'ഇബ്റാഹീം ബ്ൻ മുഹമ്മദ് ബ്ൻ ത്വൽഹഃ(റ) വഫാതായി' എന്ന വാർത്ത ആരോ ഒരാൾ സഈദ് ബ്നുൽ മുസയ്യബ്(റ) വിനോട് പറഞ്ഞു. രണ്ട് പേരും താബിഉകളിലെ ശ്രേഷ്ഠ വ്യക്തിത്വങ്ങൾ...
കേട്ടുടനെ സഈദ്(റ) ചോദിച്ചു: "എന്താണ് സംഭവിച്ചത്...? എങ്ങനെയാണദ്ദേഹം മരിച്ചത്...?"
"അദ്ദേഹത്തിന്റെ വീട് അശേഷം തകർന്ന് വീണു... നിർഭാഗ്യവശാൽ അദ്ദേഹം ആ സമയത്ത് വീട്ടിനുള്ളിലായിരുന്നു..."
"അല്ലാാാഹ്... ഇബ്റാഹീം അങ്ങനെ മരിക്കില്ല... അല്ലാഹു അദ്ദേഹത്തെ ഈ രൂപത്തിൽ മരിപ്പിക്കില്ല..."
സഈദ് ബ്നുൽ മുസയ്യബ്(റ)വിന്റെ മറുപടി കേട്ട് അവർ തരിച്ചുനിന്നു.
സഈദ്(റ)വിനെ അവർക്ക് നന്നായറിയാം... വെറും വർത്തമാനങ്ങൾ അവരിന്നേ വരേ ആ നാവിൽ നിന്ന് കേട്ടിട്ടില്ല.
ഉടൻ കൂടിയ ജനമെല്ലാം ആ തകർന്ന വീടിന്റെ അവശിഷ്ടങ്ങൾക്കിടയിൽ അദ്ദേഹത്തെ പരതി... അത്ഭുതമെന്നല്ലാതെന്തു പറയാൻ...!! ഒരുതരി പൊട്ടലോ പോറലോ ഏൽക്കാതെ ഇബ്റാഹീം ബ്ൻ മുഹമ്മദ്(റ) എന്നവരെ ജീവനോടെ ആ അവശിഷ്ടങ്ങൾക്കടിയിൽ നിന്ന് കണ്ടെടുത്തു.
'അതല്ല, സഈദ്(റ) എന്തു കൊണ്ടാ ഇതിങ്ങനെ കൃത്യമായി പറഞ്ഞത്...?' അതാണല്ലോ അത്യത്ഭുതം...!
അവർ ചോദിക്കാൻ മടിച്ചില്ല:
"ഈ തകർന്ന് തരിപ്പണമായ ബിൽഡിംഗിനടിയിൽ അദ്ദേഹം ജീവനോടിരിക്കുന്നുണ്ടെന്ന് നിങ്ങളെങ്ങനെയാ അറിഞ്ഞത്...?"
സഈദ് തങ്ങൾ പറഞ്ഞു: "വേറൊന്നും കൊണ്ടല്ല.. അദ്ദേഹം കുടുംബ ബന്ധങ്ങൾ ഒരു വിള്ളൽ പോലും വീഴാതെ പുലർത്തി വരുന്ന വ്യക്തിയാണ്... ബന്ധങ്ങളൂട്ടിയുറപ്പിക്കുന്നവർക്ക് അല്ലാഹു ഒരിക്കലും ഇങ്ങനെത്തെ മരണം നൽകില്ല..."
അവലംബം: سفط الملح وزوح الترح
ബന്ധങ്ങൾ മുറിക്കുന്നവന് സുവർഗത്തിൽ സീറ്റില്ലന്നല്ലേ മുത്ത് നബി صلى الله عليه وسلم നമ്മോട് പറഞ്ഞത്... സഗൗരവം അതുൾക്കൊള്ളാനും മാതൃകയാവാനും അല്ലാഹുവേ ഈ പാവങ്ങൾക്ക് നീ തൗഫീഖ് നൽകണേ... ആമീൻ!
صل الله على محمد صل الله عليه وسلم
ഉമറുല്ഫാറൂഖ് സ്വിദ്ദീഖി
No comments:
Post a Comment