്ചി, അല്ലെങ്കിൽ മറ്റേതെങ്കിലും നജിസായ ഹറാം വസ്തുക്കൾ ഉപയോഗിച്ചിട്ടില്ലെങ്കിൽ മാത്രമാണ് നേരിട്ട് ഉപയോഗിക്കൽ അനുവദനീയമാകുന്നത്.

ചോദ്യത്തിൽ പറയപ്പെട്ട സാഹചര്യത്തിൽ ആ പാത്രങ്ങൾ നന്നായി കഴുകി (മൂന്ന് തവണ) ശുദ്ധമാക്കൽ നിർബന്ധമാണ്. ശുദ്ധമാക്കുന്നതുവരെ ആ ഗ്ലാസുകൾ ഉപയോഗിക്കുന്നതും ആ പാത്രങ്ങളിൽ പാചകം ചെയ്ത ഭക്ഷണം കഴിക്കുന്നതും അനുവദനീയമല്ല. ഹറാമാണ്.

പറയപ്പെട്ട താമസ സ്ഥലത്ത് ഒന്നുകിൽ അവരുടെ പ്രത്യേക ആവിശ്യങ്ങൾക്ക് വേറെ പാത്രങ്ങൾ ഉപയോഗിക്കാൻ ആവശ്യപ്പെടുക അല്ലെങ്കിൽ ജാഗ്രതയ്ക്കുവേണ്ടി സ്വന്തമായി വേറെ പാത്രങ്ങൾ ഉപയോഗിക്കാം. എന്നിരുന്നാലും സാധാരണ സാഹചര്യങ്ങളിലും അമുസ്ലിംകളുടെ പാത്രങ്ങൾ ഉപയോഗിക്കുമ്പോൾ അവ ആദ്യം കഴുകിയശേഷം ഉപയോഗിക്കുന്നതാണ് കൂടുതൽ ഉത്തമവും സൂക്ഷ്മതയും.

قَالَ مُحَمَّدٌ - رَحِمَهُ اللَّهُ تَعَالَى -: يُكْرَهُ الْأَكْلُ وَالشُّرْبُ فِي أَوَانِي الْمُشْرِكِينَ قَبْلَ الْغُسْلِ وَمَعَ هَذَا لَوْ أَكَلَ أَوْ شَرِبَ فِيهَا جَازَ إذَا لَمْ يَعْلَمْ بِنَجَاسَةِ الْأَوَانِي وَإِذَا عَلِمَ حَرُمَ ذَلِكَ عَلَيْهِ قَبْلَ الْغُسْلِ

[ابن نجيم، البحر الرائق شرح كنز الدقائق ومنحة الخالق وتكملة الطوري، ٢٣٢/٨]

മുഫ്തി ഹാഫിള് അബ്ദുറഹ്മാൻ ഖാസിമി പത്തനംതിട്ട