ചില ബാങ്കുകൾ അവരുടെ ഡെബിറ്റ് കാർഡ് ഉപയോഗിച്ച് പർച്ചേസ് ചെയ്യുന്ന കസ്റ്റമർക്ക് ബാങ്ക് ഡിസ്‌കൗണ്ട് കൊടുക്കുന്നു. ഈ ഡിസ്‌കൗണ്ട് ഉപയോഗിക്കൽ അനുവദനീയമാണോ

 

ഡെബിറ്റ് കാർഡ് വഴി പണമടച്ചതിന്റെ പേരിൽ ലഭിക്കുന്ന ഡിസ്കൗണ്ട് ബാങ്ക് തന്നെയാണ് നൽകുന്നതെങ്കിൽ അത് സ്വീകരിക്കുന്നത് ശറഇയ്യായി അനുവദനീയമല്ല. കാരണം ഈ ആനുകൂല്യം ബാങ്ക് അക്കൗണ്ടിന്റെ അടിസ്ഥാനത്തിലാണ് ലഭിക്കുന്നത്. ശറഇൽ ബാങ്കിലെ നിക്ഷേപം ഒരു തരത്തിൽ കടമായി കണക്കാക്കപ്പെടുന്നു. കടം മൂലം ലഭിക്കുന്ന അധിക നേട്ടം പലിശയുടെ പരിധിയിൽ വരുന്നതാണ്. ചോദ്യത്തിൽ പറയപ്പെട്ട ഡിസ്കൗണ്ട് ബാങ്ക് നൽകുന്നതിനാൽ അത് സ്വീകരിക്കൽ അനുവദനീയമല്ല.

മറ്റു ചില രൂപങ്ങൾ

• ഡിസ്കൗണ്ട് ലഭിക്കുന്നത് സാധനം വാങ്ങിയ സ്ഥാപനമോ ഭക്ഷണം കഴിച്ച സ്ഥാപനമോ സ്വന്തം ഭാഗത്തുനിന്ന് നൽകുന്നതാണെങ്കിൽ അത് അവരുടെ ഔദാര്യവും സമ്മാനവുമാകയാൽ സ്വീകരിക്കൽ അനുവദനീയമാണ്.
• ഡിസ്കൗണ്ട് ബാങ്കിന്റെയും വ്യാപാര സ്ഥാപനത്തിന്റെയും സംയുക്ത പങ്കാളിത്തത്തോടെ നൽകുന്നതാണെങ്കിൽ, ബാങ്ക് നൽകുന്ന വിഹിതം സ്വീകരിക്കുന്നത് അനുവദനീയമല്ല.
• ഡിസ്കൗണ്ട് ബാങ്കോ വ്യാപാര സ്ഥാപനമോ നൽകുന്നതല്ല; മറിച്ച് ഡെബിറ്റ് കാർഡ് പുറത്തിറക്കുന്ന സ്ഥാപനമാണ് നൽകുന്നതെങ്കിൽ ആ സ്ഥാപനത്തിന്റെ ഇടപാടുകൾ മുഴുവനായോ കൂടുതലായോ ശരിയായതും അതിന്റെ വരുമാനം മുഴുവനായോ കൂടുതലായോ ഹലാലുമായിരിക്കുകയാണെങ്കിൽ, ആ ഡിസ്കൗണ്ട് ഉപയോഗിക്കൽ അനുവദനീയമാണ്.
• ഡിസ്കൗണ്ട് ആരുടെ ഭാഗത്തുനിന്നാണ് ലഭിക്കുന്നതെന്ന് അറിയാത്ത സാഹചര്യമാണെങ്കിൽ അതിൽ നിന്ന് വിട്ടുനിൽക്കുന്നതാണ് സൂക്ഷ്മത.

كُلُّ قَرْضٍ جَرَّ نَفْعًا فَهُوَ حَرَامٌ

(الأشباه والنظائر: 1/226، ط: دار الكتب العلمية)

آكِلُ الرِّبَا وَكَاسِبُ الْحَرَامِ أَهْدَى إِلَيْهِ أَوْ أَضَافَهُ وَغَالِبُ مَالِهِ حَرَامٌ لَا يُقْبَلُ، وَلَا يَأْكُلُ مَا لَمْ يُخْبِرْهُ أَنَّ ذَلِكَ الْمَالَ أَصْلُهُ حَلَالٌ وَرِثَهُ أَوِ اسْتَقْرَضَهُ، وَإِنْ كَانَ غَالِبُ مَالِهِ حَلَالًا لَا بَأْسَ بِقَبُولِ هَدِيَّتِهِ وَالْأَكْلِ مِنْهَا، كَذَا فِي الْمُلْتَقَطِ.

(الفتاوى الهندية: 5/343، ط: دار الفكر)

മുഫ്തി ഹാഫിള് അബ്ദുറഹ്മാൻ ഖാസിമി പത്തനംതിട്ട