പ്രപഞ്ചരഹസ്യം

(അല്ലാഹു ആകാശത്ത് നക്ഷത്ര മണ്ഡലങ്ങൾ ഉണ്ടാക്കിയിട്ടുണ്ട് ) എന്നു പറഞ്ഞിട്ടുണ്ടല്ലോ അതിന്റെ ഒരു വിശദീകരണം?

തഫ്സീറുൽ ജലാലൈനിയിൽ ഇമാം ജലാലുദ്ദീൻ മഹല്ലി (റ) വിശദീകരിക്കുന്നത് ഇങ്ങനെ:  'ആകാശത്തിൽ സപ്ത നക്ഷത്രങ്ങൾക്ക് പന്ത്രണ്ട് സഞ്ചാരപദങ്ങൾ (ബുറൂജ്) അല്ലാഹു നിശ്ചയിച്ചിട്ടുണ്ട് ചൊവ്വാക്ക് മേടം, വൃശ്ചികം, ശുക്രന് ഇടവം, തുലാം ബുധന്  മിഥുനം, ചിങ്ങം ചന്ദ്രന് കർക്കിടകം സൂര്യന് ചിങ്ങം വ്യാഴത്തിന് ധനു, മീനം ശനിക്ക് മകരം, കുംഭം എന്നീ രാശികൾ (തഫ്സീറുൽ ജലാലൈനി) 

സപ്ത നക്ഷത്രങ്ങളുടെ അറബ് ശബ്ദം എങ്ങനെ?

ഏഴു ഗ്രഹങ്ങളെ ഉദ്ദേശിച്ച് ഇമാം മഹല്ലി (റ) ഉപയോഗിച്ചത്

 اَلْكَوَاكِبُ السَّبْعَةُ السَّيَّارَة 

എന്നാണ് 

സപ്ത ഗ്രഹങ്ങൾ

1. വ്യാഴം -  اَلْمُشْتَرَي - Jupite 

2.  ശനി - زُحَل -  Saturn 

3. ചൊവ്വ - اَلمِرِّيخْ - Mars 

4. സൂര്യൻ - الشَّمْس - Sun 

5. ശുക്രൻ - الزهرة - Venus 

6. ബുധൻ - عُطَارِد - Mercury 

7. ചന്ദ്രൻ - القَمَر - Moon 

പന്ത്രണ്ട് നക്ഷത്രമണ്ഡലങ്ങളുടെ അറബ് ശബ്ദങ്ങൾ എങ്ങനെ?

1. മേടം - حَمَلْ - Aries 

2. ഇടവം - ثَوْرْ - Taurus 

3. മിഥുനം -  جَوزَاء - Gemini 

4. കർക്കിടകം - سِرْطَان - Cancer 

5. ചിങ്ങം - اَسَدْ - Leo, Lion 

6. കന്നി - سُنبلة - Virgin 

7. തുലാം - ميزَان - Libra 

8. വൃശ്ചികം -  عَقْرب - Scorpio 

9. ധനു - قَوس - Sagittarius 

10. മകരം - جدى - Capricornus 

11. കുംഭം - دَلو - Aquarius 

12. മീനം - حُوت - Pisces 

സപ്ത സഞ്ചാര നക്ഷത്രങ്ങൾ മുഴുവനും മുന്നോട്ടാണോ ഗമിക്കുന്നത്?

അല്ല സൂര്യനും ചന്ദ്രനും മാത്രമാണ് മുന്നോട്ട് മാത്രം ഗമിക്കുന്നത് മറ്റുള്ളവ മുന്നോട്ട് ഗമിച്ച് തിരിച്ച് മടങ്ങുന്നവയാണ് (പ്രപഞ്ചരഹ്യസം, പേജ്: 15) 

നേരെ ചലിക്കുന്നതും നേരെ ചലിച്ച് പിന്നോട്ട് മടങ്ങുന്നതുമായ ഗ്രഹങ്ങളെക്കുറിച്ച് വിശുദ്ധ ഖുർആനിൽ പരാമർശമുണ്ടോ?

