മതഭൃഷ്ട് എന്നാലെന്ത്?
മടങ്ങൽ എന്നാണു രിദ്ദത്ത് (മതഭൃഷ്ട് എന്നതിന്റെ ഭാഷാർത്ഥം ശർഇന്റെ വീക്ഷണപ്രകാരം മതഭൃഷ്ട് പണ്ഡിതർ ഇങ്ങനെ വിവരിക്കുന്നു: 'പ്രായപൂർത്തിയും ബുദ്ധിയുമുള്ള ഒരാൾ ഇഷ്ടപ്പെട്ടപ്രകാരം ഇപ്പോഴോ ഭാവിയിലോ കാഫിറാകുമെന്ന് ഉദ്ദേശിക്കൽ കൊണ്ടും കാഫിറാകുന്ന വാക്കൊ പ്രവൃത്തിയോ അതിൽ വിശ്വസിക്കലോടുകൂടി അല്ലെങ്കിൽ മത്സരത്തോടു കൂടി അതുമല്ലെങ്കിൽ പരിഹാസത്തോടുകൂടി പറയുകയോ പ്രവർത്തിക്കുകയോ ചെയ്യൽ കൊണ്ടും ഇസ്ലാമിലെ വിച്ഛേദിക്കലാണ് മതഭൃഷ്ട് (ഫത്ഹുൽ മുഈൻ, പേജ്:442)
കുഫ്റിനെ ഒരു അസംഭവ്യ കാര്യവുമായി ബന്ധപ്പെടുത്തിയാൽ രിദ്ദത്ത് സംഭവിക്കുമോ? ഉദാ: ഒരാൾ 'എന്റെ കയ്യിലേക്ക് ഇപ്പോൾ മുകളിൽനിന്നു നിരവധി ജനങ്ങളുള്ള വിമാനം വന്നിറങ്ങിയാൽ ഞാൻ മുർത്തദ്ദാകുമെന്നു' പറയുംപോലെ
അതേ, പ്രസ്തുത ബന്ധപ്പെടുത്തൽ കൊണ്ട് അവൻ മുർത്തദ്ദാകുന്നതാണ് ബന്ധപ്പെടുത്തിയ കാര്യം ഉണ്ടാകേണ്ടതില്ല പറഞ്ഞ ഉടനെ ഇസ്ലാമിൽ നിന്നു പുറത്തുപോകും (തുഹ്ഫ: 9/83)
ഒരു കാഫിർ മുസ്ലിം സ്ത്രീയെ വ്യഭിചരിക്കുകയും അങ്ങനെയവൾ ഗർഭം ധരിച്ച് പ്രസവിക്കുകയും ചെയ്താൽ കുട്ടി മുസ്ലിംമോ കാഫിറോ?
കുട്ടി മുസ്ലിമാണ് കുട്ടിക്ക് മാതാവുണ്ട്, പിതാവില്ല മാതാവ് മുസ്ലിമാണല്ലോ (തുഹ്ഫ: 9/99 നോക്കുക)
ഭാര്യാഭർത്താ ക്കന്മാരിൽ ഒരാൾ മുർത്തദ്ദായാൽ അവരുടെ വിവാഹ ബന്ധത്തിന്റെ സ്ഥിതി?
