ബറാഅത്ത് നോമ്പ്

 

ബറാഅത്ത് ദിനത്തിൽ (ശഅ്ബാൻ 15) നോമ്പ് പ്രത്യേകമായി സുന്നത്തില്ലെന്നും അയ്യാമുൽ ബീളിൽപ്പെട്ട ദിവസം എന്ന നിലക്കേ സുന്നത്തുള്ളൂ എന്നും ഒരു പണ്ഡിതൻ പ്രസംഗിക്കുന്നതായി കേട്ടു. മുൻ കാലത്തേ ബറാഅത്ത് നോമ്പ് സുന്നത്താണെന്ന് ഞങ്ങൾ കേട്ടിരുന്നുവെന്നു വയസ്സായവർ പറയുന്നു. സത്യമെന്ത് ?

ശഅ്ബാൻ 15 ന്റെ രാവിനാണല്ലോ ബറാഅത്തു രാവെന്നു പറയുന്നത്. അതു പകലിന്റെ പേരല്ല. എങ്കിലും ആ രാവിന്റെ പിറകെയുള്ള പകലിനും ബറാഅത്തുനാളെന്നു പരക്കെ പ്രയോഗിക്കാറുണ്ട്. അതു സ്വാഭാവികവുമാണ്. എന്തായാലും ശഅ്ബാൻ 15 ന്റെ പകലാണിത്. അന്നു നോമ്പു സുന്നത്തുണ്ടെന്നുതന്നെയാണല്ലോ പ്രസംഗത്തിൽ കേട്ടതും. അതുകൊണ്ട് അക്കാര്യത്തിൽ ശണ്ഠകൂടേണ്ട. പണ്ടുള്ളവരെപ്പോലെ നോമ്പനുഷ്ഠിക്കുക.

നജീബ് ഉസ്താദിന്റെ പ്രശ്നോത്തരം: ഭാഗം 2, പേജ്ഃ 214