ഉണ്ട് സൂറതുത്തക് വീരിലെ كُنَّسْ എന്നതിന്റെ ഉദ്ദേശ്യം നേരെ ചലിക്കുന്നതെന്നും حُنَّسْ എന്നതിന്റെ വിവക്ഷ നേരെ ചലിച്ച് പിന്നിലേക്ക് മടങ്ങുന്നതെന്നുമാണെന്ന് മുഫസ്സിറുകൾ രേഖപ്പെടുത്തിയിട്ടുണ്ട്  

നേരെ ചലിച്ചു പിന്നിലേക്ക് മടങ്ങുന്ന നക്ഷത്രങ്ങളിൽ സൂര്യനും ചന്ദ്രനും ഉൾപ്പെടില്ലെന്നും ബാക്കി അഞ്ചു നക്ഷത്രങ്ങളാണുദ്ദേശ്യമെന്നും തഫ്സീർ സ്വാവിയിൽ الجوار الكنّس فلا أقسم بالخنّس എന്നതിന്റെ വ്യാഖ്യാനത്തിൽ കാണാം 

സൂര്യൻ ഏതു ആകാശത്തിലാണ് ?

നാലാം ആകാശത്തിൽ (റൂഹുൽ ബതാൻ: 7/402)

സൂര്യവർഷവും ചന്ദ്രവർഷവും എങ്ങനെ കണക്കാക്കുന്നു?

സൂര്യൻ പന്ത്രണ്ട് ബുർജുകളിലൂടെയും സഞ്ചരിക്കാൻ എടുക്കുന്ന സമയത്തിന് സൂര്യവർഷമെന്നു പറയും അതായത്, സൂര്യൻ അതിന്റെ പടിഞ്ഞാറുനിന്ന് കിഴക്കോട്ടുള്ള ചലനം ഒരു വൃത്തം പൂർത്തിയാക്കുമ്പോൾ സൗരവർഷം എന്നു പറയുന്നതും ഇതിനുതന്നെയാണ് 

ചന്ദ്രൻ പന്ത്രണ്ട് പ്രാവശ്യം സൂര്യനുമായി സംഗമിക്കാൻ എടുക്കുന്ന സമയത്തിനു ഒരു ചന്ദ്രവർഷം എന്നു പറയുന്നു 

സൂര്യവർഷം എത്രദിവസമാണ് ?

365 1/4 ദിവസം ഭൂമി അതിന്റെ ഭ്രമണപഥത്തിലൂടെ സൂര്യനെ ഒരു തവണ പ്രദക്ഷിണം ചെയ്യാനുള്ള സമയമാണത്രെ പ്രസ്തുത ദിവസങ്ങൾ 

ചന്ദ്രവർഷം എത്രദിവസം?

354 11/30 ദിവസം 

സൂര്യവർഷവും ചന്ദ്രവർഷവും തമ്മിൽ എത്ര ദിവസത്തെ അന്തരമുണ്ട്?

ഉദ്ദേശ്യം പതിനൊന്നു ദിവസം അന്തരം വരും അതായത് സൂര്യവർഷപ്രകാരം 33 വയസ്സാകുമ്പോൾ ചന്ദ്രവർഷപ്രകാരം 34 വയസ്സാകും സൂര്യവർഷം 300 ആകുമ്പോൾ ചന്ദ്രവർഷം 309 ആകും 

അസ്വ് ഹാബുൽ കഹ്ഫ് അവരുടെ ഗുഹയിൽ ഉറങ്ങിയ കാലം റോമക്കാരുടെ കാലഗണന പ്രകാരം (സൂര്യവർഷം) മുന്നൂറ് വർഷമാണെന്ന് അല്ലാഹു  പറഞ്ഞല്ലോ അറബികളുടെ കാലഗണന (ചന്ദ്രവർഷ) പ്രകാരം ഒമ്പതു വർഷം കൂടുമെന്നും ഖുർആനിൽ നിന്നു വ്യക്തം അതാണു അല്ലാഹു 