ലൈംഗിക ബന്ധത്തിനു മുമ്പാണ് ഇണകളിൽ ഒരാൾ മുർത്തദ്ദായതെങ്കിൽ മുർത്തദ്ദാകലോടുകൂടി അവർ തമ്മിലുള്ള വിവാഹബന്ധം മുറിഞ്ഞു രണ്ടുപേരും മുർത്തദ്ദായാലും ഇതുതന്നെയാണ് നിയമം
സംയോഗ ശേഷമാണ് ഇണകൾ രണ്ടുപേരോ അല്ലെങ്കിൽ അവരിൽ ഒരാളോ മുർത്തദ്ദായതെങ്കിൽ ഉടനെ ബന്ധം മുറിഞ്ഞെന്നോ ഇല്ലെന്നോ തീരുമാനിക്കാനാവില്ല അവളുടെ ഇദ്ദയുടെ കാലത്ത് അവർ മുസ്ലിംമായാൽ അവർ ഭാര്യാഭർത്താക്കന്മാർ തന്നെയായി പരിഗണിക്കും ഇദ്ദകാലത്ത് മുസ്ലിംമായിട്ടില്ലെങ്കിൽ രിദ്ദത്ത് സംഭവിച്ചതുമുതൽ തന്നെ വിവാഹബന്ധം വേർപ്പെട്ടതായി പരിഗണിക്കപ്പെടും അവളുടെ ഇദ്ദകാലത്ത് സംയോഗം ഹറാമാണ് (തുഹ്ഫ: 7/328, നിഹായ: 6/294)
ഒരാൾ തന്റെ ഭാര്യയെ يَا كَافِرَة എന്നു വിളിച്ചാൽ അവർ തമ്മിലുള്ള വിവാഹബന്ധം മുറിയുമോ?
ഇസ്ലാം മതത്തിൽ നിന്നു പുറത്തുപോയവൾ എന്നർത്ഥത്തിൽ വിളിച്ചാൽ അവൻ മുർത്തദ്ദാകുന്നതാണ് ഭാര്യയെ അവൻ സംയോഗം ചെയ്തിട്ടില്ലെങ്കിൽ പ്രസ്തുത വിളിയോടുകൂടി അവർ തമ്മിലുള്ള വിവാഹബന്ധം മുറിയുന്നതാണ് ലൈംഗിക ബന്ധം ഉണ്ടായിട്ടുണ്ടെങ്കിൽ അവളുടെ ഇദ്ദകാലത്ത് അവൻ മുസ്ലിമായിട്ടുണ്ടെങ്കിൽ അവരുടെ ഭാര്യാ ഭർതൃബന്ധം തുടരുന്നതാണ് ഇദ്ദകാലത്ത് മുസ്ലിംമായിട്ടില്ലെങ്കിൽ രിദ്ദത്ത് സംഭവിച്ചതു മുതൽ തന്നെ വിവാഹബന്ധം മുറിഞ്ഞതായി പരിഗണിക്കപ്പെടും (തുഹ്ഫ: 7/328, നിഹായ: 6/294, ഇആനത്ത്: 4/37)
ഇസ്ലാമിൽ നിന്നു പുറത്തുപോയവളേ എന്നർത്ഥമല്ലാതെ يَا كَافِرَة എന്നതിനു വേറെ എന്തർത്ഥമാണുള്ളത്?
മറുപടി: ചീത്തവിളി ഉദ്ദേശിച്ചു വിളിച്ചാൽ അതുമൂലം രിദ്ദത്ത് സംഭവിക്കില്ല അനുഗ്രഹത്തിനു നന്ദി കാണിക്കാത്തവളേ, അനുഗ്രഹം നിഷേധിക്കുന്നവളേ എന്നർത്ഥത്തിൽ പ്രസ്തുത വിളി കൂടുതലായും ഉണ്ടാവാറുണ്ടെന്ന് ഇമാം ഇബ്നു ഹജർ (റ) പ്രസ്താവിക്കുന്നു (തുഹ്ഫ: 7/328)
മുർത്തദ്ദിന്റെ കുട്ടിക്ക് മുസ്ലിമിന്റെ വിധിയോ കാഫിറിന്റെ വിധിയോ ഉള്ളത്?
