ഞാൻ ഖത്തറിലാണ്. ഇന്ന് രാത്രി നാട്ടിലേക്ക് വരുന്നു. ഇവിടെ ഇപ്പോൾ പിറ കണ്ടു നാളെ നോമ്പാണ്. രാവിലെ അഞ്ചുമണി സമയത്ത് നാട്ടിലെത്തിച്ചേരും അപ്പൊൾ ഞാൻ ഖത്തറിൽ പിറ കണ്ടു എന്ന നിലക്ക് നോമ്പ് പിടിക്കണോ നാട്ടിൽ പിറ കണ്ടിട്ടുമില്ലല്ലോ

 

ഖത്തറിൽ പിറ കണ്ടു എന്ന വിവരം ലഭിച്ചതിനുശേഷം യാത്ര തിരിക്കുകയും സുബഹ് സ്വദിക്കിന് മുമ്പ് നാട്ടിൽ എത്തി ചേരുകയും ചെയ്യുന്ന സാഹചര്യത്തിൽ കേരളത്തിൽ പിറ കാണാത്തതിനാൽ തന്നെ നോമ്പ് പിടിക്കേണ്ടതില്ല. ഫജ്റ് പ്രവേശിക്കുന്ന സമയത്ത് ഒരാൾ ഏത് പ്രദേശത്താണോ ഉള്ളത് ആ പ്രദേശത്തിന്റെ ഔദ്യോഗിക ചന്ദ്രപിറ വിധിയാണ് ബാധകമാവുക. സുബഹ് സ്വദിക്കിന് മുമ്പ് നാട്ടിലെത്തുന്നതിനാലും  നാട്ടിൽ പിറ കാണാത്തതിനാലും ആ വ്യക്തി ശഅബാനിൽ തന്നെയാണ്  നിലകൊള്ളുന്നത്.

[تَنْبِيهٌ] : لَوْ صَامَ رَائِي هِلَالِ رَمَضَانَ وَأَكْمَلَ الْعِدَّةَ لَمْ يُفْطِرْ إلَّا مَعَ الْإِمَامِ لِقَوْلِهِ - عَلَيْهِ الصَّلَاةُ وَالسَّلَامُ - «صَوْمُكُمْ يَوْمَ تَصُومُونَ وَفِطْرُكُمْ يَوْمَ تُفْطِرُونَ» رَوَاهُ التِّرْمِذِيُّ وَغَيْرُهُ وَالنَّاسُ لَمْ يُفْطِرُوا فِي مِثْلِ هَذَا الْيَوْمِ فَوَجَبَ أَنْ لَا يُفْطِرَ نَهْرٌ

[ابن عابدين ,الدر المختار وحاشية ابن عابدين (رد المحتار) ,2/384]

മുഫ്തി ഹാഫിസ് അബ്ദുറഹ്മാൻ ഖാസിമി പത്തനംതിട്ട