وَلَبِثُوا۟ فِی كَهۡفِهِمۡ ثَلَـٰثَ مِا۟ئَةࣲ سِنِینَ وَٱزۡدَادُوا۟ تِسۡعࣰا

(സൂറത്തുൽ: കഹ്ഫ്: 25)

അവർ ഗുഹയിൽ മുന്നൂറ് വർഷവും ഒമ്പത് വർഷം അധികവും താമസിച്ചുവെന്ന് പറഞ്ഞത് 

ഭൂമി ചലിക്കുന്നുണ്ടോ? ഉണ്ടെങ്കിൽ അതിന്റെ ചലനം എങ്ങനെ?

യാസീൻ സൂറത്തിൽ സൂര്യന്റെയും ചന്ദ്രന്റെയും ചലനത്തെക്കുറിച്ച് അല്ലാഹു പറയുന്നുണ്ട്: 'സൂര്യൻ അതിനു സ്ഥിരമായുള്ള സ്ഥാനത്തേക്ക്  സഞ്ചരിക്കുന്നു പ്രതാപിയും സർവജ്ഞനുമായ അല്ലാഹു കണക്കാക്കിയതാണത് ചന്ദ്രനു നാം ചില ഘട്ടങ്ങൾ നിശ്ചയിച്ചിരിക്കുന്നു അങ്ങനെ അത് പഴയ ഈത്തപ്പഴ കുലയുടെ വളഞ്ഞ തണ്ടുപോലെ  ആയിത്തീർന്നു സൂര്യനു ചന്ദ്രനെ പ്രാപിക്കാനൊക്കുകയില്ല രാവ് പകലിനെ മറികടക്കുന്നതുമല്ല ഓരോന്നും ഓരോ നിശ്ചിത ഭ്രമണപഥത്തിൽ നീന്തിക്കൊണ്ടിരിക്കുന്നു 'الكواكب السبعة السّيارة എന്നതിലെ മറ്റു നാലു ഗ്രഹങ്ങളും സഞ്ചരിക്കുന്നതാണെന്നു മുഫസ്സിരീങ്ങൾ മുമ്പ് പറഞ്ഞല്ലോ 

ഭൂമിയുടെ ചലനത്തെക്കുറിച്ച് ഖുർആൻ പരാമർശിച്ചിട്ടില്ല ഹദീസിലും വ്യക്തമായി കാണുന്നില്ല അതിനാൽതന്നെ ഭൂമി കറങ്ങുന്നുണ്ടെന്നോ  ഇല്ലെന്നോ ഖണ്ഡിതമായി പറയാനാവില്ല എന്നാൽ ആധുനിക ശാസ്ത്രത്തിന്റെ അടിസ്ഥാന സിദ്ധാന്തങ്ങളിൽ പെട്ടതാണ് ഭൂമി അതിന്റെ അച്ചുതണ്ടിൽ തിരിയുന്നുവെന്നത് ഒരു ഭ്രമണം പൂർത്തിയാക്കാൻ ആവശ്യമായ സമയം 23 മണിക്കൂറും 56 മിനിറ്റുമാണ് ഇതിനവർ ദിനചലനം എന്നു പറയുന്നു ഭൂമിക്കു സൂര്യനെ പ്രദക്ഷിണം ചെയ്യാൻ ആവശ്യമായ സമയം 365 1/4 ദിവസമാണ് ഇതാണ് ഒരു സൂര്യവർഷം 

ഭൂമി പരന്നതോ ഉരുണ്ടതോ?