ഒരാൾ മുർത്തദ്ദാകുംമുമ്പ് തന്റെ ഭാര്യയെ സംയോഗം ചെയ്തതിൽ ജനിച്ച കുട്ടിയാണെങ്കിൽ ആ മുർത്തദ്ധിന്റെ കുട്ടി മുസ്ലിംമാണ്
ഇനി മുർത്തദ്ദായ ശേഷം സംയോഗം ചെയ്തു അതിലുണ്ടായ കുട്ടിയാണെങ്കിലും അവന്റെ മാതാപിതാക്കളുടെ പരമ്പരയിൽ മുസ്ലിം വ്യക്തിയുണ്ടെങ്കിൽ (അവർ മരിച്ചുപോയിട്ടുണ്ടെങ്കിലും ശരി) പ്രസ്തുത കുട്ടി മുസ്ലിമാണ് മാതാപിതാക്കൾ മുർത്തദ്ദാവുകയും അവരുടെ പരമ്പരയിൽ മുസ്ലിം ഇല്ലാതിരിക്കുകയും ചെയ്താൽ പ്രസ്തുത കുട്ടിക്ക് കാഫിറിന്റെ വിധിയാണുള്ളത് (തുഹ്ഫ: 9/99)
ഗർഭം ധരിച്ചതു ഏതു സംയോഗം കൊണ്ടാണെന്നു എങ്ങനെ മനസ്സിലാകും?
സാഹചര്യത്തെളിവുകൊണ്ടാണത് മനസ്സിലാക്കുക സംയോഗം ചെയ്തു ആറു മാസത്തിനു ശേഷം ഇണ പ്രസവിച്ചാൽ രിദ്ദത്ത് സംഭവിച്ചത് എപ്പോഴാണെന്നു ആലോചിച്ച് വിധി നിർണയിക്കാം (ശർവാനി, ഇബ്നു ഖാസിം: 9/99)
ഭൗതിക ലോകത്ത് കാഫിർ എന്നു ഫുഖഹാഅ് വിധി കൽപ്പിച്ച അമുസ്ലിം കുട്ടികൾ പ്രായം തികയുംമുമ്പ് മരണപ്പെട്ടാൽ ആഖിറത്തിൽ സ്വർഗത്തിലാണോ നരകത്തിലാണോ പ്രവേശിക്കുക?
അവർ സ്വർഗത്തിൽ സാശ്വതമാണ് ഏതു കാഫിറിന്റെ കുട്ടിക്കും സ്വർഗപ്രവേശം ലഭിക്കും (തുഹ്ഫ: 9/99) നബി (സ) തങ്ങളുടെ സമുദായത്തിൽ പെട്ട കാഫിരീങ്ങളുടെ മക്കൾക്കാണ് സ്വർഗപ്രവേശം ലഭിക്കുക മുൻകഴിഞ്ഞ ഉമ്മത്തുകളുടെ കാഫിരീങ്ങളുടെ മക്കൾ നരകത്തിലാണ് നബി (സ) യുടെ സമുദായത്തിന്റെ പ്രത്യേകതയാണിത് (ശർവാനി: 9/99)
മദ്യപിച്ചു ലഹരി ബാധിച്ചവനിൽ നിന്നു രിദ്ദത്ത് ഉണ്ടായാൽ അതു പരിഗണിച്ചു അവൻ മുർത്തദ്ദാകുമോ?
അതേ, അവൻ മുർത്തദ്ദാകും അവൻ അതിക്രമം ചെയ്തു ബുദ്ധി നീക്കുക മൂലം കുറ്റം ചെയ്തതാണിതിനു കാരണം (തുഹ്ഫ: 9/93) മദ്യപിച്ചു ലഹരി ബാധിച്ച വേളയിൽ മുർത്തദ്ദിന്റെ ഇസ്ലാമിക പ്രവേശം സാധുവാകുമെങ്കിലും അഭിപ്രായഭിന്നത മാനിച്ച് ലഹരി തെളിഞ്ഞതിനു ശേഷം വീണ്ടും ഇസ്ലാമിക പ്രവേശനത്തിനു ആവശ്യമായതുകൊണ്ടുവരാൻ ആവശ്യപ്പെടൽ നല്ലതാണ് (തുഹ്ഫ: 9/93)
ഭ്രാന്തനിൽനിന്നു രിദ്ദത്ത് ഉണ്ടാകുമോ?
ഇല്ല അതുപോലെ തെറ്റ് ചെയ്യാതെ ലഹരി ബാധിച്ചവനിൽ നിന്നും രിദ്ദത്ത് ഉണ്ടാകില്ല (തുഹ്ഫ: 9/93)
മുർത്തദ്ദിനു അനന്തരവകാശ സ്വത്തു ലഭിക്കുമോ?
