ഇല്ല
👉 ഒരാളുടെ കണ്ണ് മറ്റൊരാൾക്ക് ദാനം ചെയ്യാൻ ഇസ് ലാം അനുവദിക്കുന്നില്ല
👉 ദാതാവും സ്വീകര്ത്താവും ചെയ്യുന്നത് നിഷിദ്ധമാണെന്നു തന്നെയാണ് കര്മശാസ്ത്രത്തിന്റെ പക്ഷം.
👉സ്വയം അവകാശമില്ലാത്ത വസ്തുവാകയാല് മരണ ശേഷം മറ്റൊരാള്ക്ക് വേണ്ടി വസ്വിയ്യത്ത് ചെയ്യലും അനുവദനീയമല്ല. ‘മറ്റൊരാള്ക്ക് വേണ്ടി (ഏറെ പ്രയാസപ്പെട്ടവനാണെങ്കിലും/ അത്യാവശ്യമെന്ന് തോന്നിയാലും) സ്വശരീരത്തിന്റെ ഒരു ഭാഗം മുറിച്ച് നല്കല് നിഷിദ്ധമാണ്, (അല്ലാഹു നല്കിയ) അവയവത്തിന്റെ പൂര്ണമായ ശേഷിപ്പ് നഷ്ടപ്പെടുന്നു എന്നതാണ് കാരണം.
👉ഈ ദാനം ഒരു നബിക്ക് വേണ്ടിയാണെങ്കില് നിര്ബന്ധമാണ്. (ഇസ്ലാമിന്റെ ശത്രുവെന്ന് വിധിക്കപ്പെട്ട, യുദ്ധം നിര്ബന്ധമായ) ഹര്ബിയ്യായ കാഫിര്, ഇസ്ലാമില് നിന്ന് കുഫ്രിയ്യത്തിലേക്ക് പോയ മുര്തദ്ദ്, വിവാഹിതനായ വ്യഭിചാരി, നിസ്കാരം ഉപേക്ഷിച്ചവന്(മുഹാരിബ്) തുടങ്ങി ഇസ്ലാം ജീവന് വിലകല്പിക്കാത്ത (മഅ്സൂമല്ലാത്ത) വരുടെ ശരീരാവയവങ്ങള് ആവശ്യാനുസൃതം മുസ്ലിമിന് മുറിച്ചെടുക്കാം. എന്നാല് ഇസ്ലാം ജീവന് വിലകല്പിക്കുന്നവരില് നിന്ന് മുറിച്ചെടുക്കാനും മറ്റൊരാള്ക്ക് അര്ഹതയില്ല, ഏറെ പ്രയാസപ്പെട്ടാലും ശരി.’
👉 മരണപ്പെട്ട വ്യക്തിയുടെ നേത്രവും മറ്റു അവയവങ്ങളും അത്യാവശ്യമെങ്കില് സ്വീകരിക്കുന്നതിന് ( ദാനം അല്ല ) വിരോധമില്ല. പൊട്ടിയ എല്ലിന്റെ സ്ഥാനത്ത് മറ്റൊന്ന് വച്ച് പിടിപ്പിക്കുന്ന വിഷയം ചര്ച്ച ചെയ്യുന്നിടത്ത് കര്മശാസ്ത്ര വിചക്ഷണന്മാര് സമര്ത്ഥിക്കുന്നത് ‘ഉപേക്ഷിച്ചില്ലെങ്കില് മരണപ്പെടുമെന്ന് വിധിക്കപ്പെട്ട് മറ്റൊന്നുമെത്തിക്കാത്ത വ്യക്തിക്ക് ജീവനറ്റ മനുഷ്യ മാംസം ഉപയോഗിക്കല് അനുവദനീയമാക്കപ്പെട്ടത് പോലെ അവന്റെ എല്ല് കൊണ്ട് (ജബ്ര്) ചെയ്യലും അനുവദനീയമാണ്’
👉തദടിസ്ഥാനത്തില് മരിച്ച വ്യക്തിയുടെ നേത്രമുപയോഗിക്കലല്ലാതെ മറ്റൊരു മാര്ഗമില്ലെന്ന് വിദഗ്ദ ഡോക്ടര്മാര് വിധിയെഴുതുന്ന പക്ഷം അനന്തരാവകാശിയുടെ സമ്മത പ്രകാരം അങ്ങനെ ചെയ്യാവുന്നതാണെന്ന് ചുരുക്കം.
👉മരണപ്പെട്ട് രണ്ട് മണിക്കൂറിനകം കണ്ണെടുത്ത് റഫ്രിജറേറ്ററില് സൂക്ഷിച്ചാല് രണ്ടാഴ്ച കാലം കേടു കൂടാതെ നിലനില്ക്കുമെന്നതിനാല് അതിനിടക്ക് ഉപയോഗിച്ചാല് മതി.
No comments:
Post a Comment