ഭൂമിയെക്കുറിച്ച് വിശുദ്ധ ഖുർആൻ പറയുന്നു: ഭൂമിയെ അല്ലാഹു നിങ്ങൾക്ക് വിരിപ്പ് ആക്കിയിരിക്കുന്നു (അൽബഖറ: 22) എങ്ങനെയാണ് ഭൂമിയെ പ്രവിശാലമാക്കപ്പെട്ടതെന്നു സത്യനിഷേധികൾ ചിന്തിക്കുന്നില്ലേ (ഗാശിയ: 20) 

പ്രസ്തുത സൂക്തങ്ങൾ ഭൂമി പരന്നതാണെന്നു തോന്നിപ്പിക്കുന്നതാണ് മുഫസ്സിറകൾ പലരും അങ്ങനെ അഭിപ്രായപ്പെട്ടിട്ടുമുണ്ട് എന്നാൽ ഭൂമി ഉരുണ്ടതാണെന്നതിനും ഗോളാകൃതിയിൽ ആകുന്നതിനും പ്രസ്തുത ആയത്തുകൾ എതിരല്ലെന്നും ഒരുസംഘം മുഫസ്സിറുകൾ വ്യക്തമാക്കുന്നുണ്ട് (തഫ്സീർ ബൈളാവി: 1/55, റാസി: 4/165, 166 നോക്കുക) 

ഭൂമിയുടെ കറക്കത്തെക്കുറിച്ച് വിശുദ്ധ ഖുർആനിൽ നിന്നോ ഹദീസുകളിൽ നിന്നോ രേഖ കണ്ടെത്തി ഇമാമുകൾ പറയാത്തതുപോലെ ഭൂമി ഉരുണ്ടതാണെന്നും അവർ ഖണ്ഡിതമായി പറഞ്ഞിട്ടില്ല ഉരുണ്ടതല്ലെന്നും ഖണ്ഡിതമാക്കിയിട്ടില്ല 

ആധുനിക ശാസ്ത്രം ഭൂമി ഗോളാഗൃതിയിലാണെന്ന് പറയുന്നുണ്ട് ഈ സിദ്ധാന്തം വിശുദ്ധ ഖുർആനിക പാഠത്തോട് എതിരല്ല കാരണം, ഭൂമിയെ പരത്തി വിശാലമാക്കിയതോടൊപ്പംതന്നെ അതു ഗോളാകൃതിയിലാവാമല്ലോ ഉരുണ്ട ഒരു വസ്തു വളരെ വലുതാകുമ്പോൾ ഉപരിഭാഗം വിശാലമായി പരന്നിരിക്കൽ സ്വാഭാവികമാണല്ലോ ഇതാണു ഇമാം ബൈളാവി (റ) സമർത്ഥിച്ചത് (തഫ്സീർ ബൈളാവി: 1/55) 

സൂര്യഗ്രഹണം ഉണ്ടാകാനുള്ള കാരണം?

ചന്ദ്രൻ ഭൂമിയെ ചുറ്റുന്നതിനിടയിൽ ചിലപ്പോൾ സൂര്യന്റെയും ഭൂമിയുടെയും ഇടയിൽ വരും അപ്പോൾ ഭൂമിയിൽ നിന്നു നോക്കുമ്പോൾ പൂർണമായോ ഭാഗികമായോ സൂര്യൻ മറയുന്നു ഇതിനു  كسوف الشمس  -സൂര്യഗ്രഹണം എന്നു പറയും 

ചന്ദ്രഗ്രഹണം എപ്പോൾ സംഭവിക്കുന്നു?

സൂര്യചന്ദ്രന്മാർക്കിടയിൽ ഭൂമി വരികയും സൂര്യരശ്മികളും  ഭൂമിയുടെ നിഴലും ചന്ദ്രനിൽ പതിക്കുകയും അതുകാരണം ചന്ദ്രൻ പൂർണമായോ ഭാഗികമായോ മറയുന്നു ഇതിനു خسوف القمر -ചന്ദ്രഗ്രഹണം എന്നു പറയും ശാസ്ത്രപണ്ഡിതരുടെ കണ്ടെത്തലുകളാണിത് അല്ലാഹു അഅ്ലം 

ഇസ്ലാമിക കലണ്ടർ നിലവിൽ വന്നതെന്ന്?