ഇല്ല അനന്തരവകാശ സ്വത്ത് വിലങ്ങുന്ന കാരണങ്ങളിൽ ഒന്നാണു രിദ്ദത്ത് മുർത്തദ്ദിന്റെ സ്വത്തും ഒരാൾക്കും അവകാശമായി ലഭിക്കില്ല (തുഹ്ഫ: 6/416)
മുസ്ലിമായി അറിയപ്പെട്ട ഒരാൾ മരണപ്പെടുകയും അദ്ദേഹത്തിന്റെ രണ്ടു മുസ്ലിം മക്കളിൽ ഒരാൾ 'ഞങ്ങളുടെ പിതാവ് മുർത്തദ്ദായിട്ടാണ് മരണപ്പെട്ടതെന്നു ' പറയുകയും അതിനു തെളിവു നൽകുകയും ചെയ്താൽ ആ മകനു പിതാവിന്റെ സ്വത്തിൽ അവകാശമുണ്ടോ?
ഇല്ല കാരണം, അവന്റെ വാദപ്രകാരം പിതാവ് കാഫിറാണല്ലോ മുർത്തദ്ദാണല്ലോ മുർത്തദ്ദിന്റെ സ്വത്തിൽനിന്നും ഒരാൾക്കും അവകാശം ലഭിക്കില്ല അവന്റെ ഓഹരി മുസ്ലിംകളുടെ പൊതുഫണ്ടിലേക്ക് തിരിക്കണം (തുഹ്ഫ: 9/95)
വിവാഹം കഴിക്കൽ അനുവദനീയമായ ജൂത, ക്രൈസ്തവ സ്ത്രീകളുണ്ടോ?
ഉണ്ട്, പക്ഷേ നമ്മുടെ നാടുകളിൽ അത്തരം സ്ത്രീകളെ കണ്ടെത്താനാവില്ല ഇന്നത്തെ ജൂതരും ക്രൈസ്തവരും സത്യനിഷേധികളാണ്, മുശ്രിക്കുകളാണ്. തൗറാത്ത് അനുസരിച്ച് ജീവിക്കുന്നവളാണ് ജൂത ഇഞ്ചീലനുസരിച്ച് ജീവിക്കുന്നവൾ ക്രിസ്ത്യാനി ഇസ്റാഈലി സ്ത്രീയെ വിവാഹം കഴിക്കണമെങ്കിൽ അവളുടെ പിതൃപരമ്പരയിലെ പ്രഥമ പുരുഷൻ ജൂത മതം സ്വീകരിച്ചത് ആ മതം ദുർബലപ്പെട്ട ശേഷമാണെന്നു അറിയപ്പെടാതിരിക്കണം ഇസ്റാഈലി സ്ത്രീ അല്ലെങ്കിൽ അവളുടെ പിതൃപരമ്പരയിലെ പ്രഥമ പുരുഷൻ തന്റെ മതം സ്വീകരിച്ചത് ആ മതം ദുർബലപ്പെടുംമുമ്പാണെന്നു അറിയപ്പെടണം (ഇആനത്ത്: 3/466)
വിവാഹിതരായ അമുസ്ലിം ഇണകൾ മുസ്ലിംമായാൽ അവർ ഭാര്യാ ഭർത്താക്കന്മാരാണല്ലോ നികാഹ് പുതുക്കേണ്ടതില്ലല്ലോ എന്നാൽ ഒരു അമുസ്ലിം തന്റെ വിവാഹബന്ധം ഹറാമായവളെ (ഇസ്ലാമിക വീക്ഷണത്തിൽ) വിവാഹം ചെയ്തു അങ്ങനെ അവർ രണ്ടുപേരും മുസ്ലിംമായാലോ?
ആ ബന്ധം നിലനിൽക്കില്ല അവരെ വേർപിരിക്കണം (തുഹ്ഫ: 7/331)
നബി (സ) യുടെ 'അഹമ്മദ് ' എന്ന നാമം 'ഉഹൈമിദ് ' (ചെറിയ അഹമ്മദ്) എന്നു വിളിച്ചാലുള്ള വിധി?
