ഞങ്ങളുടെ ഇളയ കുഞ്ഞു മുലകുടിക്കുന്ന പ്രായമാണ്‌. രണ്ടു വർഷമെങ്കിലും മുലപ്പാൽ ലഭിച്ചില്ലെങ്കിൽ കുഞ്ഞിന്റെ ആരോഗ്യ കാര്യത്തിൽ ആശങ്ക. അതിനാൽ, ഈ മുലയൂട്ടൽ കാലത്തു ഗർഭിണിയാകതിരിക്കാൻ സംഭോഗ വേളയിൽ ചില നിയന്ത്രണങ്ങൾ വരുത്താനോ ശുക്ലസ്രാവത്തിന്റെ കാര്യത്തിൽ ചില വളഞ്ഞ മാർഗ്ഗങ്ങൾ സ്വീകരിക്കാനോ പറ്റുമോ? മതദൃഷ്ട്യാ അനുവദനീയമാണോ?
ഉത്‌പാദന ശേഷി നശിപ്പിക്കുന്ന വിധമല്ലാതെ ഗർഭത്തിനു കാലവിളംബം വരുത്തുന്ന മാർഗ്ഗങ്ങൾ സ്വീകരിക്കുന്നതു ഹറാമില്ല. പ്രശ്നത്തിലുന്നയിച്ച പോലെ മുലയൂട്ടുന്ന കുഞ്ഞിനെ സുരക്ഷിതമായി വളർത്തുക പോലുള്ള ന്യായമായ കാരണങ്ങളുടെ പേരിലാണെങ്കിൽ ഇതു കറാഹത്തില്ല. ഇല്ലെങ്കിൽ കറാഹത്താണ്‌. (ശർവ്വാനി:8-24).
ഇതു നിയമത്തിന്റെ വശം. കുഞ്ഞുങ്ങളുടെ ആരോഗ്യം സംരക്ഷിക്കുന്നതും ഗർഭപാത്രത്തിൽ കുഞ്ഞിനെ സൃഷ്ടിക്കുന്നതുമെല്ലാം സൂക്ഷ്മമായ പ്ലാനോടു കൂടി സർവ്വശക്തനായ റബ്ബു നടത്തുന്നതാണെന്ന് ഓർമ്മയിരിക്കട്ടെ.
(മൗലാനാ നജീബ്‌ ഉസ്താദിന്റെ പ്രശ്നോത്തരം ഭാഗം 1, പേജ്‌: 63)
No comments:
Post a Comment