ഹിജ്റഃവർഷം  പതിനേഴ് ജുമാദൽ ആഖിറഃ ഇരുപത് ബുധനാഴ്ച ഉമർ (റ) വിന്റെ ഭരണകാലത്ത് സ്വഹാബത്തിന്റെ ഏകോപനം കൊണ്ട് സ്ഥിരപ്പെട്ടതാണ് ഹിജ്റഃ കലണ്ടർ 

ഉമർ (റ) വിന്റെ കാലത്ത് കലണ്ടർ ഉണ്ടാക്കാൻ പ്രേരിപ്പിച്ച സംഭവമെന്ത്?

ഖലീഫ ഉമർ (റ) വിന്റെ ഗവർണറായിരുന്ന അബുമൂസൽ അശ്അരി (റ) ഒരിക്കൽ ഖലീഫക്കെഴുതി; അമീറുൽ മുഅ്മിനീന്റെ സന്നിധിയിൽനിന്നു പല എഴുത്തുകളും വരാറുണ്ട് പക്ഷേ, ഏതുപ്രകാരം നടപടി എടുക്കണമെന്ന് നമുക്കറിയില്ല ശഅ്ബാൻ എന്നു കാണിച്ചു ഒരു ലിഖിതം വായിച്ചു ഏതു ശഅ്ബാൻ? കഴിഞ്ഞ ശഅ്ബാനാണോ അതോ വരുന്ന ശഅ്ബാനോ തീരുമാനിക്കാനാവുന്നില്ല

ഗവർണറുടെ ഈ കുറിപ്പ് വന്നപ്പോൾ പ്രധാന സ്വഹാബികളെ വിളിച്ചു വരുത്തി ഉമർ (റ) കാര്യം ചർച്ച ചെയ്തു നുമക്കൊരു നിശ്ചിത തിയ്യതി വേണം, അതിനു ഇസ്ലാമിന്റേതായി ഒരു വർഷം വേണം അങ്ങനെ ഹിജ്റഃ അടിസ്ഥാനമാക്കി കലണ്ടർ നിലവിൽവന്നു 

നബി (സ) യുടെ കാലത്ത് ഹിജ്റഃ കലണ്ടർ ഇല്ലേ?

സാർവത്രികമായി ഇല്ല നബി (സ) യുടെ മദീനയിൽ വന്ന ഉടനെ അതേ റബീഉൽ അവ്വൽ മാസത്തിൽ തന്നെ ഹിജ്റഃ അടിസ്ഥാനമാക്കി തിയ്യതി കുറിക്കാൻ നിർദേശിക്കുന്ന റിപ്പോർട്ട്  ഇബ്നു അസാകിർ (റ) രേഖപ്പെടുത്തിയിട്ടുണ്ട് (ഉംദതുൽ ഖാരി: 14/55) 

നബി (സ) നജ്റാനിലുള്ള ക്രിസ്ത്യാനികൾക്ക് കത്ത് എഴുതാൻ അലി (റ) വിനോടു കൽപിച്ചപ്പോൾ ഹിജ്റാബ്ദം അഞ്ച് എന്നെഴുതാൻ നിർദേശിച്ചതായും ഇബ്നു സ്വലാഹ് (റ) പ്രസ്താവിച്ചിട്ടുണ്ട് പക്ഷേ, ഇവ ആധികാരികമായ തെളിഞ്ഞിട്ടില്ല അതിനാൽ  രണ്ടാം ഖലീഫയുടെ കാലത്തുണ്ടായ ഏകോപനമാണ് ഹിജ്റ കലണ്ടറിന്റെ തുടക്കമെന്ന് ഹാഫിള് ഇബ്നു ഹജർ അസ്ഖലാനി (റ) വ്യക്തമാക്കിയിട്ടുണ്ട് (ഫത്ഹുൽ ബാരി: 7/268) 

'കലണ്ടർ എന്ന പദം?

