മുസ്ലിമായ ഒരു പുരുഷൻ അമുസ്ലിമായ ഒരു സ്ത്രീയെ വിവാഹം കഴിക്കുന്നത് ശരിയാണോ.? അവർക്കുണ്ടാകുന്ന കുഞ്ഞ് ഏത് മത വിശ്വാസിയാകും.? ഇസ്ലാം മതത്തിലാണെങ്കിൽ മാതാവിന്റെ കൂടെ ജീവിക്കുമ്പോൾ മതപരമായ കാര്യങ്ങൾ പഠിക്കാൻ കുട്ടിക്കു സാധിക്കുമോ ?
വേദക്കാരിയല്ലാത്ത അമുസ്ലീം സ്ത്രീകളെ നിക്കാഹു ചെയ്യൽ മുസ്ലിമിനു നിഷിദ്ധവും ആ നിക്കാഹു സാധുവാകാത്തതുമാണ് . അവർ തമ്മിലുള്ള സംഭോഗം ശുദ്ധ വ്യഭിചാരമായതിനാൽ അതിൽ ജനിക്കുന്ന സന്താനങ്ങൾക്കു പിതൃത്വം ലഭിക്കില്ല. തുഹ്ഫ : 9 - 107 നോക്കുക .
അതിനാൽ ആ കുട്ടികൾ പ്രായപൂർത്തി വന്നതിനു ശേഷം മുസ്ലീമായെങ്കിൽ മാത്രമേ ഇസ്ലാം മതക്കാരായി ഗണിക്കപ്പെടുകയുള്ളൂ. അതേസമയം , വേദക്കാരികളായ സ്ത്രീകളെ നിയമപ്രകാരം സോപാധികമായി മുസ്ലിമിന്നു വിവാഹം അനുവദനീയമാണ്. തുഹ്ഫ : 7 - 322 . അത്തരം അമുസ്ലീം സ്ത്രീകളിൽ ജനിക്കുന്ന കുഞ്ഞുങ്ങൾക്ക് അവനുമായി പിതൃബന്ധം ലഭിക്കുന്നതും തന്മൂലം അവൻ മുസ്ലീംകളായിരിക്കുന്നതുമാണ്
No comments:
Post a Comment