നിസാരമാക്കിക്കൊണ്ട് അങ്ങനെ വിളിച്ചാൽ ഇസ്ലാമിൽ നിന്ന് പുറത്തുപോകും (ഇആനത്ത്)
മുർത്തദ്ദാകുന്ന കാര്യം ഉദ്ദേശ്യം കൂടാതെ നാവിൽ വന്നാൽ പ്രശ്നമുണ്ടോ?
ഇല്ല അതു കാരണം മുർത്തദ്ദാകില്ല (ഇആനത്ത്: 4/203)
പുത്തൻവാദികളുടെ നാശത്തിനു വേണ്ടി പ്രാർത്ഥിക്കാമോ?
വ്യക്തിയെ നിർണയിക്കാതെ പുത്തൻവാദികൾ എന്ന വർഗത്തിന്റെ നാശത്തിനു വേണ്ടി പ്രാർത്ഥിക്കൽ അനുവദനീയമാണ് കർമശാസ്ത്ര പണ്ഡിതർ അങ്ങനെ പ്രാർത്ഥിച്ചു മാതൃക കാണിച്ചു തന്നിട്ടുണ്ട് വഹാബികൾ എന്നു പേരെടുത്തു പറഞ്ഞു കൊണ്ട് അവർക്കെതിരെ خَذَلهُمُ اللهُ (അല്ലാഹു അവരെ കൈവെടിയട്ടെ) എന്നു ഇമാം ശർവാനി (റ) പ്രാർത്ഥിച്ചിട്ടുണ്ട് പ്രാർത്ഥിക്കൽ അനുവദനീയമാണെന്ന് ഇമാം ശർവാനി (റ) വ്യക്തമാക്കിയിട്ടുണ്ട് (ശർവാനി: 2/88)
ഒരാൾ മറ്റൊരാളിൽ നിന്നു ഒരു മുസ്ഹഫ് വായ്പ വാങ്ങി, ദൗർഭാഗ്യവശാൽ മുസ്ഹഫിന്റെ ഉടമ മുർത്തദ്ദായി, ദീനിൽ നിന്നു പുറത്തുപോയി എന്നാൽ ഈ മുസ്ഹഫ് അയാൾക്ക് തിരിച്ചു കൊടുക്കാൻ പറ്റുമോ?
പറ്റില്ല വിശ്വസ്ഥനായ അധികാരിയുണ്ടെങ്കിൽ അദ്ദേഹത്തെ ഏൽപിക്കണം ഇല്ലെങ്കിൽ താൻ വിശ്വസ്ഥനാണെങ്കിൽ തന്റെ കൈയിൽ തന്നെ വയ്ക്കുകയോ വിശ്വസ്ഥനായ മറ്റൊരാളെ ഏൽപിക്കുകയോ വേണം (തുഹ്ഫ-ശർവാനി: 6/420)
വ്യഭിചാരം അനുവദനീയമായിരുന്നെങ്കിൽ എന്ന കൊതിച്ചാൽ?
മുർത്തദ്ദാകുന്ന കാര്യമാണത് (നിബ്റാസ്: 339)
ഇസ്ലാമിൽ നിന്നു പുറത്തു പോകുന്നവർക്ക് ഈ ലോകത്തുവെച്ച് ഇസ്ലാമിക ഭരണാധികാരി നടപ്പിലാക്കേണ്ട ശിക്ഷ എന്താണ്?
മുർത്തദ്ദായവനോട് ഇസ്ലാമിലേക്ക് മടങ്ങി പശ്ചാത്തപിക്കാൻ നിർബന്ധമായും ഇസ്ലാമിക ഭരണകർത്താവോ പ്രതിനിധിയോ ആവശ്യപ്പെടുകയും നിരസിച്ചു കൊണ്ട് ധിക്കാരം കാട്ടിയാൽ വധിക്കുകയും വേണമെന്നാണു നിയമം ഹദീസുകളിലും നമ്മുടെ കർമശാസ്ത്ര ഗ്രന്ഥങ്ങളിലും ഇക്കാര്യം വ്യക്തമായി കാണാം
അമുസ്ലിംകളുടെ പ്രായപൂർത്തിയാകാത്ത കുട്ടികൾ മരണപ്പെട്ടാൽ അവർക്ക് ഇസ്ലാമിക പരലോക മോക്ഷത്തിനുവേണ്ടി പ്രാർത്ഥിക്കാമോ?