കണക്കുകൂട്ടുക എന്നർത്ഥമുള്ള 'കലൻഡേ' എന്ന ലാറ്റിൻ ഭാഷയിൽ നിന്നാണത്രെ കലണ്ടർ എന്ന വാക്കിന്റെ ഉത്ഭവം റോമൻ ദിവസങ്ങളിൽ ആദ്യ ദിനത്തെ കുറിക്കുന്ന പദമായിരുന്നു 'കലൻഡേ' അറബു ഭാഷയിൽ കലണ്ടറിനു 'തഖ് വീം' എന്നു പറയും

മുൻ സമുദായത്തിന്റെ കാലഗണന എന്തിനെ അടിസ്ഥാനപ്പെടുത്തിയായിരുന്നു?

ആദ്യകാല മനുഷ്യർ, ആദംനബി (അ) ഭൂമിയിലേക്ക് ഇറങ്ങിയ  സംഭവം ഒന്നാം വർഷമായി കണക്കാക്കിപ്പോന്നു നൂഹ് നബി (അ) മിന്റെ കാലത്തുണ്ടായ വൻജലപ്രളയം വരെ ഈ കാലഗണന  തുടർന്നുപോന്നു പിന്നീട് ജലപ്രളയം മുതൽ കണക്കു വയ്ക്കുകയും ഇബ്റാഹീം നബി (അ) മിനെ നംറൂദ് തീയിൽ എറിഞ്ഞ സംഭവം വരെ അതു തുടരുകയും ചെയ്തു  

അതിനുശേഷം യൂസുഫ് നബി (അ) ന്റെ കാലം വരെ ഇബ്റാഹീം നബി (അ) നെ തീയിൽ എറിഞ്ഞ സംഭവം അടിസ്ഥാനമാക്കി വർഷം കണക്കാക്കി പിന്നീട് യൂസുഫ് നബി (അ) ന്റെ കാലം വർഷങ്ങൾക്ക് അടിസ്ഥാനമാക്കി മൂസാ നബി (അ) ബനൂ ഇസ്റാഈലിനെയും കൂട്ടി ഈജിപ്ത്  വിട്ടുപോയ  സംഭവം വരെ ഈ കാലഗണന തുടർന്നു 

മൂസാ നബി (അ) ഈജിപ്ത് വിട്ട സംഭവമായിരുന്നു പിന്നീട് അടിസ്ഥാനം ഇതു ദാവൂദ് നബി (അ) ന്റെ കാലം വരെ തുടർന്നു പിന്നീട് സുലൈമാൻ നബി (അ) ന്റെ കാലം വരെ ദാവൂദ് നബി (അ) ന്റെ കാലം അടിസ്ഥാനമാക്കി സുലൈമാൻ നബി (അ) ന്റെ കാലത്തെ അടിസ്ഥാനമാക്കിയുള്ള കാലഗണന ഈസാ നബി (അ) ന്റെ കാലംവരെ തുടർന്നു (ഖസ്തല്ലാനി) 

ഈസാനബി (അ) യെ ആകാശത്തേക്ക് ഉയർത്തിയ ശേഷം പ്രധാന സംഭവങ്ങളെ അടിസ്ഥാനമാക്കി കാലഗണന നിശ്ചയിച്ചുപോന്നു ആനക്കലഹ സംഭവം അതിൽ പെട്ടതാണ് അങ്ങനെയാണ് നബി (സ) യുടെ ജനനം ആനക്കലഹ വർഷമായിരുന്നുവെന്ന് ചരിത്രത്തിൽ കാണുന്നത് 

ചന്ദ്രൻ ഏതു ആകാശത്തിലാണ്?

ഒന്നാം ആകാശത്തിന്റെ താഴെ പള്ളികളിൽ തൂക്കിയ കിനാദികളെപ്പോലെ ആകാശത്തിനു താഴെ നക്ഷത്രങ്ങൾ തൂങ്ങിനിൽക്കുകയാണ് (ഫത്ഹുൽ ബാരി, താരീഖുൽ ഉമമി വൽ മുലൂക്) 

