ഭാര്യാ ഭർത്താക്കന്മാർ വിട്ടു പിരിഞ്ഞ് ഒരു വർഷം കഴിഞ്ഞ ശേഷമാണു ത്വലാഖ് സംഭവിക്കുന്നതെങ്കിൽ അവർ ഇദ്ദ ആചരിക്കേണ്ടതുണ്ടോ?

സംയോഗം ചെയ്ത ഭർത്താവ് ത്വലാഖ് ചൊല്ലിയാൽ ഇദ്ദ നിർബന്ധമാണ് തമ്മിൽ വിട്ടു പിരിഞ്ഞിട്ട് എത്ര വർഷം ആയാലും ശരി (ഫത്ഹുൽ മുഈൻ)

ഭർത്താവ് മരിച്ചാൽ ഭാര്യ ഇദ്ദ കണക്കാക്കുന്നത് ഭർത്താവിന്റെ മരണം മുതലോ ഭാര്യ മരണവാർത്ത അറിഞ്ഞതു മുതലോ? മരണവാർത്ത അറിഞ്ഞതു മുതലാണെങ്കിൽ , നാലു മാസവും 10 ദിവസവും കഴിഞ്ഞതിനു ശേഷമാണ് അറിഞ്ഞതെങ്കിൽ പിന്നെ അവർ ഇദ്ദ ആചരിക്കേണ്ടതുണ്ടോ?

ഇദ്ദയുടെ ആരംഭം ഭർത്താവ് മരിച്ചതു മുതലാണ് ഇദ്ദയുടെ കാലം കഴിഞ്ഞശേഷമാണു ഭാര്യ മരണവാർത്ത അറിഞ്ഞതെങ്കിൽ അവളുടെ ഇദ്ദ കഴിഞ്ഞു പിന്നെ ഇദ്ദ ആചരിക്കേണ്ടതില്ല (തുഹ്ഫ 3/253)