ജനുവരി ഒന്നിന് പുതുവത്സര ആശംസയോ

 

ജനുവരി ഒന്നിന് പുതുവത്സര ആശംസ സുന്നത്തുണ്ടോ?

ഇല്ല, നമ്മുടെ ശരീഅത്തിൽ വർഷം എന്നു പറയുനത് ഹിജ്റ: വർഷമാണ്. മാസം എന്നു പറയുന്നത് ഹിജ്റ : മാസമാണ്. 

അതു കൊണ്ടു തന്നെ പുതിയ , പുതിയ മാസങ്ങൾക്കും പുതുവർഷത്തിനും ആശംസ സുന്നത്താണ് എന്നു ഫുഖഹാക്കൾ വ്യക്തമാക്കിയത് ഹിജ്റ : മാസങ്ങളും വർഷവുമാണ്. അല്ലാതെ ക്രിസ്തുവർഷവും ക്രിസ്തു മാസങ്ങളും കൊല്ലവർഷവും കൊല്ല മാസങ്ങളുമല്ല. അതുപോലെ ശകവർഷവും ശകമാസങ്ങളുമല്ല.

ഇസ്'ലാമിക ആചാരങ്ങൾ ഹിജ്റ: വർഷവുമയി ബന്ധപ്പെട്ടതാണ്. 

സുന്നത്ത് എന്നത് ഒരു മത വിധിയാണ്. അതു ആരെങ്കിലും ഉണ്ടാക്കിയ മാസ, വർഷവുമായി ബന്ധപ്പെടുത്തരുത്.

ഹിജ്റ: യാടെ ഓരോ മാസത്തിനും ആശംസ സുന്നത്തുണ്ട്. രണ്ടു ദിവസം കഴിഞ്ഞാൽ റജബ് മാസം സമാഗതമാവും. അപ്പോൾ ആശംസ സുന്നത്തുണ്ട്. ഹിജ്റ: വർഷത്തിനും ആശംസ സുന്നത്തുണ്ട്. [തർശീഹ്: പേജ്: 96, ശർവാനി: 3/ 56 ]

 وتسن التهنئة بالعيد ونحوه من العام والشهر علي المعتمد مع المصافحة ان اتحد الجنس 

[ ശർവാനി: 3/ 56 ]

والتهنئة بالعيد والعام والشهر سنة

[ തർശീഹ്: പേജ്: 96 ]

വർഷം, മാസം എന്നു കാണുമ്പോഴേക്കും സർവ്വ വർങ്ങളും സർവ്വ മാസങ്ങളുമെന്ന് മനസ്സിലാക്കരുത്. ഹിജ്റ: വർഷവും ഹിജ്റ: മാസവുമാണ് എന്നു മനസ്സിലാക്കണം.

ആശംസ വാചകം

ഉദാ: تقبل الله منا ومنكم

മറുപടി : تَقَبَّلَ اللَّهُ مِنْكُمْ أَحْيَاكُمْ اللَّهُ لِأَمْثَالهِ كُلَّ عَامٍ وَأَنْتُمْ بِخَيْر 

ദുആ വസ്വിയ്യത്തോടെ
എം.എ.ജലീൽ സഖാഫി പുല്ലാര