ഗോളാകൃതിയിൽ ഒമ്പത് ആകാശം (ഫലക്) ഉണ്ടെന്നും അവ ഓരോന്നും മറ്റേതിനോട് തൊട്ടുരുമ്മി നിൽക്കുകയാണെന്നും സൂര്യനും ചന്ദ്രനും മറ്റു നക്ഷത്രങ്ങളും ചില ആകാശങ്ങളിൽ തറച്ചുവെച്ചതാണെന്നും ആ ഫലകുകൾ ഭൂമിക്കു ചുറ്റും കറങ്ങിക്കൊണ്ടിരിക്കുകയാണെന്നും സമർപ്പിക്കുന്ന ടോളമിയുടെ സിദ്ധാന്തത്തിലും ആകാശം എന്ന ഒരു പ്രത്യേക വസ്തു തന്നെ ഇല്ലെന്നും മേൽപോട്ടു നോക്കിയാൽ തോന്നുന്നത് വായുമണ്ഡലത്തിൽ അടിഞ്ഞുകൂടിയ മേഘവും മറ്റുമാണെന്നും സൂര്യ, ചന്ദ്ര, നക്ഷത്രാദി ഗോളങ്ങൾ പരസ്പരം ആകർഷണത്തോടുകൂടി നിലകൊള്ളുകയും ഭൂമിയും മറ്റു ഗ്രഹങ്ങളും സൂര്യനു ചുറ്റും കറങ്ങിക്കൊണ്ടിരിക്കുകയാണെന്നും സമർത്ഥിക്കുന്നതും പൈത്തഗോറസ് ആവിഷ്കരിച്ചതും കോപർനിക്കസ് സലക്ഷ്യം തെളിയിച്ചതുമായ സൗരയൂഥ സിദ്ധാന്തത്തിലും ഇസ്ലാമിന്റെ ദൃഷ്ടിയിൽ ചില പന്തികേടുകളുണ്ട് (സമ്പൂർണ ഫതാവ: പേജ്:338) 

ഗോളശാസ്ത്രം പഠിക്കാമോ?

ആകാശ ഗോളങ്ങളുടെ ദിശയും സ്ഥാനവും ചലനവേഗതയും ഉത്ഭവവും ഘടനയും സംബന്ധിച്ചു പഠിക്കുന്ന വിജ്ഞാന ശാഖയാണ് ഗോളശാസ്ത്രം ജ്യോതിശാസ്ത്രം എന്നും ഇതിനു പറയാറുണ്ട് 

ഈ ശാസ്ത്രം പഠിക്കൽ നിരുപാധികം ശരിയാണെന്നോ തെറ്റാണെന്നോ പറയാവതല്ല പഠിക്കുന്നവന്റെ വിശ്വാസമനുസരിച്ച് വിധി മാറും 

ഖിബ്ലയുടെ ദിക്ക്, നിസ്കാരം, നോമ്പ്, ഹജ്ജ് ആദിയായവയുടെ സമയം ഉദയാസ്തമയത്തിൽ വ്യത്യാസവും ഏകീകരണവും എന്നിവയ്ക്കു വേണ്ടത്ര വിജ്ഞാനം പഠിക്കൽ നിർബന്ധമാണ്; ഫർള് കിഫയാണ് 

ചന്ദ്രന്റെ രാശികളും സഞ്ചാരപഥങ്ങളും മനസ്സിലാക്കുക, നാടിന്റെ ദിക്കുകൾ തമ്മിലുള്ള അടുപ്പങ്ങളും അകലങ്ങളും മനസ്സിലാക്കുക എന്നിവയ്ക്ക് ആവശ്യമായത് ഗോളശാസ്ത്രത്തിൽ നിന്നു പഠിക്കൽ അനുവദനീയമാണ് 

ഗോളങ്ങളാണ് നിയന്ത്രിക്കുന്നത് എന്ന വിശ്വാസത്തിൽ ( ആ വിശ്വാസം തന്നെ ശിർക്കാണ് ) അവയുടെ ചലനത്തെക്കുറിച്ച് പഠിക്കൽ കുഫ്റാണ്, നിഷിദ്ധമാണ് ഇതിനു ജ്യോതിഷം എന്നു പറയും (ഫതാവൽ ഹദീസിയ്യ 47 നോക്കുക)

അലി അഷ്‌കർ : 95267 65555