വീട്ടിൽ നിന്ന് പുറത്തിറങ്ങുമ്പോൾ ചൊല്ലേണ്ട ദിക്ർ

 

വീട്ടിൽ നിന്നു പുറത്തിറങ്ങുമ്പോൾ

بسم لله توكلت على الله  لا حول ولا قوة الا بالله

എന്നു ചൊല്ലണം.

അങ്ങനെ ചൊല്ലൽ സുന്നത്താണ്. ഇക്കാര്യം ഇമാം നവവി(റ) (ഈളാഹ്) അടക്കം നിരവധി ഇമാമുകൾ ഹദീസിൻ്റെ വെളിച്ചത്തിൽ വിവരിച്ചിട്ടുണ്ട്.

ഹദീസും അർത്ഥവും

ﻋﻦ ﺃﻧﺲ - ﺭﺿﻲ اﻟﻠﻪ ﻋﻨﻪ - ﻗﺎﻝ: ﻗﺎﻝ ﺭﺳﻮﻝ اﻟﻠﻪ - ﺻﻠﻰ اﻟﻠﻪ ﻋﻠﻴﻪ ﻭﺳﻠﻢ -: " «ﺇﺫا ﺧﺮﺝ اﻟﺮﺟﻞ ﻣﻦ ﺑﻴﺘﻪ، ﻓﻘﺎﻝ: ﺑﺴﻢ اﻟﻠﻪ، ﺗﻮﻛﻠﺖ ﻋﻠﻰ اﻟﻠﻪ، ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ، ﻳﻘﺎﻝ ﻟﻪ ﺣﻴﻨﺌﺬ: ﻫﺪﻳﺖ ﻭﻛﻔﻴﺖ، ﻭﻭﻗﻴﺖ ﻓﻴﺘﻨﺤﻰ ﻟﻪ اﻟﺸﻴﻄﺎﻥ. ﻭﻳﻘﻮﻝ ﺷﻴﻄﺎﻥ ﺁﺧﺮ: ﻛﻴﻒ ﻟﻚ ﺑﺮﺟﻞ ﻗﺪ ﻫﺪﻱ ﻭﻛﻔﻲ، ﻭﻭﻗﻲ» ". ﺭﻭاﻩ ﺃﺑﻮ ﺩاﻭﺩ. ﻭﺭﻭﻯ اﻟﺘﺮﻣﺬﻱ ﺇﻟﻰ ﻗﻮﻟﻪ: " ﻟﻪ اﻟﺸﻴﻄﺎﻥ

അനസ്(റ) വിൽ നിന്നു നിവേദനം: ഒരാൾ വീട്ടിൽ നിന്നു പുറത്തിറങ്ങുമ്പോൾ 

''ബിസ്മില്ലാഹ് , തവക്കൽതു അലല്ലാഹ് , ലാ ഹൗല വലാ ഖുവ്വത ഇല്ലാ ബില്ലാഹ് '' എന്നു ചൊല്ലിയാൽ അവനോട് ' നിന്നെ സന്മാർഗ വഴിയിലേക്ക് ചേർക്കപ്പെട്ടു. എല്ലാ വെശമത്തിൽ നിന്നും നിനക്ക് രക്ഷ ലഭിക്കപ്പെട്ടു. ശത്രുക്കളുടെ ശല്യത്തിൽ നിന്നു നിനക്ക് സംരക്ഷണം ലഭിക്കപ്പെട്ടു ' വെന്ന് പറയപ്പെടും. അപ്പോൾ അവനിൽ നിന്നു നിരാശയോടെ പിശാച് അകന്നു പോകും. 

നിരാശപ്പെട്ട പിശാചിനോട് മറ്റൊരു പിശാച് ഇങ്ങനെ പറയും

'സന്മാർഗം , രക്ഷ , സംരക്ഷണം എന്നിവ ലഭിച്ച മനുഷ്യനെ നിനക്ക് എങ്ങനെ പിഴപ്പിക്കാൻ കഴിയും!? (അബൂദാവൂദ്)

ദുആ വസ്വിയ്യത്തോടെ
എം.എ.ജലീൽ സഖാഫി പുല്ലാര