പ്രാർത്ഥിക്കാവുന്നതാണ് ദുആ പരലോക സംബന്ധിയായ കാര്യമാണ് ഇതിൽ മുസ്ലിം കുട്ടികളോടെന്നപോലെയാണ് അവരോടും പെരുമാറേണ്ടത് മയ്യിത്ത് നിസ്കാരം ഇഹലോക സംബന്ധമായ ഒരു വിധിയാണ് ഇതിൽ അമുസ്ലിംകളുടെ വിധിയിലാണ് (തുഹ്ഫ: 3/159)
മുർത്തദ്ദായ കാലത്ത് ഹജ്ജ് ചെയ്യാൻ സൗകര്യപ്പെടുകയും ഇസ്ലാമിലേക്ക് തിരിച്ചു വന്നപ്പോൾ ആ കഴിവ് നഷ്ടപ്പെടുകയും ചെയ്താൽ ഹജ്ജ് ഖളഅ് വീട്ടേണ്ടതുണ്ടോ?
ഖളാഅ് വീട്ടൽ നിർബന്ധമാണ് (തുഹ്ഫ: 4/12)
മുസ്ലിം ഭാര്യാഭർത്താക്കളിൽ ഭർത്താവ് മുർത്തദ്ദാവുകയും ആ ഭാര്യയിൽ നിന്നു ഒരു പെൺകുട്ടി ജനിക്കുകയും ചെയ്തു പിന്നീട് ഭർത്താവ് മുസ്ലിംമായാൽ ആ പെൺകുട്ടിയെ വിവാഹം കഴിച്ചു കൊടുക്കുവാനുള്ള അധികാരം അവനു ഉണ്ടാകുമോ?
ഭർത്താവ് മുർത്തദ്ദാവുകയും ഭാര്യയുടെ ഇദ്ദ തീരുകയും ചെയ്ത ശേഷം ധരിച്ച ഗർഭത്തിൽ ജനിച്ച പെൺകുട്ടിയുടെ അധികാരം അയാൾ വീണ്ടും ഇസ്ലാമിലേക്ക് മടങ്ങി വന്നാലും അയാൾക്ക് ലഭിക്കില്ല കാരണം, ഭർത്താവ് മുർത്തദ്ദായി ഭാര്യയുടെ ഇദ്ദ കഴിയുന്നതിനു മുമ്പ് അവൻ ഇസ്ലാമിലേക്ക് മടങ്ങിവന്നിട്ടില്ലെങ്കിൽ നികാഹ് ബാത്വിലാകുന്നതാണ് അവർ ഭാര്യാഭർത്താക്കന്മാരല്ല അതിനാൽ ആ പെൺകുട്ടിയുടെ പിതാവായി അയാളെ പരിഗണിക്കില്ല അവളെ വിവാഹം കഴിച്ചുകൊടുക്കുവാനുള്ള അധികാരം ഖാളിക്കാണ് (ഫത്ഹുൽ മുഈൻ, ഇആനത്ത്: 3/494 നോക്കുക)
അമുസ്ലിംകളുടെ പാത്രങ്ങൾ ഉപയോഗിക്കുന്നതിന്റെ വിധിയെന്ത്?
അവരുടെ പാത്രങ്ങളും വസ്ത്രങ്ങളും ഉപയോഗിക്കൽ കറാഹത്താണ് (ശർവാനി: 1/127) പാത്രങ്ങൾ ഉപയോഗിക്കൽ തന്നെ കറാഹത്താകുമ്പോൾ അവരുടെ ഭക്ഷണം കഴിക്കൽ കറാഹത്താണെന്നു പ്രത്യേകം പറയേണ്ടതില്ലല്ലോ
അമുസ്ലികളുടെ ദമ്പതികളുടെ മക്കൾ പ്രായം തികയും മുമ്പ് ശഹാദത്തുകലിമഃ ഉച്ചരിച്ച് മുസ്ലിംമായാൽ പരിഗണനീയമാണോ?
