ഇമാം നവവി(റ) പറയുന്നു: നിസ്കാരത്തിനു വേണ്ടി സന്നിഹിതരായവര്‍ക്ക് വേണ്ടിയാണ് ഇഖാമത്ത് കൊടുക്കുന്നത്. അതുകൊണ്ട് തന്നെ ആവര്‍ത്തനത്തിന്‍റെ ആവശ്യമില്ല. സ്ഥലത്തില്ലാത്തവരെക്കൂടി അറിയിക്കാന്‍ വേണ്ടിയാണ് വാങ്ക് വിളിക്കുന്നതെന്നതിനാല്‍ അതില്‍ ആവര്‍ത്തനം ആവശ്യമാണ്. ഇതാണ് ഇഖാമത്തിന്‍റെ കലിമതുകള്‍ (വാചകങ്ങള്‍) ഒരു തവണ മാത്രവും വാങ്കിന്‍റെ കലിമതുകള്‍ രണ്ട് തവണ ആവര്‍ത്തിക്കാനുമുള്ള കാരണം.
പണ്ഡിതന്മാര്‍ പറഞ്ഞു: വാങ്കിന്‍റെ ശബ്ദത്തേക്കാള്‍ താഴ്ത്തിയാണ് ഇഖാമത്ത് നിര്‍വഹിക്കേണ്ടത്. നിസ്കാരത്തിലേക്ക് എഴുന്നേറ്റ് നില്‍ക്കലാണ് ഇഖാമത്തിന്‍റെ മുഖ്യലക്ഷ്യമെന്നത് കൊണ്ടാണ് ‘ഖദ് ഖാമതിസ്സ്വലാ’ എന്ന വാചകം പ്രത്യേകമായി ഇഖാമത്തില്‍ ആവര്‍ത്തിക്കുന്നത് (ശറഹുന്നവവി അലാ സ്വഹീഹില്‍ മുസ്ലിം: 2/300).
No comments:
Post a Comment