മകളുടെ , മകളുടെ ഭർത്താവ് മഹ്റമാണോ ?

 

ഒരു സ്ത്രീ വഫാത്തിൻ്റെ ഇദ്ദ ആചരിക്കുകയാണ്. അവളുടെ മകളുടെ മകളെ വിവാഹം ചെയ്ത വ്യക്തിക്ക് ഇദ്ദയിരിക്കുന്നവളെ കാണാമോ?

കാണാം. കാണൽ അനുവദനീയമാണ്. വിവാഹ ബന്ധം നിഷിദ്ധമായവരാണല്ലോ. [മഹ്റമാണ്]

പ്രസ്തുത ഭർത്താവിന് ഇദ്ദയിലുള്ള സ്ത്രീ ഭാര്യയുടെ ഉമ്മയുടെ ഉമ്മയാണ്. ഭാര്യയുടെ ഉമ്മ , ഉമ്മയുടെ ഉമ്മ , ഉമ്മയുടെ ഉമ്മയുടെ ഉമ്മ . അങ്ങനെ എത്ര മേൽപ്പോട്ട് പോയാലും കാണൽ അനുവദനീയമാണ്. തൊട്ടാൽ വുളൂ മുറിയുകയുമില്ല. (ഫത്ഹുൽ മുഈൻ )

يحرم أصل زوجة أي امهاتها بنسب أو رضاع وان علت ( فتح المعين )

`പ്രത്യേക ശ്രദ്ധയ്ക്ക്`   കാണുന്ന കാര്യത്തിൽ ഇദ്ദയിൽ പ്രത്യേക മസ്അലയില്ല. ഇദ്ദയിലല്ലാത്ത വേളയിൽ കാണൽ അനുവദനീയമായവർ ഇദ്ദയിലും കാണൽ അനുവദനീയമാണ്. ഇദ്ദയിൽ കാണൽ ഹറാമായവർ അല്ലാത്തപ്പോഴും കാണൽ ഹറാമാണ്.ഈ വസ്തുത മറക്കരുത്.

ദുആ വസ്വിയ്യത്തോടെ
എം.എ.ജലീൽ സഖാഫി പുല്ലാര