ഒരാള്‍ക്ക്‌ ഇശാഅ് നിസ്കാരം ജമാഅത്ത് നഷ്ട്ടപ്പെട്ടു. അപ്പോഴാണ് പള്ളിയില്‍ തറാവീഹു ജമാഅത്ത് നിസ്കാരം നടക്കുന്നത്. അങ്ങനെയങ്കില്‍ അദ്ദേഹത്തിന് ഇശാഅ് നിസ്ക്കാരത്തിന്‍റെ നിയ്യത്ത് വെച്ച് കൊണ്ട് തറാവീഹില്‍ തുടരാന്‍ പറ്റുമോ ? അങ്ങനെ എങ്കില്‍ ജമാഅത് കിട്ടുമോ? ആ നിസ്കാരം സ്വീകാര്യമാകുമോ ?

സുന്നത് നിസ്കരിക്കുന്നവനോട് ഫര്‍ള് നിസ്കരിക്കുന്നവന് തുടരാവുന്നതാണ്, നിസ്കാരവും തുടര്‍ച്ചയും ശരിയാവുകയും ചെയ്യും. അതേ വിധി തന്നെയാണ് ഇശാ നിസ്കരിക്കുന്നവന്‍ തറാവീഹ് നിസ്കരിക്കുന്നവനോട് തുടരുന്നിടത്തും. പ്രത്യക്ഷത്തില്‍ രൂപവ്യത്യാസമില്ലാത്ത ഏത് നിസ്കാരത്തോടും തുടരാവുന്നതാണ്. എന്നാല്‍, ഇങ്ങനെ തുടരുന്നതിലൂടെ ജമാഅതിന്റെ പ്രതിഫലം ലഭിക്കില്ലെന്നതാണ് പ്രബലാഭിപ്രായം. സുന്നത് നിസ്കരിക്കുന്നവനോട് തുടരുന്നതിനേക്കാള്‍ ഉത്തമം ഒറ്റക്ക് നിസ്കരിക്കുന്നതാണ് എന്നാണ് പണ്ഡിതര്‍ പ്രബലമാക്കുന്നത്.