അല്ല പ്രായം തികഞ്ഞ ശേഷം മുസ്ലിംമാകുമ്പോഴാണ് പരിഗണിക്കുക (ഇആനത്ത്: 3/115)
ഒരു അമുസ്ലിം ഇസ്ലാം മതം സ്വീകരിച്ച ശേഷം അവന്റെ കാഫിറത്തായ അമ്മയെ തൊട്ടാൽ വുളൂഅ് മുറിയുമോ?
മുറിയില്ല ഇസ്ലാം മതം സ്വീകരിച്ചിട്ടില്ലെങ്കിലും മാതാവ് മാതാവു തന്നെയാണല്ലോ (തുഹ്ഫ: 1/138 നോക്കുക)
മുസ്ലിംമും അമുസ്ലിംമും പരസ്പരം കുടുബബന്ധം സ്ഥിരപ്പെടുന്നതുപോലെ മുലകുടി ബന്ധം സ്ഥിരപ്പെടുമോ?
മുലകുടി ബന്ധവും സ്ഥിരപ്പെടുന്നതാണ് (ശർഹു ബാഫള്ൽ: 1/72)
ഖുർആൻ, ഖുർആൻ പരിഭാഷ എന്നിവ അമുസ്ലിമിനു നൽകാമോ?
നൽകാവതല്ല കടുത്ത തെറ്റാണ് (തുഹ്ഫ: 4/230) ഹദീസു ഗ്രന്ഥങ്ങളും മഹാന്മാരുടെ ചരിത്ര ഗ്രന്ഥങ്ങളും നൽകൽ നിഷിദ്ധമാണ് അമുസ്ലിംകൾ പ്രസ്തുത ഗ്രന്ഥങ്ങളെ ബഹുമാനിക്കുകയില്ല, നിസാരപ്പെടുത്തുകയാണു ചെയ്യുക (തുഹ്ഫ, ശർവാനി: 4/230)
ആദരിക്കപ്പെടുന്ന വചനങ്ങൾ എഴുതിയ ഏലസ്സുകൾ അമുസ്ലിംകൾക്ക് നൽകാമോ?
നൽകിക്കൂടാ നൽകൽ ഹറാമാണ് (ശർവാനി, ഇബ്നുഖാസിം: 4/230)
അനിഷേധ്യമായി അറിയപ്പെട്ട ഏതു കാര്യവും നിഷേധിച്ചാൽ മുർത്തദ്ദാകുമോ?
അതേ (ഇആനത്ത്: 4/205)
അമുസ്ലിമിന്റെ പ്രാർത്ഥനയ്ക്കു ആമീൻ പറയാമോ?
പറയാവതല്ല നിഷിദ്ധമാണ് കാരണം ആമീൻ പറയുന്നതിൽ ആ അമുസ്ലിംമിനെ ബഹുമാനിക്കലും അവൻ പ്രാർത്ഥിച്ചാൽ ഉത്തരം ലഭിക്കുന്നതാണെന്നും അവനെ തോന്നിപ്പിക്കലുമുണ്ട് ആമീൻ പറയാതെ ഇരുന്നാൽ നാശം ഭയക്കാത്തിടത്താണ് നിയമമെന്നു പ്രത്യേകം പറയേണ്ടതില്ലല്ലോ (ശർവാനി: 2/88)
നഖം മുറിക്കൽ സുന്നത്താണെങ്കിലും ഞാൻ മുറിക്കുകയില്ല എന്നു പറയൽ?
മുർത്തദ്ദാകുന്ന കാര്യമാണ് (തുഹ്ഫ: 9/84)
അലി അഷ്ക്കർ - 9526765555
No comments:
Post a Comment