സംഘം ചേർന്ന് ഭക്ഷണം കഴിക്കുമ്പോൾ തുടങ്ങുമ്പോളുള്ള ബിസ്‌'മി ഉറക്കെച്ചൊല്ലണമെന്നും ആഹരിച്ച ശേഷമുള്ള ഹംദ്‌ പതുക്കെയാക്കണമെന്നും പറയുന്നതിന്റെ ന്യായമെന്ത്‌?

ആരംഭത്തിൽ ബിസ്‌'മി ഉറക്കെ ചൊല്ലുന്നത്‌ ആ സുന്നത്ത്‌ നിർവ്വഹിച്ചുവെന്നോ നിർവ്വഹിക്കണമെന്നോ സഹതീറ്റക്കാരെ ഉണർത്തുന്നതിനാണ്‌. തിന്നൽ കഴിഞ്ഞ്‌ ഹംദ്‌ ചൊല്ലുമ്പോൾ തൽസമയം തീറ്റ മതിയാകാത്തവരും കൂട്ടത്തിലുണ്ടാവും. അവരെ അത്‌ കേൾപ്പിക്കുന്നത്‌ വിഷമകരമാവും. ഇത്‌ കൊണ്ടാണ്‌ ഹംദ്‌ പതുക്കെ ചൊല്ലൽ സുന്നത്തായത്‌. നേരെമറിച്ച്‌ കൂട്ടുകാരെല്ലാം തന്നെപ്പോലെ തീറ്റ നിറുത്തിയിട്ടുണ്ടെന്നറിഞ്ഞാൽ ഹംദിനെയും ഉറക്കെയാക്കൽ സുന്നത്താണ്‌. മറ്റുള്ളവരും അത്‌ ചൊല്ലാൻ ഉണർത്തുന്നതിനായി. (ഫതാവ കുബ്‌'റാ 4-117.)