കുളി നിര്‍ബന്ധമുള്ള സമയത്ത്, പ്രത്യേകം നിയ്യത് ചെയ്യാതെ, ഫര്‍ള് കുളി ഉണ്ടല്ലോ എന്ന ഉദ്ദേശത്തോടെ കുളിച്ചാല്‍ മതിയാവുമോ?

നിയ്യത് നിര്‍ബന്ധമായ കര്‍മ്മങ്ങളില്‍ പെട്ടതാണ് നിര്‍ബന്ധമായ കുളി. കുളിയുടെ നിയ്യത് ആദ്യമായി വെള്ളം സ്പര്‍ശിക്കുന്നതിനോട് ചേര്‍ന്ന് വേണം ഉണ്ടാവാന്‍ എന്നതാണ് കര്‍മ്മശാസ്ത്ര നിയമം. വലിയ അശുദ്ധിയെ ഉയര്‍ത്തുന്നവെന്നോ നിസ്കാരത്തെ ഹലാലാക്കുന്നുവെന്നോ നിര്‍ബന്ധമായ കുളി നിര്‍വ്വഹിക്കുന്നു എന്നോ ഒക്കെ വേണം നിയ്യത് ചെയ്യാന്‍.. കുളി നിര്‍ബന്ധമുണ്ടല്ലോ എന്ന ചിന്ത കൊണ്ട് മാത്രം നിര്‍ബന്ധമായ കുളി വീടുകയില്ല...