മറന്നു കൊണ്ടു തുടരെ അനക്കം

 

മൂന്ന് അനക്കം തുടരെയായി അനങ്ങിയാൽ നമസ്കാരം ബാത്വിലാകുമല്ലോ. മറന്നാണെങ്കിലും വിധി ഇതുതന്നെയാണോ? തുടരെയെന്നു കണക്കാക്കുന്നതിനുള്ള മാനദണ്ഡമെന്ത്?

മൂന്നു പ്രാവശ്യം തുടരെയുണ്ടായാൽ നമസ്കാരം അസാധുവാകുന്ന പ്രവൃത്തികൾ ബോധപൂർവ്വമല്ലാതെ മറന്നു സംഭവിച്ചാലും വിധിയതു തന്നെ. നമസ്കാരം അസാധുവാകും. പക്ഷേ, മറന്നോ ഹറാമാണെന്ന വിധിയറിയാതെയോ സംഭവിച്ചതിന് ശിക്ഷയുണ്ടാവുകയില്ല. തുഹ്ഫ : 2-155

സാധാരണയിൽ ചേർത്തു പറയും വിധം പ്രവൃത്തികൾ മൂന്നും സംഭവിക്കുകയെന്നാണ് തുടരെ എന്നതിന്റെ ഉദ്ദേശ്യം. ഒന്നാം പ്രവൃത്തിയും രണ്ടാം പ്രവൃത്തിയും അങ്ങനെ ചേർത്തു പറയാത്തവണ്ണം വേറിട്ടു സംഭവിക്കുകയാണ് ഇതിന്റെ മാറ്റം. തുഹ്ഫ: 2-153.

നജീബ് ഉസ്താദ് മമ്പാട് -പ്രശ്നോത്തരം: 4/189