കൈകാലുകൾ തൊട്ടു ഹൃദയം വരെ മാറ്റിവെച്ചു കൊണ്ടുള്ള ശസ്ത്രക്രിയ ഇന്നു വൈദ്യശാസ്ത്രത്തിലെ സാധാരണ സംഭവമാണ്‌. ഇതിനെ തുടർന്നു വൃക്ക മോഷണം, വിൽപ്പന തുടങ്ങി പല നെറികേടുകളും നടമാടുന്നുമുണ്ട്‌. എന്നാൽ ഒരാളുടെ അവയവങ്ങൾ മാറ്റിവയ്ക്കുന്നതിന്റെ വിധിയെന്ത്‌? ഇതു മനുഷ്യരുടെയും ഇതരജീവികളുടെയും തമ്മിൽ വ്യത്യാസമുണ്ടോ?
അവയവം മാറ്റി വെക്കലും കൂട്ടിച്ചേർക്കലും നിർബന്ധ സാഹചര്യത്തിൽ അനുവദനീയമാണ്‌. ഇതരമനുഷ്യരുടേതും മറ്റു ജീവികളുടെതും വ്യത്യാസമുണ്ട്‌. അവയവമാറ്റത്തിനുള്ള ക്രമം ഇപ്രകാരമാണ്‌.
ഇതരജീവികളുടെ അവയവം അനുയോജ്യവും ഫലപ്രദവുമാകുന്നിടത്തു മനുഷ്യരുടെ അവയവത്തിലേക്കു നീങ്ങാവതല്ല. ഫലപ്രദമായ ആ ജീവികളുടെ അവയവമെടുത്താണു മാറ്റി വെക്കേണ്ടതും കൂട്ടിച്ചേർക്കേണ്ടതും. ഇതിൽ തന്നെ ശുദ്ധിയുള്ള ജീവികളുടെ അവയവത്തിനാണു മുൻഗണന. അതു ലഭിക്കാതിരിക്കുകയോ ഫലപ്രദമല്ലാതിരിക്കുകയോ ചെയ്യുമ്പോഴാണു നജസായ അവയവങ്ങളിലേക്ക്‌ നീങ്ങേണ്ടത്‌. ഈ നജസുമാത്രമേ ഫലപ്രദമുള്ളൂവെന്നു വിശ്വസ്ഥനായ ഒരു ഡോക്ടർ അഭിപ്രായപ്പെടുമ്പോൾ മാത്രം നജസുകളിൽ തന്നെ നായ, പന്നി എന്നിവയല്ലാത്ത നജസുകളിലേക്കാണ്‌ ആദ്യം നീങ്ങേണ്ടത്‌. ഗത്യന്തരമില്ലാതെ വന്നാൽ മാത്രമേ നായയുടേയും പന്നിയുടേതുമാകാവൂ. ഇതൊന്നും ഫലപ്രദമല്ലാത്ത ഘട്ടത്തിലാണു മനുഷ്യരുടെ അവയവം തന്നെ മാറ്റി വെക്കാവൂ. (തുഹ്ഫ: ശർവ്വാനി സഹിതം 2-125, 126)
No comments:
Post a Comment