ചില രക്ഷിതാക്കൾ മക്കൾക്കിടയിൽ വിവേചനം കാണിക്കാറുണ്ട് ഇത് തെറ്റല്ലേ ?

തെറ്റാണ് ഒരു മകന് കൊടുക്കുക ,മറ്റൊരു മകന് കൊടുക്കാതിരിക്കുക അല്ലെങ്കിൽ ഒരാൾക്ക് കൂടുതൽ കൊടുക്കുക മറ്റൊരു മകന് കുറച്ച് കൊടുക്കുക ഒരു മകനെ അടുപ്പിക്കുക മറ്റൊരു മകനെ അകറ്റുക ഒരാളെ മാത്രം സ്നേഹിക്കുക തുടങ്ങിയവയൊക്കെ കടുത്ത പാപങ്ങളാണ്.

ഒരു മകന് ഒരടിമയെ സമ്മാനമായി കൊടുത്ത പിതാവിനോട് റസൂൽ (സ)ചോദിച്ചു നിങ്ങൾ എല്ലാ മക്കൾക്കും അടിമയെ കൊടുത്തിട്ടുണ്ടോ ? അദ്ദേഹം പറഞ്ഞു ഇല്ല എന്നാൽ നിങ്ങൾ അത് തിരിച്ചു വാങ്ങണം നിങ്ങൾ മക്കൾക്കിടയിൽ നീതി പാലിക്കണം അല്ലാഹുവിനെ സൂക്ഷിക്കണം നിങ്ങളുടെ എല്ലാ മക്കളും നിങ്ങൾക്ക് ഗുണം ചെയ്യണമെന്ന് നിങ്ങൾ ആഗ്രഹിക്കുന്നില്ലേ ?എന്നാണ് നബി (സ) അദ്ദേഹത്തോട് ചോദിച്ചത് (ബുഖാരി, മുസ്ലിം)

കൊടുത്തത് തിരിച്ചു വാങ്ങൽ ഛർദ്ദിച്ചത് തിന്നുന്ന നായയുടെ സ്വഭാവമാണെന്ന് പറഞ്ഞ അതേ പ്രവാചകൻ അത് തിരിച്ചു വാങ്ങാൻ പറഞ്ഞത് മക്കൾക്കിടയിലുള്ള വിവേചനം അതിലും കടുത്ത പാപമായതുകൊണ്ടാണ് ദാനം,ധർമ്മം, പാരിതോഷികം എന്നീ ഇനങ്ങളിൽ മക്കൾക്കിടയിൽ ഏറ്റവ്യത്യാസം കാണിക്കാൻ പാടില്ല ഹറാമാണെന്നും അഭിപ്രായമുണ്ട് (തുഹ്ഫ 6/308,ഫത്ഉൽ മുഈൻ 300)