ഭർത്താവ് ഭാര്യയെ പേരു വിളിക്കുന്നതിൽ ശറഇൽ അപാകതയോ കറാഹത്തോ ഇല്ല. ഭാര്യ ഭർത്താവിനെ പേരുപറഞ്ഞ് വിളിക്കുന്നതും പാപകരമായ കാര്യമല്ല. എന്നാൽ അദബിന് വിരുദ്ധമാണെന്നതിനാൽ കറാഹത് തൻസീഹുണ്ട് ഒഴിവാക്കലാണ് ഉത്തമം. അതിനാൽ സ്ത്രീകൾ അദബ്ബിന്റെ ആവശ്യകത കണക്കിലെടുത്ത് ഇതിൽ ശ്രദ്ധ പുലർത്തേണ്ടതാണ്.
എന്നാൽ വിളിക്കാനോ മറ്റേതെങ്കിലും ആവശ്യത്തിനോ ഭർത്താവിന്റെ പേര് പറയേണ്ട സാഹചര്യം ഉണ്ടാകുകയാണെങ്കിൽ ഭർത്താവിന്റെ പേര് പറയുന്നതിൽ യാതൊരു തടസ്സവുമില്ല. എല്ലാ സാഹചര്യങ്ങളിലും ഭർത്താവിന്റെ പേര് പറയുന്നത് നിരോധിതമോ പാപമോ ആണെന്ന് കരുതുന്നത് തെറ്റായ ധാരണയാണ്. അതിന്റെ തിരുത്തൽ ആവശ്യമാണ്.
(وَيُكْرَهُ أَنْ يَدْعُوَ الرَّجُلُ أَبَاهُ وَأَنْ تَدْعُوَ الْمَرْأَةُ زَوْجَهَا بِاسْمِهِ....قَوْلُهُ وَيُكْرَهُ أَنْ يَدْعُوَ إلَخْ) بَلْ لَا بُدَّ مِنْ لَفْظٍ يُفِيدُ التَّعْظِيمَ كَيَا سَيِّدِي وَنَحْوِهِ لِمَزِيدِ حَقِّهِمَا عَلَى الْوَلَدِ وَالزَّوْجَةِ، وَلَيْسَ هَذَا مِنْ التَّزْكِيَةِ، لِأَنَّهَا رَاجِعَةٌ إلَى الْمَدْعُوِّ بِأَنْ يَصِفَ نَفْسَهُ بِمَا يُفِيدُهَا لَا إلَى الدَّاعِي الْمَطْلُوبِ مِنْهُ التَّأَدُّبُ مَعَ مَنْ هُوَ فَوْقَهُ
[ابن عابدين ,الدر المختار وحاشية ابن عابدين (رد المحتار) ,6/418]
മുഫ്തി ഹാഫിസ് അബ്ദുറഹ്മാൻ ഖാസിമി പത്തനംതിട്ട
No comments:
Post a Comment