ചില വേളയില്‍ വികാരം വരുമ്പോള്‍, ലിംഗത്തില്‍ നിന്നും കട്ടിയുള്ള വെള്ളം വരുന്നതായി കാണാം, ഇത് ഉണ്ടായാല്‍ അവിടെ മാത്രം ശുചിയാക്കി നിസ്കരിക്കല്‍ അനുവദനീയമാണോ ?,അതോ കുളി നിര്‍ബന്ധമാണോ

ഇന്ദ്രിയമല്ലാത്ത മറ്റു ചില സ്രവങ്ങളെക്കുറിച്ചും കര്‍മ്മശാസ്ത്ര ഗ്രന്ഥങ്ങള്‍ പരിചയപ്പെടുത്തുന്നുണ്ട്. വദിയ്, മദിയ് എന്നിവയാണ് അവ. വികാര സമയത്ത് പുറപ്പെടുന്ന കട്ടി കുറഞ്ഞ മഞ്ഞയോ വെള്ളയോ നിറത്തിലുള്ള ഒരു തരം സ്രാവമാണ് മദിയ്. ക്ഷീണിക്കുന്ന സമയത്തോ ഭാരമുള്ള വല്ലതും ചുമക്കുന്ന സമയത്തോ ഉണ്ടാകാവുന്നതാണ് വദിയ്. ഇത് രണ്ടും നജസാണ്, ഇവ പുറപ്പെട്ടാല്‍ വുദു മുറിയും. എന്നാല്‍ കുളി നിര്‍ബന്ധമാവില്ല. ആ ഭാഗം വൃത്തിയാക്കി വുദു ചെയ്ത് നിസ്കരിക്കാവുന്നതാണ്. ഇന്ദ്രിയം പുറപ്പെട്ടാല്‍ മാത്രമേ കുളിക്കേണ്ടതുള്ളു. (ഷാഫി മദ്ഹബ് അനുസരിച്ചാണ് ഈ വിധി)