ഗള്‍ഫ് നാടുകളില്‍നിന്ന് പലരും നിയമവിരുദ്ധമായ രീതിയില്‍ (ഹുണ്ടി പോലെ) നാട്ടിലേക്ക് പണം അയക്കാറുണ്ട്. ഇതിന്‍റെ വിധി എന്ത്

രാഷ്ട്രനിയമങ്ങള്‍ പാലിക്കല്‍ നിര്‍ബന്ധമാണെന്നാണ് പണ്ഡിതാഭിപ്രായം.  പൊതുജനങ്ങളുടെയും രാഷ്ട്രത്തിന്‍റെയും സുഗഗമായ ജീവിതത്തിനും നടത്തിപ്പിനുമായി രാഷ്ട്രം രൂപീകരിക്കുന്ന നിയമങ്ങള്‍ പാലിക്കേണ്ടതാണ്. അന്താരാഷ്ട്ര സാമ്പത്തിക വിനിമയങ്ങളിലും ഇത്തരം നിയമങ്ങളുണ്ട്. ആ നിമയങ്ങള്‍ പാലിക്കേണ്ടത് നിര്‍ബന്ധമാണ്. അന്താരാഷ്ട്ര വിനിമയം നടത്തുമ്പോള്‍ ഇത്തരം നിയമങ്ങള്‍ ലംഘിക്കുന്നതിലൂടെ നാം രണ്ട് രാഷ്ട്രങ്ങളുടെയും നിയമങ്ങള്‍ക്ക് വിരുദ്ധമായി പ്രവര്‍ത്തിക്കുന്നുവെന്നതും ഓര്‍ക്കേണ്ടതാണ്. അതോടൊപ്പം, ഹുണ്ടി പോലോത്തവയിലൂടെ മയക്കുമരുന്നു മാഫിയയെയും കള്ളപ്പണക്കാരെയും സഹായിക്കുകയാണ് ചെയ്യുന്നതെന്നാണ് സാമ്പത്തിക വിദഗ്ധര്‍ പറയുന്നത്...