വീട്ടിൽ കയറുമ്പോൾ സലാം പറഞ്ഞ് ഖുൽഹുവല്ലാഹ് സൂറത്ത് ഓതിയാൽ ദാരിദ്ര്യം മാറുമെന്ന് ഹദീസ് ഉണ്ടോ

ഇമാം സഖാവി (റ) അൽ കൗലുൽ ബദീഅ് എന്ന ഗ്രന്ഥത്തിൽ ഈ ഹദീസ് കൊണ്ടുവരുന്നുണ്ട്.സഹ്ൽ ബിൻ സഅദ് (റ) യിൽ നിന്നുള്ള ഒരു രിവായത് ചെയ്യുന്ന ഹദീസ് :ഒരു വ്യക്തി നബി ﷺ യുടെ അടുക്കൽ വന്ന് ദാരിദ്ര്യവും ജീവിതക്കഷ്ടതയും പരാതിപ്പെട്ടു. അപ്പോൾ നബി ﷺ പറഞ്ഞു: നീ നിന്റെ വീട്ടിൽ പ്രവേശിക്കുമ്പോൾ അവിടെ ആരെങ്കിലും  ഉണ്ടെങ്കിലും ഇല്ലെങ്കിലും സലാം പറയുക. ശേഷം എന്നോട് (നബി ﷺ യോട്) സലാം പറയുക. പിന്നെ ഒരു പ്രാവശ്യം കുൽ ഹുവല്ലാഹു അഹദ് (സൂറത്ത് ഇഖ്‌ലാസ്) ഓതുക. അദ്ദേഹം അതുപോലെ പ്രവർത്തിച്ചു. അതിന്റെ ഫലമായി അല്ലാഹു അദ്ദേഹത്തിന് ധാരാളമായ റിസ്ക് നൽകി. അതിന്റെ ബർകത് അയൽക്കാരിലും ബന്ധുക്കളിലും വരെ എത്തി.

ഈ ഹദീസിന്റെ സനദ് ദുർബലമാണ് (ضعيف). എന്നാൽ ഫദാഇലുൽ അഅ്മാലിൽ ദുർബല ഹദീസ് അനുസരിച്ച് അമൽ ചെയ്യാവുന്നതാണ് എന്ന് ഭൂരിപക്ഷം പണ്ഡിതന്മാർ വ്യക്തമാക്കിയിട്ടുണ്ട്.

وعن سهل بن سعد رضي الله عنه قال جاء رجل إلى النبي صلى الله عليه وسلم فشكا إليه الفقر وضيق العيس والمعاش فقال له رسول الله - صلى الله عليه وسلم - إذا دخلت منزلك فيلم إن كان فيه أحد أو لم يكن فيه أحد ثم سلم علي واقرأ قل هو الله أحد مرة واحدة ففعل الرجل فأدر الله عليه الرزق حتى أفاض على جيرانه وقراباته رواه أبو موسى المديني بسند ضعيف

[السخاوي، شمس الدين، القول البديع في الصلاة على الحبيب الشفيع، صفحة ١٣٥]

മുഫ്തി ഹാഫിസ് അബ്ദുറഹ്മാൻ ഖാസിമി പത്തനംതിട്ട