സംശയവും മറുപടിയും - സ്ത്രീയും ഇദ്ദയും

 

ഇദ്ദയുടെ നിർവചനമെന്ത്?

എണ്ണം (സംഖ്യ) എന്നർത്ഥമുള്ള 'അദദ് ' എന്ന വാക്കിൽ നിന്നാണ് ഇദ്ദഃ എന്നത് രൂപപ്പെട്ടത് സ്ത്രീയുടെ ഗർഭാശയം കാലിയാണെന്നറിയാനോ മരണപ്പെട്ട ഭർത്താവിന്റെ മേൽ ദുഃഖമാചരിക്കാനോ അല്ലെങ്കിൽ യുക്തിചിന്തക്കതീതമായി (തുഅബ്ബുദ്) അല്ലാഹുവിന്റെ കൽപന നിറവേറ്റാനോ സ്ത്രീ കാത്തിരിക്കുന്ന നിശ്ചിത കാലയളവ് എന്നാണു ഇദ്ദഃയുടെ മതപരമായ നിർവചനം (തുഹ്ഫ:8/229) 

ഇദ്ദഃയുടെ അടിസ്ഥാനമെന്ത്?

വിശുദ്ധ ഖുർആൻ, സുന്നത്ത്, ഇജ്മാഅ് എന്നീ  ഖണ്ഡിത പ്രമാണങ്ങളാണ് അടിസ്ഥാനം ഇദ്ദഃ പൊതുവെ ദീനിൽ അനിഷേധ്യമായി അറിയപ്പെട്ടതിനാൽ നിഷേധിച്ചവൻ മതത്തിൽ നിന്നു പുറത്തുപോകും (തുഹ്ഫ:;8/229, നിഹായ: 7/126) 

ഭർത്താവു മരണപ്പെട്ടാൽ ഭാര്യ ഇദ്ദഃ ആചരിക്കേണ്ടത് എത്ര ദിവസമാണ്?

ഭർത്താവ് മരണപ്പെട്ട സ്വതന്ത്ര സ്ത്രീയുടെ ഇദ്ദഃ കാലം നാലു മാസവും പത്തു ദിവസവുമാണ് ഇക്കാര്യം ഖുർആൻ, സുന്നത്ത്, ഇജ്മാഅ് എന്നീ പ്രമാണങ്ങൾ കൊണ്ട് സ്ഥിരപ്പെട്ടതാണ് (തുഹ്ഫ: 8/250) 

ഫസ്ഖ് എന്നാലെന്ത്? ഇതിന്റെ വിധിയെന്ത്?

വിവാഹം ദുർബലപ്പെടുത്തലാണ് ഫസ്ഖ് ബുദ്ധിയും പ്രായ പൂർത്തിയുമുള്ള ഭാര്യക്കു ഇതു അനുവദനീയമാണ് 

എപ്പോഴാണിതു അനുവദനീയമാവുക?

ഏറ്റവും കുറഞ്ഞ വിഹിത പ്രകാരം  നിർബന്ധമാകുന്ന ചെലവും (പ്രതിദിനം ഒരു മുദ്ദ് ഭക്ഷ്യവസ്തു) വസ്ത്രവും നൽകാൻ സാമ്പത്തിക ശേഷിയും അനുയോജ്യമായ ജോലിയുമില്ലാത്ത ഭർത്താവാകുമ്പോൾ 

ഭാര്യയുടെ രക്ഷിതാവിനു ഫസ്ഖ് ചെയ്തുകൂടെ?

രക്ഷിതാവിനു ഇത് ചെയ്യാൻ അധികാരമില്ല സ്ത്രീയുടെ വിഷമം പരിഹരിക്കാനാണ് ഫസ്ഖ് നിയമമാക്കപ്പെട്ടത് അവൾക്കാണത് അധികാരം 

മണിയറ രഹസ്യം മറ്റുള്ളവരോട് പറയാമോ?

പാടില്ല നിഷിദ്ധമാണ് വൻദോഷമാണെന്നു വരെ സ്വഹീഹായ ഹദീസിൽ വന്നിട്ടുണ്ട് (തുഹ്ഫ: 7/217) 

ദമ്പതികൾ ഇണചേരുമ്പോൾ നഗ്നരാവലാണോ നല്ലത്?

അല്ല, വസ്ത്രം കൊണ്ട് മൂടൽ സുന്നത്താണ് (തുഹ്ഫ: 7/217) 

സംയോഗ വേളയിൽ സംസാരിക്കാമോ?

സംയോഗവുമായി ബന്ധമില്ലാത്ത കാര്യങ്ങൾ സംസാരിക്കൽ കറാഹത്താണ് ഇമാം റംലി (റ) വിന്റെ വീക്ഷണമാണിത് (ശർവാനി: 7/217) 

സംയോഗ സമയം ലിംഗവും യോനിയും കാണൽ പുണ്യമാണോ?

അല്ല (ശർവാനി:7/207) ബീവി ആഇശ (റ) പറയുന്നു: ഞാൻ നബി (സ) യിൽ നിന്നോ നബി (സ) എന്നിൽ നിന്നോ (നഗ്നത) കണ്ടിട്ടില്ല 

യോനീദർശനം മൂലം അപകടം വരുമോ?

നോക്കുന്നവനോ തന്റെ കുട്ടിക്കോ കാഴ്ച നഷ്ടപ്പെടാൻ സാധ്യതയുണ്ടെന്ന് ഹദീസിൽ വന്നിട്ടുണ്ട് (തുഹ്ഫ: 7/207)

ആർത്തവ സമയം ഇണചേരൽ?

വൻപാപമാണ് ഫിഖ്ഹിന്റെ മിക്ക ഗ്രന്ഥങ്ങളിലും ഇതു കാണാം 

അലി അഷ്ക്കർ - 9526765555