സംശയവും മറുപടിയും - കടപ്പലിശ

 

കടപ്പലിശ എന്നാലെന്ത്?

കടം കൊടുത്തവനു പണയംപോലെയുള്ളതല്ലാത്ത ആദായം ലഭിക്കുവാനുപയുക്തമായ വ്യവസ്ഥ വെക്കലാണ് കടപ്പലിശ (തുഹ്ഫ: 4/273) കടംകൊടുത്തവനു ആദായം ലഭിക്കുവാനുള്ള എല്ലാ കടവും  പലിശയാണ് (ഫത്ഹുൽ മുഈൻ, ഇആനത്ത്: 3/87) 

ഇടപാടിൽ വ്യവസ്ഥ വെച്ചില്ലെങ്കിലോ?

ഇടപാടു സമയത്ത് വ്യവസ്ഥവെക്കാതെയാണെങ്കിൽ കടം വീട്ടുമ്പോൾ കൂടുതൽ നൽകൽ പലിശയാകില്ല വ്യവസ്ഥയില്ലാതെ കൂടുതൽ നൽകൽ സുന്നത്താണ് (ഇആനത്ത്: 3/86) 

'കുറി' പലിശ ഇടപാടാണോ?

ഇന്നു സാധാരണ കണ്ടുവരുന്ന 'കുറി' പലിശ ഇടപാടല്ല നിശ്ചിത ദിവസങ്ങളിൽ നിശ്ചിത സംഖ്യ അടക്കുന്നു നറുക്കെടുപ്പിലൂടെ  'കുറി' കിട്ടുന്നു കിട്ടിയ ശേഷം മുൻനിശ്ചയിച്ച രീതിയിൽ സംഖ്യ അടക്കുന്നു ഇതിൽ 'പലിശയുടെ' പ്രശ്നമില്ലെന്നു വ്യക്തം 

കടയിൽനിന്നു കിട്ടുന്ന  സമ്മാന കൂപ്പണോ?

കടയിൽ നിന്നു ചരക്കുകൾ  വാങ്ങുമ്പോൾ സമ്മാന കൂപ്പൺ എന്ന പേരിൽ ഒന്നു ടിക്കറ്റ് തരും തെരെഞ്ഞെടുക്കപ്പെട്ടാൽ സമ്മാനം കിട്ടും അല്ലെങ്കിൽ കിട്ടില്ല ഈ ഇടപാടിലും പലിശ വരുന്നില്ല തെറ്റായ പരിപാടിയുമല്ല ഇത് 

സ്വർണ കച്ചവടത്തിൽ പലിശ വരുമോ?

വരുന്ന രീതിയും അല്ലാത്തതും ഉണ്ട് പഴയ സ്വർണാഭരണം കൊടുത്തു പുതിയതു വാങ്ങുമ്പോൾ നിഷിദ്ധമായ പലിശവരും കാരണം, സ്വർണം സ്വർണത്തിനു പകരം വിൽക്കുമ്പോൾ തുല്യത നിർബന്ധമാണ് അതു ഇവിടെ ഉണ്ടാവില്ല പഴയ സ്വർണത്തിന്റെ തൂക്കം പുതിയ സ്വർണം ആരും സാധാരണ തരില്ലല്ലോ 

പലിശയിൽ നിന്നു രക്ഷപ്പെടാനുള്ള മാർഗം?

പഴയ സ്വർണം ജ്വല്ലറിക്കാരനു വിൽക്കുക അങ്ങനെ ആ കച്ചവടം പൂർത്തിയാക്കി ശേഷം പുതിയ സ്വർണം വാങ്ങുക ഇങ്ങനെ രണ്ടു ഇടപാട് നടത്തിയാൽ കൊടുത്ത സ്വർണവും വാങ്ങിയ സ്വർണവും തൂക്കത്തിൽ വ്യത്യാസം ഉണ്ടായാലും പലിശ വരില്ല 

രണ്ടു ഇനം അരി കൈമാറുമ്പോൾ പലിശ?

ഒരിനം അരി കൊടുത്തു മറ്റൊരു ഇനം അരി വാങ്ങുന്ന പതിവ് വീട്ടമ്മമാർക്ക് ഉണ്ട് ഈ ഇടപാടിൽ പലിശ വരാതിരിക്കണമെങ്കിൽ രണ്ടു ഇനം അരിയും തുല്യ അളവായിരിക്കണം രണ്ടു പേരും പരസ്പരം റൊക്കമായി കൈമാറുകയും വേണം 

പലിശപ്പണത്തിൽ കിട്ടിയവനും 'മുൽക്ക് ' ഉണ്ടാവുമോ?

ഇല്ല അതു തന്റെ പണമെന്ന് പറയാവതല്ല നിഷിദ്ധമായ സമ്പത്തിൽ പൊതിവെ അധികാരം (മുൽക്) ഇല്ല് 

സ്വർണത്തിനു പകരം വെള്ളി വാങ്ങുമ്പോഴോ?

രണ്ടു നിബന്ധന നിർബന്ധമാണ് ഒന്ന്, റൊക്ക ഇടപാടായിരിക്കണം രണ്ട്, സദസ്സിൽ വെച്ച് പരസ്പരം സ്വർണവും വെള്ളിയും കൈമാറണം ഈ നിബന്ധന നഷ്ടപ്പെട്ടാൽ ഹറാമായ കച്ചവടവും പലിശയുടെ കുറ്റവും ലഭിക്കും 

മൂന്നു നിബന്ധനകളുണ്ടെന്നു കേൾക്കാറുണ്ടല്ലോ?

സ്വർണം സ്വർണത്തിനു പകരം വെള്ളി വെള്ളിക്ക് പകരം ഭക്ഷ്യവസ്തു അതിനു പകരം എന്നിങ്ങനെ ഒരേ വർഗത്തിൽ പെട്ടത് ഇടപാട് നടത്തുമ്പോൾ മൂന്ന് നിബന്ധനകളുണ്ട് ഒന്ന്, റൊക്കമായിരിക്കണം രണ്ട്, സദസ്സിൽവെച്ച് പരസ്പരം  വസ്തുക്കൾ കൈമാറണം മൂന്ന്, രണ്ടുപേരുടേതും തുല്യമായിരിക്കണം 

നെല്ല് കൊടുത്തു ഗോതമ്പ് വാങ്ങിയാൽ?

റൊക്കമായിരിക്കുക, സദസ്സിൽനിന്നു പരസ്പരം കൈമാറുക എന്നീ രണ്ടു നിബന്ധന നിർബന്ധമായും പാലിക്കണം അല്ലെങ്കിൽ പലിശയുടെ ഇടപാടാകും നിഷിദ്ധമാകും മിക്ക ഫിഖ്ഹീ ഗ്രന്ഥങ്ങളിൽ നിന്നും ഇക്കാര്യം ബോധ്യമാകും 

അലി അഷ്ക്കർ - 9526765555