ഒരിക്കൽ അബൂ മുസ്ലിമുൽ ഖൗലാനി (റ) വിന്റെ ഭാര്യ അദ്ദേഹത്തോട് പറഞ്ഞു: ഇവിടെ ഭക്ഷണത്തിന്നു ഒന്നുമില്ല...
ഖൗലാനി (റ): നിന്റെ കയ്യിൽ വല്ലതും ഇരിക്കുന്നുണ്ടോ..?
ഭാര്യ: അതെ, ഒരു ദിർഹമുണ്ട്.
ഖൗലാനി (റ): എന്നാൽ അതിങ്ങോട്ട് എടുക്ക് സാധനങ്ങൾ വാങ്ങാനുള്ള ഒരു കീശയും (സഞ്ചി) എടുത്തോ...
അങ്ങനെ ഖൗലാനി (റ) സാധനങ്ങൾ വാങ്ങാനായി അങ്ങാടിയിലേക്ക് പോയി.
അങ്ങാടിയിൽ എത്തിയപ്പോൾ ഒരു ഭിക്ഷക്കാരൻ കെെ നീട്ടി.. ഉടനെ ആ ഒരു ദിർഹം അദ്ദേഹത്തിന്നു കൊടുത്തു...
ഇനി എന്തു ചെയ്യും എന്നു പിന്നീടാണ് ചിന്തിച്ചത്..!! ഭാര്യയോട് എന്ത് പറയും..?!
ആലോചനക്കു ശേഷം അദ്ദേഹം കുറച്ചു മണ്ണുവാരി കീശ(സഞ്ചി)യിലിട്ടു അതുമായി വീട്ടിലേക്കു ചെന്നു.
ഭയപ്പാടോടെയാണ് അദ്ദേഹം ചെന്നത്...
കീശ (സഞ്ചി) ഭാര്യയെ ഏൽപ്പിച്ച്‌ അദ്ദേഹം പുറത്തേക്ക് പോയി...
സമയം രാത്രിയായപ്പോൾ നല്ല ചപ്പാത്തിയുണ്ടാക്കി മുന്നിൽ കൊണ്ടുവന്നു വെച്ചിരിക്കുന്നു..!!
അദ്ദേഹം അത്ഭുതത്തോടെ ചോദിച്ചു.. ഇതെവിടന്നാണ് നിനക്ക് കിട്ടിയത്..?
ഭാര്യ പറഞ്ഞു: നിങ്ങൾ കൊണ്ടു വന്ന മാവുകൊണ്ട് ഉണ്ടാക്കിയത്...
അത്ഭുതം തന്റെ ഭാര്യ കീശ (സഞ്ചി) തുറന്നു നോക്കിയപ്പോൾ കണ്ടത് മണ്ണായിരുന്നില്ല. നല്ല വെളുത്ത മാവായിരുന്നു...
ഖൗലാനി ഇമാം അതു ഭക്ഷിക്കുകയും കരയുകയും ചെയ്തു...(താരീഖ് ഇബ്നു അസാകിർ 9/19)
لَوْ أَنَّكُمْ تَوَكَّلْتُمْ عَلَى اللَّهِ حَقَّ تَوَكُّلِهِ، لَرَزَقَكُمْ كَمَا يَرْزُقُ الطَّيْرَ، تَغْدُوا خِمَاصاً وَتَرُوْحُ بِطَانا
"നബി ﷺ പറഞ്ഞു: നിങ്ങളിൽ ആരെങ്കിലും അല്ലാഹുﷻവിൽ ഭരമേല്പിക്കേണ്ട രൂപത്തിൽ ഭരമേല്പിച്ചാൽ പക്ഷികൾക്ക് ഭക്ഷണം കൊടുക്കും പ്രകാരം നിങ്ങൾക്കും ഭക്ഷണം നൽകും.
കാലിയായ വയറുമായി പ്രഭാതത്തിൽ പോകുന്ന പക്ഷികൾ നിറഞ്ഞ വയറുമായി വെെകുന്നേരം മടങ്ങുന്നു..."
No comments:
Post a Comment