മയ്യിത്ത്‌ നമസ്കാരത്തിന്‌ മൂന്ന് സ്വഫ്ഫുകളായി നിൽക്കൽ സുന്നത്താണല്ലോ. ആകെ അഞ്ച്‌ പേരാണ്‌ നമസ്‌'കരിക്കാനുള്ളതെങ്കിൽ അവിടെ എന്ത്‌ ചെയ്യണം? ഒരാൾ ഇമാമായി നിന്നാൽ ബാക്കി നാല്‌ പേരെ കൊണ്ട്‌ മൂന്ന് സ്വഫ്ഫ്‌ കഴിയില്ലല്ലോ. ഇവിടെ എന്ത്‌ ചെയ്യണം?

മൂന്ന് സ്വഫ്ഫാക്കൽ സുന്നത്താണെന്ന വിധി ആറോ അതിൽ കൂടുതലോ പേർ ചേർന്ന് നമസ്‌'കരിക്കുമ്പോളേ ബാധകമാകുന്നുള്ളൂ. ഒരു സ്വഫ്ഫിന്‌ ചുരുങ്ങിയത്‌ രണ്ട്‌ പേർ വേണമല്ലോ. അപ്പോൾ മൂന്ന് സ്വഫ്ഫിന്‌ ചുരുങ്ങിയത്‌ ആറു പേർ വേണം. ഒരാൾ ഇമാമിന്റെ കൂടെ നിൽക്കുകയും ബാക്കി നാല്‌ പേർ രണ്ട്‌ പേർ വീതം ഓരോ സ്വഫ്ഫുകളായി നിൽക്കുകയും ചെയ്യുക. ആറുപേരിൽ താഴെയുള്ളിടത്ത്‌ മൂന്ന് സ്വഫ്ഫാക്കൽ സുന്നത്തില്ല. തുഹ്ഫ: 3-190, 191.

എന്നാൽ, പ്രശ്‌'നത്തിലുന്നയിച്ച അഞ്ച്‌ പേരുള്ള രൂപത്തിൽ ഇമാമിന്‌ പിന്നിൽ നാല്‌ പേർ രണ്ട്‌ സ്വഫ്ഫായി നിൽക്കേണ്ടത്താണെന്നും ശർ'ഇൽ തേടപ്പെട്ട മൂന്ന് സ്വഫ്ഫുകൾ ഇതിൽ പരിഗണിക്കപ്പെടുമെന്നും ശബ്‌'റാമല്ലിസി അഭിപ്രായപ്പെട്ടിട്ടുണ്ട്‌. 3-26.